Additional Pension For Central Government Pensioners: பணி ஒய்வுபெற்ற ஓய்வூதியதாரர்களுக்கு ஒரு முக்கிய செய்தி உள்ளது. சமீபத்தில் மத்திய அரசு ஓய்வூதியதாரர்களுக்கு கூடுதல் ஓய்வூதிய சலுகைகளை இந்திய அரசு அறிமுகப்படுத்தியுள்ளது. நாளுக்கு நாள் அதிகரித்து வரும் பணவீக்கத்திற்கு மத்தியில், வயதான ஓய்வு பெற்றவர்கள் மருத்துவச் செலவுகள் மற்றும் பிற நிதித் தேவைகள் உட்பட அவர்களின் வாழ்க்கைச் செலவுகளை நிர்வகிக்க உதவுவதற்கு இந்த கூடுதல் ஓய்வூதியம் வழங்கப்படுகின்றது.
Additional Pension: கூடுதல் ஓய்வூதியத்திற்கான தகுதி அளவுகோல்கள்
இது குறித்து மத்திய அரசு ஒரு குறிப்பாணையை வெளியிட்டது. 80 வயதை எட்டும் மத்திய அரசு ஓய்வூதியதாரர்கள் கூடுதல் ஓய்வூதிய கொடுப்பனவுகளுக்குத் தகுதி பெறுவார்கள் என அக்டோபர் 18, 2024 அன்று வெளியிடப்பட்ட இந்த அதிகாரப்பூர்வ குறிப்பாணையில் தெரிவிக்கப்பட்டுள்ளது. வயதான ஓய்வூதியதாரர்கள் போதுமான நிதி உதவியைப் பெறுவதை உறுதி செய்வதே இந்த ஏற்பாட்டின் நோக்கமாகும். இது அவர்கள் நியாயமான வாழ்க்கைத் தரத்தைத் தக்கவைக்க அனுமதிக்கிறது.
Pension Hike: ஓய்வூதிய அதிகரிப்பு குறித்த அதிகாரப்பூர்வ வழிகாட்டுதல்கள்
இந்த கூடுதல் ஓய்வூதிய சலுகை குறித்து ஓய்வூதியம் மற்றும் ஓய்வூதியதாரர்கள் நலத்துறை (DoPPW) விரிவான வழிகாட்டுதல்களை வகுத்துள்ளது. CCS விதிகள் 2021 இன் விதி 44 இன் துணை விதி 6 இன் படி, ஓய்வூதியதாரர்களுக்கு வயதாகும்போது படிப்படியாக அதிகரித்த ஓய்வூதியத் தொகைகளைப் பெறுவார்கள். பணவீக்கம் மற்றும் நாளுக்கு நாள் அதிகரிக்கும் வாழ்க்கைச் செலவுகளை ஈடுசெய்ய இந்த கூடுதல் ஓய்வூதியம் அவர்களுக்கு உதவும்.
Senior Citizens: வயது வாரியாக ஓய்வூதியதாரர்களுக்கு கிடைக்கும் கூடுதல் ஓய்வூதியம்
கூடுதல் ஓய்வூதியத் தொகை ஓய்வூதியதாரரின் வயதுக்கு ஏற்ப உயரும். இந்த உயர்வு பின்வருமாறு இருக்கும்
- 80 முதல் 85 வயதுடைய ஓய்வூதியதாரர்கள் தங்கள் அடிப்படை ஓய்வூதியத்தில் 20% கூடுதலாக பெறுவார்கள்.
- 85 முதல் 90 வயதுக்குட்பட்டவர்கள் தங்கள் ஓய்வூதியத்தில் 30% அதிகரிப்பைப் பெறுவார்கள்.
- 90 முதல் 95 வயதுடைய ஓய்வூதியதாரர்கள் தங்கள் ஓய்வூதியத்தில் 40% அதிகரிப்பைப் பெறுவார்கள்.
- 95 முதல் 100 வயதுக்குட்பட்டவர்கள் கூடுதலாக 50% ஓய்வூதியத்தைப் பெறுவார்கள்.
- 100 வயது மற்றும் அதற்கு மேற்பட்ட வயதை அடையும் ஓய்வூதியதாரர்கள் தங்கள் ஓய்வூதியத்தில் 100% அதிகரிப்பைப் பெறுவார்கள். இது அவர்களின் அடிப்படை ஓய்வூதியத்தை இரட்டிப்பாக்கும்.
இந்த கூடுதல் சலுகை ஓய்வூதியதாரர் 80 வயதை அடையும் மாதத்தின் முதல் நாளிலிருந்து அமலுக்கு வரும்.
Pensioners Latest News: கூடுதல் ஓய்வூதியத்தில் 65 வயதிலேயே தொடங்க முன்மொழிவு
கூடுதல் ஓய்வூதிய சலுகைகளுக்கான வயது வரம்பைக் குறைப்பதற்கான சாத்தியக்கூறுகள் குறித்து தொடர்ந்து விவாதங்கள் நடந்து வருகின்றன. தற்போது, ஓய்வூதியதாரர்கள் 80 வயதை எட்டிய பின்னரே அதிகரித்த ஓய்வூதியத்தைப் பெறுகிறார்கள். இருப்பினும், பல நிபுணர்கள் மற்றும் ஓய்வு பெற்றவர்கள் 65 முதல் 75 வயது வரையிலான காலகட்டத்தில்தான் நிதிச் சுமைகள் அதிகமாக உள்ளது என்றும் அந்த வயதில்தான் கூடுதல் ஓய்வூதியம் அதிகம் தேவைப்படுகின்றது என்றும் தெரிவித்துள்ளனர். ஆகையால் 65 வயது முதலே கூடுதல் ஓய்வூதியத்தை அளிக்க வேண்டும் என கேட்டுக்கொள்ளப்பட்டுள்ளது.
Compassionate Allowance: 65 வயதிலிருந்து கூடுதல் ஓய்வூதியம் வழங்க கோரிக்கை
கருணைத்தொகை என்றும் அழைக்கப்படும் கூடுதல் ஓய்வூதியத்தை 65 வயதிலிருந்து தொடங்கி படிப்படியாக அதிகரிக்கும் பரிந்துரையை நாடாளுமன்றக் குழு முன்வைத்துள்ளது. முன்மொழியப்பட்ட அதிகரிப்புகள் பின்வருமாறு:
- 65 வயதில் 5% அதிகரிப்பு
- 70 வயதில் 10% அதிகரிப்பு
- 75 வயதில் 15% அதிகரிப்பு
- 80 வயதில் 20% அதிகரிப்பு
இந்த திட்டம் இப்போது பரிசீலனையில்தான் உள்ளது. இறுதி முடிவு எதுவும் எடுக்கப்படவில்லை. இதற்கு ஒப்புதல் அளிக்கப்பட்டால், ஓய்வூதியதாரர்கள் ஓய்வு பெற்று சில ஆண்டுகளிலேயே கூடுதல் ஓய்வூதியத்தை பெறத் தொடங்குவார்கள்.
மேலும் படிக்க | ரூ.200 நோட்டுகள் பற்றி ரிசர்வ் வங்கி அளித்த முக்கிய தகவல்: உடனே தெரிந்துகொள்ளுங்கள்
மேலும் படிக்க | PM Kisan 19வது தவணை 2 நாட்களில் வருகிறது: தவணைத் தொகையை செக் செய்யும் எளிய வழி இதோ
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
