கண் பார்வை கூர்மைக்கு... டயட்டில் இந்த உணவுகளை கண்டிப்பாக சேருங்க...

Superfoods For Eyes: இன்றைய வாழ்க்கை முறை மற்றும் மோசமான வாழ்க்கை முறை காரணமாக, சிறு வயதிலேயே கண்ணாடியை நாட வேண்டிய நிலைமை உள்ளது. இதற்கு பல காரணங்கள் இருக்கலாம். ஊட்டத்சத்து குறைபாடு, நரம்பியல் பிரச்சனைகள் உள்ளிட்ட சில காரணங்களும் இதில் அடங்கும். 

கண ஆரோக்கியத்தை சரியாக கவனைத்துக் கொள்ளவில்லை என்றால், கண் நோய்கள், மங்கலான பார்வை அல்லது சிறு வயதிலேயே கண்பார்வை குறைபாடு போன்ற பிரச்சனைகள் ஏற்படலாம். அத்தகைய சூழ்நிலையில், பார்வையை மேம்படுத்த, உங்கள் உணவில் குறிப்பிட்ட சில உணவுகளை சேர்த்துக் கொள்வது (Health Tips) நன்மை பயக்கும்.

கேரட்

கேரட்டில் உள்ள பீட்டா கரோட்டின் உடலில் வைட்டமின் ஏ ஆக மாற்றப்படுகிறது. வைட்டமின் ஏ கண்பார்வை மற்றும் இரவு பார்வை திறனை மேம்படுத்த உதவுகிறது. கேரட்டில் உள்ள ஆக்ஸிஜனேற்ற பண்புகள் ஃப்ரீ ரேடிக்கல்கள் கண்களுக்கு ஏற்படுத்தும் ஆக்ஸிஜனேற்ற அழுத்தத்திலிருந்து பாதுகாக்கிறது. இதில் லுடீன் மற்றும் ஜீயாக்சாண்டின் கண்களுக்கு தீங்கு விளைவிக்கும் நீல ஒளியை வடிகட்டுவதன் மூலம், கண்புரை அபாயத்தைக் குறைக்கிறது.

ஆரஞ்சு

ஆரஞ்சு பழத்தில் நிறைந்துள்ள வைட்டமின் சி, கண்களை ஆக்ஸிஜனேற்ற அழுத்தத்திலிருந்து பாதுகாத்து கண்புரை அபாயத்தைக் குறைக்கிறது. ஆரஞ்சுகளில் ஆன்டிஆக்ஸிடன்ட்கள் ஃப்ரீ ரேடிக்கல்களால் ஏற்படும் சேதத்திலிருந்து கண்களைப் பாதுகாக்க உதவுகின்றன.

முட்டை

முட்டையில் வைட்டமின் ஏ உள்ளது. மேலும் இதில் உள்ள லுடீன், ஜீயாக்சாண்டின் என்னும் ஆக்ஸிஜனேற்றங்கள் கண்களுக்கு தீங்கு விளைவிக்கும் நீல ஒளியிலிருந்து பாதுகாக்கின்றன. மேலும், வயது தொடர்பான மாகுலர் சிதைவு பாதிப்பு மற்றும் கண்புரை அபாயத்தைக் குறைக்கின்றன. அவை வைட்டமின் ஏ இன் மூலமாகும், இது சரியான பார்வையை பராமரிக்கவும் மாலைக் கண் நோயை தடுக்கவும் முக்கியமானது.

திராட்சை

திராட்சையில் உள்ள வைட்டமின் கே கண்களின் இரத்த நாளங்களை ஆரோக்கியமாக வைக்கிறது. மேலும், திராட்சையில் உள்ள ரெஸ்வெராட்ரோல் என்ற ஆன்டி-ஆக்ஸிடன்ட் கண் அழற்சி மற்றும் கண்புரை அபாயத்தைக் குறைக்க உதவுகிறது.

நெல்லிக்காய்

நெல்லிக்காய் கண் ஆரோக்கியத்திற்கு மிகவும் நன்மை பயக்கும். வைட்டமின் சி நிறைந்த நெல்லிக்காய் கண்களின் இரத்த நாளங்களை பலப்படுத்துகிறது. கண்புரை அபாயத்தை குறைக்கிறது.

வாழைப்பழம்

வாழைப்பழம் ஒரு சுவையான பழம் மட்டுமல்ல, கண் ஆரோக்கியத்திற்கும் மிகவும் நன்மை பயக்கும். வாழைப்பழத்தில் உள்ள பொட்டாசியம் கண் தசைகளை வலுப்படுத்த உதவுகிறது. இதில் உள்ள ஆன்டிஆக்ஸிடன்ட்கள் கண்புரை போன்ற கண் நோய்களை உண்டாக்கும். ஆக்ஸிஜனேற்ற அழுத்தத்திலிருந்து கண்களைப் பாதுகாக்கிறது.

உலர்பழங்கள்

நட்ஸ்கள் என்னும் உலர் பழங்களில் நிறைந்துள்ள ஒமேகா -3 கொழுப்பு அமிலங்கள், முதுமை தொடர்பான சிதைவிலிருந்து கண்களைப் பாதுகாக்கின்றன. இதில் உள்ள வைட்டமின் ஈ ஒரு சக்திவாய்ந்த ஆக்ஸிஜனேற்றி. இது விழித்திரையின் ஆரோக்கியத்தை மேம்படுத்தி, கண்களை ஆக்ஸிஜனேற்ற அழுத்தத்திலிருந்து பாதுகாக்கிறது. 

மீன் உணவு

மீன் உணவுகளில் ஒமேகா -3 கொழுப்பு அமிலம் நிறைந்துள்ளது. இது கண்களை வயது தொடர்பான மாகுலர் சிதைவிலிருந்து பாதுகாக்க உதவுகிறது. கிளௌகோமா என்னும் கண் அழுத்த நோய் அபாயத்தைக் குறைக்கிறது.

பொறுப்புத் துறப்பு: எங்கள் கட்டுரை தகவல்களை வழங்குவதற்காக மட்டுமே. மேலும் விவரங்களுக்கு எப்போதும் நிபுணர் அல்லது உங்கள் மருத்துவரை அணுகவும். ZEE NEWS இதற்கு பொறுப்பேற்காது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!