டெல்லி மற்றும் அதனை சுற்றியுள்ள பகுதிகளில் 'மிகமோசமான' நிலைக்கு சென்ற காற்றின் தரம்; மேலும் மோசமைடைய வாய்ப்பு!!
டெல்லி: தலைநகர் டெல்லியில் இன்று காலை காற்றின் தரக் குறியீடு (AQI) 303 ஆக உயர்ந்து 'மோசமான' நிலையில் காணப்படுகிறது. தலைநகர் டெல்லியில் (Delhi Air Pollution) நாளுக்கு நாள் காற்றின் மாசு அளவு அதிகரித்த வண்ணம் உள்ளது. காற்று மிகவும் மோசமடைந்து ஆபத்து அளவை எட்டி இருக்கிறது. தற்போது டெல்லி (Delhi) மக்கள் காற்றை சுவாசிக்க முடியாமல் திணறி வருகின்றனர். உலகிலேயே காற்று மாசு அதிகமாக இருக்கும் நகரமாக டெல்லி உருவெடுத்துள்ளது. கடந்த சில தினங்களாக டெல்லியில் மாசு கலந்த பனிமூட்டம் நிலவி வருகிறது. இந்த நிலைமையை சமாளிக்க முடியாமல் அனைவரும் திணறும் நிலை உருவாகி உள்ளது. இதனால் சாலை விபத்துக்கள், ரயில் தாமதம், விமானங்கள் தரையிறங்க முடியாத நிலை ஏற்பட்டு வருகிறது.
இந்நிலையில், தேசிய தலைநகரம் மற்றும் அதனை சுற்றியுள்ள பகுதிகளில் காற்றின் தரம் திங்களன்று சற்று இயல்பு நிலைக்கு மாறியுள்ளது. காற்றின் தரக் குறியீடு (AQI) 'மோசமான' பிரிவை தாண்டியுள்ளது. அக்டோபர் மாத இறுதியில் இருந்து நகரம் கடுமையான காற்று மாசுபாட்டின் கீழ் உள்ளது. காலையில் டெல்லியில் உள்ள காற்றின் தரக் குறியீடு (AQI) 303 ஆக உயர்ந்தது என்று மத்தியில் இயங்கும் காற்றின் தரம் மற்றும் வானிலை முன்னறிவிப்பு மற்றும் ஆராய்ச்சி அமைப்பு (SAFAR) தெரிவித்துள்ளது.
அதன்படி, காற்றின் தரம் சாந்தினி சௌக்கில் அதிகபட்சமாக 373-ஆகவும், மதுரா சாலையில் 311 ஆகவும், திர்பூர் 310 ஆகவும், IIT டெல்லியில் 306 ஆகவும், டெல்லி பல்கலைக்கழகம் மற்றும் விமான நிலையம் (T3) 303 ஆகவும், லோதி சாலை 297 ஆகவும், பூசா 273 ஆகவும், அயனகர் 266. நொய்டாவில் உள்ள AQI 285 ஆகவும், குருகிராம் 281 ஆகவும் உள்ளது.
டிசம்பர் 5 ஆம் தேதி 'மிக மோசமான' நிலைக்கு AQI செல்லும் என கணிக்கப்பட்டுள்ளது. தீ விபத்தின் எண்ணிக்கையில் சிறிது அதிகரிப்பு உள்ளது SAFAR பல செயற்கைக்கோள் உற்பத்தியின் படி டிசம்பர் 2 ஆம் தேதி மதிப்பிடப்பட்டுள்ளது மற்றும் இது 332 ஆகும். மேலும், வட மாநிலங்களில் குளிர் வாட்டிவதைத்து வருகிறது.
