இந்தியாவின் மொத்த கொரோனா வைரஸ் தொற்றுகளின் எண்ணிக்கை 26,496-ஐ எட்டியுள்ளதாக சுகாதார மற்றும் குடும்ப நல அமைச்சகம் ஞாயிற்றுக்கிழமை தெரிவித்துள்ளது.
கடந்த 24 மணி நேரத்தில் மட்டும் 1,990 புதிய கொரோனா நேர்மறை வழக்குகள் மற்றும் 49 இறப்புகள் பதிவாகியிருப்பதாக அமைச்சகம் தெரிவித்துள்ளது.
இதில் குறைந்தது 19,868 நோயாளிகள் தற்போது சிகிச்சை பெற்று வருகின்றனர் எனவும் 5,804 பேர் குணப்படுத்தப்பட்டு வெளியேற்றப்பட்டுள்ளனர் எனவும் அது குறிப்பிட்டுள்ளது. மேலும் கொரோனா வைரஸ் இறப்பு எண்ணிக்கை இதுவரை 824-ஆக உயர்ந்துள்ளது எனவும் குறிப்பிட்டுள்ளது.
READ | கிராமத்தில் உள்ள மளிகை கடைகளையும் டிஜிட்டல் கடைகளாக மாற்றும் Amazon...
கொரோனா வைரஸ் வெடிப்பு நாட்டின் பிற பகுதிகளை விட மிக வேகமாக வளர்ந்து வரும் மகாராஷ்டிரா மற்றும் குஜராத் ஆகிய மாநிலங்களில் அதிக எண்ணிக்கையிலான வழக்குகள் உள்ளன. 7,628 நோய்த்தொற்றுகள் மற்றும் 323 இறப்புகளுடன், மகாராஷ்டிரா நாட்டில் அதிக எண்ணிக்கையிலான வழக்குகளை பதிவு செய்துள்ளது. தொடர்ந்து குஜராத்தில், 3071 கொரோனா நோயாளிகள் மற்றும் 133 இறப்பு பதிவாகியுள்ளது.
தொற்றுநோய்களின் தேசிய இரட்டிப்பு விகிதம் 9.1 நாட்கள் என்று அதிகாரிகள் தெரிவித்துள்ளனர். மாநிலங்கள் அறிவித்த எண்களின் படி, இது குஜராத் மற்றும் மகாராஷ்டிராவுக்கு முறையே 4.3 மற்றும் 6.7 நாட்கள் ஆகும். அதிவேகமாக இருந்த வேறு சில நாடுகளுடன் ஒப்பிடும்போது, இந்தியாவில் வழக்குகளின் எண்ணிக்கையின் ஒட்டுமொத்த வளர்ச்சி நேரியல் என்று அதிகாரிகள் தெரிவிக்கின்றனர்.
இந்திய மருத்துவ ஆராய்ச்சி கவுன்சிலின் (ICMR) இயக்குநர் ஜெனரலும் சுகாதார ஆராய்ச்சித் துறையின் செயலாளருமான டாக்டர் பால்ராம் பார்கவா, கொரோனா தொற்று நேர்மறை விகிதம் சுமார் 4.5% வரை உள்ளது என குறிப்பிட்டுள்ளார். நேர்மறை விகிதம் என்பது ஒரு குறிப்பிட்ட நாளில் சோதிக்கப்படும் அனைத்து நபர்களிடமும் நேர்மறையை சோதிக்கும் நபர்களின் விகிதமாகும்.
READ | கொரோனா வைரஸை எதிர்த்து போராடா அடுத்தக்கட்ட நடவடிக்கையில் G20...
இந்தியா போதுமான அளவு சோதனை செய்து வருவதாக அதிகாரிகள் மற்றும் வல்லுநர்கள் வாதிடுகையில், நாடு முழுவதும் மேற்கொள்ளப்பட்ட மொத்த சோதனைகளின் எண்ணிக்கை இன்னும் ஒரு மில்லியன் மக்கள்தொகைக்கு வெறும் 420 தான் சோதிக்கப்பட்டுள்ளது என தகவல்கள் கூறுகிறது.
இதனிடையே திங்கள் அன்று, வீடியோ கான்பிரசிங் வாயிலாக பிரதமர் நரேந்திர மோடி மாநில முதலமைச்சர்களை சந்திப்பார் எனவும், கொரோனா வைரஸ் தொற்று தொடர்பான பிரச்சினைகள் தொடர்பான மூன்றாவது பூட்டுதல் குறித்த முடிவு உள்ளிட்ட பல பிரச்சினைகள் குறித்து விவாதிப்பார் என தெரிவிக்கப்பட்டுள்ளது.
இதனிடையே சனிகிழமை முதல் சுற்றுப்புறம் மற்றும் முழுமையான கடைகள் மீண்டும் வணிகத்தைத் தொடங்க மத்திய அரசு அனுமதி அளித்தது. அதேவேளையில் சந்தைகளில் உள்ள கடைகள் வழங்கம்போல் மே 3 வரை மூடப்பட்டிருக்கும் எனவும் தெரிவித்துள்ளது. அனைத்து கடைகளும் கிராமப்புறங்களில் திறக்கப்படலாம், ஆனால் எல்லா இடங்களிலும் மால்கள் மூடப்படும் என்று உள்துறை அமைச்சகம் வெள்ளிக்கிழமை இரவு வெளியிட்ட ஒரு உத்தரவில் தெரிவித்துள்ளது.
