8th Pay Commission: 8வது ஊதியக்குழுவிற்கு மத்திய அரசு ஒப்புதல் அளித்துவிட்டது. யாருக்கு எவ்வளவு சம்பள உயர்வு இருக்கும்? முழு விவரத்தை இங்கே காணலாம்.
8th Pay Commission: மத்திய அரசு ஊழியர்களின் ஊதியம் மற்றும் ஓய்வூதியதாரர்களின் ஓய்வூதியத்தில் திருத்தங்களை முன்மொழியும் 8வது ஊதியக் குழுவிற்கு மத்திய அமைச்சரவை ஒப்புதல் அளித்துள்ளது. இது அடுத்த ஆண்டு செயல்படுத்தப்படும் என்று கூறப்படுகின்றது. 8வது உதியக்குழுவின் கீழ் லெவல் 1 முதல் லெவல் 10 வரை உள்ள மத்திய அரசு ஊழியர்கள் மற்றும் ஓய்வூதியதாரர்களுக்கு ஊதிய உயர்வு மற்றும் ஓய்வூதிய உயர்வு எவ்வளவு இருக்கும்? முழு கணக்கீட்டை இங்கே காணலாம்.
மத்திய அரசு 8வது ஊதியக்குழுவிற்கு சமீபத்தில் ஒப்புதல் அளித்தது. இது 1 கோடிக்கும் மேற்பட்ட மத்திய அரசு ஊழியர்கள் மற்றும் ஓய்வூதியதாரர்களுக்கு நேரடியாகப் பயனளிக்கும். இந்த புதிய ஊதியக் குழு ஜனவரி 2026 முதல் அமல்படுத்தப்படக்கூடும். இதன் காரணமாக மத்திய அரசு ஊழியர்களின் சம்பளம் மற்றும் ஓய்வூதியதாரர்களின் ஓய்வூதியத்தில் நல்ல உயர்வு ஏற்படும்.
8வது ஊதியக் குழுவின் சம்பள உயர்வு, ஃபிட்மென்ட் ஃபாக்டரை அடிப்படையாகக் கொண்டிருக்கும். ஃபிட்மென்ட் ஃபாக்டர் 1.92 முதல் 2.86 -க்குள் இருக்கும் என்று நிபுணர்கள் மதிப்பிடுகின்றனர். அதிகபட்ச ஃபிட்மென்ட் ஃபாக்ட 2.86 அங்கீகரிக்கப்பட்டால், லெவல் 1 முதல் லெவல் 10 மத்திய ஊழியர்களின் சம்பளம் எவ்வளவு அதிகரிக்கும்? சம்பள உயர்வு பற்றிய முழுமையான விவரங்களை இங்கே காணலாம்.
லெவல் 1 (Level 1): பியூன், உதவியாளர், உதவி ஊழியர்கள் இந்த லெவலில் வருகிறார்கள். தற்போதைய சம்பளம்: ரூ.18,000, மதிப்பிடப்பட்டுள்ள புதிய சம்பளம்: ரூ.51,480, அதிகரிப்பு: ரூ.33,480 / லெவல் 2 (Level 2): இந்த லெவலில் எழுத்தர் கடமைகளுக்குப் பொறுப்பான கீழ் பிரிவு எழுத்தர்களும் அடங்குவர். தற்போதைய சம்பளம்: ரூ.19,900, மதிப்பிடப்பட்டுள்ள புதிய சம்பளம்: ரூ.56,914, அதிகரிப்பு: ரூ.37,014.
லெவல் 3 (Level 3): கான்ஸ்டபிள், திறன் பணியாளர் ஆகியோர் இந்த லெவலில் உள்ளனர். தற்போதைய சம்பளம்: ரூ.21,700, புதிய சம்பளம்: ரூ.62,062, அதிகரிப்பு: ரூ.40,362 / லெவல் 4 (Level 4): கிரேடு D ஸ்டெனோகிராஃபர், ஜூனியர் கிளார்க், தற்போதைய சம்பளம்: ரூ.25,500, புதிய ஊதுயம்: ரூ.72,930, ஊதிய உயர்வு: ரூ.47,430.
லெவல் 5 (Level 5): மூத்த எழுத்தர், தொழில்நுட்ப ஊழியர்கள், தற்போதைய சம்பளம்: ரூ.29,200, புதிய சம்பளம்: ரூ.83,512, அதிகரிப்பு: ரூ.54,312 / லெவல் 6 (Level 6): இன்ஸ்பெக்டர், சப்-இன்ஸ்பெக்டர், தற்போதைய சம்பளம்: ரூ.35,400, சாத்தியமான புதிய சம்பளம்: ரூ.1,01,244, அதிகரிப்பு: ரூ.65,844.
லெவல் 7 (Level 7): கண்காணிப்பாளர், பிரிவு அதிகாரி, உதவி பொறியாளர், தற்போதைய சம்பளம்: ரூ.44,900, புதிய சம்பளம்: ரூ.1,28,414, அதிகரிப்பு: ரூ.83,514 / லெவல் 8 (Level 8): பிரிவு அதிகாரி, உதவி தணிக்கை அதிகாரி, தற்போதைய சம்பளம்: ரூ.47,600, புதிய சம்பளம்: ரூ.1,36,136, அதிகரிப்பு: ரூ.88,536
லெவல் 9 (Level 9): துணை கண்காணிப்பாளர், கணக்கு அதிகாரி, தற்போதைய சம்பளம்: ரூ.53,100, சாத்தியமான புதிய சம்பளம்: ரூ.1,51,866, அதிகரிப்பு: ரூ.98,766 / லெவல் 10 (Level 10): குரூப் ஏ அதிகாரிகள் (சிவில் சர்வீஸ் தொடக்க நிலை), தற்போதைய சம்பளம்: ரூ.56,100, புதிய சம்பளம்: ரூ.1,60,446, அதிகரிப்பு: ரூ.1,04,346.
8வது ஊதியக்குழுவில் ஃபிட்மெண்ட் ஃபாக்டர் அதிகரித்தால், அதன் காரணமாக மத்திய அரசு ஊழியர்களின் மாத வருமானத்தில் குறிப்பிடத்தக்க அதிகரிப்பு ஏற்படும்.
ஓய்வூதியதாரர்களுக்கும் 8வது ஊதியக்குழுவில் ஓய்வூதுயம் பெரிய ஏற்றத்தை காணும் என நம்பப்படுகின்றது. ஃபிட்மெண்ட் ஃபாக்டர் 2.86 ஆனால், மாத ஓய்வூதியத்தில் சுமார் 30% அதிகரிப்பு இருக்கலாம். அதாவது குறைந்தபட்ச ஓய்வூதியம் தற்போதுள்ள ரூ.9,000 லிருந்து ரூ.25,740 ஆக உயரும்.
பொறுப்பு துறப்பு: இந்த பதிவு தகவல் நோக்கங்களுக்காக மட்டுமே எழுதப்பட்டுள்ளது. இதன் 8வது ஊதியக்குழுவின் மூலம் கிடைக்கக்கூடிய ஊதிய உயர்வு அல்லது ஓய்வூதிய உயர்வுக்கு எந்தவித உத்தரவாதமும் அளிக்கப்படவில்லை. சமீபத்திய மற்றும் துல்லியமான தகவல்களுக்கு அதிகாரப்பூர்வ அரசாங்க தளங்களை அணுக பரிந்துரைக்கபப்டுகின்றது.
