மஞ்சள் உலகம் முழுவதும் பிரபலமான ஓர் அற்புதமான மசாலாப் பொருள். இந்தியர்கள் அனைவரது வீட்டிலும் தவறாமல் இருக்கும் ஒரு பொருள் மஞ்சள். இது பல உடல்நலப் பிரச்சனைகளுக்கும் சிகிச்சையளிக்க உதவுகிறது. இதில் ஆன்டி-ஆக்ஸிடனட்டுகள், ஆன்டி- ஏஜிங் பொருட்கள் போன்றவை ஏராளமாக உள்ளது. எனவே மஞ்சளின் மற்ற நன்மைகள் என்னவென்று இங்கே விரிவாக தெரிந்துக்கொள்வோம்.
மஞ்சளில் உள்ள குர்குமின் இயற்கையான எதிர்ப்பு அழற்சி பண்புகளை கொண்டது. எனவே இது எந்தவொரு நோய் அல்லது நோயால் ஏற்படும் வீக்கத்திற்கு எதிராக போராட உடலுக்கு உதவுகிறது
மஞ்சளில் புரதம் (Proteins), நார்ச்சத்து (Fiber), வைட்டமின் E (Vitamin E), நியாசின், வைட்டமின் C, பொட்டாசியம், தாமிரம் (காப்பர்), இரும்பு (Iron), கால்சியம் (Calcium), மக்னீசியம், துத்தநாகம் (Zinc) போன்றவை நிறைந்துள்ளன. எனவே மஞ்சள் பல்வேறு வகைகளில் உடலுக்கு நன்மையளிக்கிறது.
உலகின் மிக கொடிய நோயானான புற்றுநோயிலிருந்து கூட மஞ்சள் பாதுகாப்பு அளிக்கும். மஞ்சளில் உள்ள கர்குமின் கேன்சரை உண்டாக்கும் அணுக்களை அழிக்கும் தன்மை கொண்டது.
உடலின் ஆக்ஸிஜனேற்ற திறனை மஞ்சள் அதிகரிக்கிறது.ஏனெனில் இது ஃப்ரீ ரேடிக்கல்களை நடுநிலையாக்குகிறது. எனினும் உடலின் சொந்த ஆக்ஸிஜனேற்ற நொதிகளை தூண்டும்.
மஞ்சளை பற்பொடியாக உபயோகித்தால், பற்கள் ரீதியான பிரச்சனைகள் நீங்கும் மற்றும் பற்களில் ஏற்பட்டுள்ள சொத்தையில் மஞ்சள் தூளை நன்கு வைத்து தேய்த்து வந்தால் பற்களில் உண்டாகிய பூச்சிகள் விரைவில் அரிப்பை குறைத்து விடும்.
