பயங்கரவாதிகள் News

ஜம்மு-காஷ்மீரில் புல்வாமாவில் பாதுகாப்பு படையினருக்கும், ஆயுதமேந்திய பயங்கரவாதிகளுக்கும் இடையே கடுமையான துப்பாக்கித் தாக்குதல் நடைபெற்று வருகிறது.

ஜம்மு-காஷ்மீர் எல்லைப் பகுதியில் பாகிஸ்தான் ராணுவத்திற்கு தொடர்ந்து பதிலடி கொடுத்து வருகிறது இந்திய ராணுவம்!

ஜம்மு காஷ்மீர் வடக்கு பாரமுல்லாவில் உள்ள சோபார் பகுதியில் பயங்கரவாதிகள் நடமாட்டம் இருப்பதாக, பாதுகாப்பு படையினருக்கு வந்த தகவலின் அடிப்படையில் அங்கு தீவிர தேடுதல் வேட்டை நடத்தப்பட்டது.

ராணுவ கான்வாய் மீது பயங்கரவாதிகள் தாக்குதல் நடத்தியதால் பரபரப்பு ஏற்பட்டது. இந்த தாக்குதலில் 3 வீரர்கள் பலியானார்கள். காஷ்மீர் மாநிலம், புல்வாமா மாவட்டத்தில், ஸ்ரீநகர் - ஜம்மு தேசிய நெடுஞ்சாலையில் அமைந்துள்ள பாம்போர் என்ற இடத்தில் சென்று கொண்டிருந்த ராணுவ கான்வாய் மீது பயங்கரவாதிகள் தாக்குதல் நடத்தினர். இந்த சம்பவத்தில் 3 ராணுவ வீரர்கள் பலியானார்கள். ராணுவ வீரர்கள் அந்த பகுதியை சுற்றி வளைத்து, பயங்கரவாதிகளை தேடும் பணியில் ஈடுபட்டுள்ளனர்.

ஜம்மு காஷ்மீரில் உள்ள எல்லைக்கட்டுப்பாட்டு பகுதியான லாங்கோட், ராம்பூர், நாம்காம் ம்,மற்றும் ஹண்ட்வாரா ஆகிய பகுதிகளில் பாகிஸ்தான் ராணுவத்தின் உதவியுடன் எல்லையில் ஊடுருவ பயங்கரவாதிகள் முயற்சித்தனர். இதையடுத்து உஷாரான ராணுவத்தினர் பதில் தாக்குதல் நடத்தி பயங்கரவாதிகளின் முயற்சியை முறியடித்தனர். மேலும் எல்லையில் உள்ள  பாரமுல்லாவில் பயங்கரவாதிகள் ஊடுருவ முயன்றதாக தகவல் வந்துள்ளது.  பூஞ்ச் பகுதியிலும் பதற்றம் நிலவி வருகிறது.

எல்லையில் பதற்றம் நிலவி வரும் நிலையில் ஜம்மு காஷ்மீர் மாநிலத்தில் ஹண்ட்வாராவில் அமைத்துள்ள ராணுவ முகாம் மீது பயங்கரவாதிகள் தாக்குதல் நடத்தினர்.  இதில் 2 பயங்கரவாதிகள் சுட்டுக்கொல்லப்பட்டனர். அதாவது லாங்கேட் பகுதியில் உள்ள ஹண்ட்வாரா ராணுவ முகாம் மீது பயங்கரவாதிகள் துப்பாக்கிசூடு நடத்தி வருகின்றனர். பயங்கரவாதிகளின் தாக்குதலுக்கு இந்திய வீரர்களும் தக்க பதிலடி கொடுத்து வருகின்றனர். இதில் 2 பயங்கரவாதிகள் சுட்டுக்கொல்லப்பட்டனர். மேலும் சர்வதேச எல்லைப்பகுதியில் 3 இடங்களில் ஊடுருவ முயன்ற பயங்கரவாதிகளின் முயற்சியையும் ராணுவத்தினர் முறியடித்துள்ளனர். 

ஜம்மு காஷ்மீரில் பயங்கரவாதிகள் கையெறி குண்டை வீசியதில் 5 சி.ஆர்.பி.எப் வீரர்கள் காயம் அடைந்தனர்.  தெற்கு காஷ்மீரின் குல்காம் மாவட்டம் வான்போக் பகுதியில் பயங்கரவாதிகள் கையெறி குண்டை வீசியுள்ளனர். கையெறி குண்டு வெடித்ததில் 5 பாதுகாப்பு படை போலீசார் காயம் அடைந்தனர். அவர்கள் உடனடியாக மீட்கப்பட்டு மருத்துவமனைக்கு கொண்டு செல்லப்பட்டனர். அவர்களுக்கு அங்கு சிகிச்சை அளிக்கப்பட்டு வருகிறது.  இதற்கிடையே அப்பகுதியை பாதுகாப்பு படையினர் சுற்றி வளைத்து உள்ளனர். பயங்கரவாதிகளை தேடும் பணி தீவிரமாக நடைபெற்று வருகிறது.

காஷ்மீரில் அமைதியின்மை நீடித்து வரும் நிலையில் பயங்கரவாதிகள் கையெறி குண்டு வீசியதில் பாதுகாப்பு படை வீரர்கள் 9 பேர் காயம் அடைந்து உள்ளனர். 

குப்வாரா மாவட்டத்தில் உள்ள கர்னா பகுதியில் பாதுகாப்பு படையினர் முகாம் மீது பயங்கரவாதிகள் தாக்குதல் நடத்தினர். இதனையடுத்து பயங்கரவாதிகளுக்கு பாதுகாப்பு படையினர் பதிலடி கொடுத்து வருகின்றனர். இருதரப்பு இடையே சண்டை நடைபெற்று வருகிறது. பயங்கரவாதிகள் திடீரென நடத்திய துப்பாக்கி சூடு தாக்குதலில் பாதுகாப்பு படை வீரர்கள் மூவர் காயம் அடைந்து உள்ளனர். காயம் அடைந்தவர்கள் உடனடியாக மீட்கப்பட்டு மருத்துவமனைக்கு கொண்டு செல்லப்பட்டனர்.

ஆப்கானிஸ்தான் தலைநகர் காபூலில் பயங்கரவாத தாக்குதல் நடத்தப்பட்டுள்ளது. வெளிநாட்டு சுற்றுலாப் பயணிகள் தங்கும் மாளிகை அருகே இந்த தாக்குதல் நடத்தப்பட்டுள்ளது. இந்த தாக்குதலுக்கு தாலிபன்கள் பொறுப்பேற்றுள்ளனர். வெளிநாட்டு சுற்றுலா மாளிகை வளாகத்திற்குள் வெடிகுண்டுகள் நிரப்பப்பட்ட டிரக்குகளுடன் சென்று தாலிபன்கள் இந்த தாக்குதலை நடத்தி இருப்பதாக கூறப்படுகிறது.

ஜம்மு காஷ்மீரில் 4 பயங்கரவாதிகள் சுட்டுக் கொல்லப்பட்டனர். ஒருவன் பிடிபட்டான். எல்லை பாதுகாப்பு படையினர் ரோந்து பணியில் ஈடுபட்டனர். பயங்கரவாதிகள் ஊடுருவல் முயற்சியை முறியடித்து வந்தனர்.  ஜம்மு காஷ்மீர் மாநிலம் குபுவாரா மாவட்டத்தில் எல்லைக் கட்டுப்பாட்டு கோட்டு பகுதியில் நவ்காம் செக்டாரில் பாதுகாப்பு படையினர் மற்றும் பயங்கரவாதிகள் இடையே துப்பாக்கி சண்டை நடைபெற்றது. துப்பாக்கி சண்டையில் 4 பயங்கரவாதிகள் சுட்டுக் கொல்லப்பட்டனர் என்று ராணுவ அதிகாரிகள் கூறிஉள்ளனர்.