மத்தியப் பிரதேசம் News

ப்ளூவேல் விளையாட்டின் அடுத்த பிடியில் மத்தியப் பிரதேச மாநில மாணவர் ஒருவர் தற்கொலை செய்து கொண்டதாக தகவல் வெளியாகியுள்ளது.  மத்திய பிரதேசம் மாநிலம் தமோ என்னும் இடத்தில் 11ம் வகுப்பு பயிலும் மாணவர் ஒருவர் ரயில் முன் பாய்ந்து தற்கொலை செய்து கொண்டார்.  அந்த மாணவரின் பெயர் சாத்விக் பாண்டே எனவும், அவர் சனிக்கிழமை மாலை முதல் காணவில்லை என முன்னதாக அவரது பெற்றோர் காவல்துறையில் புகார் செய்துள்ளனர்.

மற்றொரு அதிர்ச்சிகரமான சம்பவம், மத்திய பிரதேசத்தின் இந்தூர் மாவட்டத்தில் உடற்பயிற்சிகூடம் ஒன்றில் பெண் ஒருவரை கொடூரமாக தாக்கப்பட்டுள்ளார்.  உடற்பயிற்சியின் போது தனது நடத்தை பற்றி புகார் செய்ததால் ஆத்திரமடைந்த இளைஞர் ஒருவர், புகார் செய்த பெண்ணை பலமாக தாக்கினர். இந்த நிகழ்வின் முழு பதிப்பானது CCTV கேமராவில் பதிவாகியுள்ளது. தற்போது இந்த வீடியோ இணையத்தில் வைரலாக பரவி வருகிறது.  

மத்தியப் பிரதேசம் போபால் சிறையில் சிர்வர்களின் நெற்றியில் முத்திரை குத்திய சம்பவம் ஒன்று பரபரப்பை ஏற்படுத்தியுள்ளது. மத்தியப் பிரதேசம் போபால் மத்திய சிறையில் அடைக்கப்பட்டிருந்த தந்தையை காண தங்கள் தாயாருடன் சென்ற சிறுவர்களின் நேற்றில் சிறைச்சாலை அதிகாரிகளால் முத்திரையிடப்பட்டதாக கூறப்படுகிறது. சிறைக் கைதி குழந்தைகளிடமிருந்து வேறுபடுத்த இவ்வாறு நடத்தப்பட்டதாக கூறப்படுகிறது. இந்த சம்பவம்குறித்து இந்தியாவின் சிறைச்சாலை டைரக்டர் ஜெனரலிடம், மத்தியப்பிரதேச மனித உரிமைகள் ஆணையம், அறிக்கை ஒன்றை சமர்பிக்குமாறு கூறியுள்ளது.

மத்தியப் பிரதேசத்தில் பல்வேறு கோரிக்கைகளை வலியுறுத்தி விவசாயிகள் நடத்தி வரும் போராட்டத்தில் நேற்று வன்முறை வெடித்தது. இதில் 5 பேர் உயிரிழந்தனர். பலருக்கு பலத்த காயம் ஏற்பட்டது. இதையடுத்து சம்பந்தப்பட்ட பகுதிகளில் ஊரடங்கு உத்தரவு அமல்படுத்தப்பட்டுள்ளது. இதனிடையே, போலீஸார் நடத்திய துப்பாக்கிச் சூட்டின் காரணமாகவே 5 பேர் உயிரிழந்ததாகச் செய்திகள் வெளியாகின.  இந்தச் சம்பவத்துக்குப் பொறுப்பேற்று மாநில முதல்வர் சிவராஜ் சிங் செளஹான் பதவி விலக வேண்டும் என்று காங்கிரஸ் கட்சி கோரிக்கை விடுத்துள்ளது.

பெண்களுக்கு எதிரான பாலியல் வன்முறைகளில் ஈடுபடுவோர்க்கு எதிராக கடும் நடவடிக்யாக தூக்குத் தண்டனை அளிக்கக்கூடிய சட்டம் இயற்றப்படும் என மத்திய பிரதேச முதல்வர் சிவராஜ் சிங் சவுகான் தெரிவித்துள்ளார். மத்தியப் பிரதேச போலீஸ் அகாடமியின் பட்டமளிப்பு விழாவில் சிவராஜ் சிங் சவுகான் பேசியதாவது:-  சிறுமிகளை பாலியல் பலாத்காரம் செய்பவர்களுக்கு சிறைதண்டனை வழங்குவதற்கு பதில் மரண தண்டனை வழங்கும் மசோதா, சட்டப்பேரவையின் மழைக்கால கூட்டத்தொடரில் கொண்டுவரப்படும் என்று கூறினார்.

உத்தரப்பிரதேச மாநிலத்தை போன்று பாஜக ஆட்சியில் உள்ள பிற 5 மாநிலங்களில் மாட்டிறைச்சிக்கு தடை விதித்து அதன் கூடங்களுக்கு சீல் வைக்கப்பட்டது. கடந்த சட்டசபை தேர்தலில் உ.பி.யில் பாஜக ஆட்சிக்கு வந்த பின்னர் அந்த மாநிலத்தில் மாட்டிறைச்சிக்கு தடை விதிக்கப்பட்டது. இதே போன்று ஜார்கண்ட் மாநிலத்தில் சட்டவிரோதமாக செயல்பட்டு வரும் மாட்டிறைச்சி கூடங்களுக்கு கடந்த திங்கள்கிழமை சீல் வைக்கப்பட்டது.