10 હજારથી વધુ છે જેના શેરનો ભાવ, તે કંપનીઓ ગુજરાતમાં કરશે 1200 અબજનું રોકાણ

Semiconductor: ભારતમાં સેમિકંડક્ટર સેક્ટરનું હબ બનશે ગુજરાત. મોબાઈલ, લેપટોપ, ટીવી, ટેપ, સ્માર્ટ વોચથી લઈને દરેક હાઈટેક વસ્તુમાં થાય છે સેમિકંડક્ટરનો ઉપયોગ. માઈક્રોન કંપનીના શેરનો ભાવ હાલ 10 હજાર કરતા વધુ છે. જ્યારે ટાટાના ઈલેકટ્રોનિક્સ સેક્ટરમાં આવતી ટાટા એલેક્સી (TATA ELXSI) કંપનીના શેરનો ભાવ હાલ 7 હજાર રૂપિયા છે. અગાઉ આ કંપનીનો શેર પણ 9 હજારનો આંકડો પાર કરી ચુક્યો છે. આ બે દિગ્ગજ કંપનીઓ સેમિકંડક્ટર સેક્ટરમાં ગુજરાતમાં કરવા જઈ રહી છે અબજો રૂપિયાનું રોકાણ. 

• સેમિકંડક્ટર સેક્ટરની કંપનીઓ ગુજરાતમાં કરશે 1200 અબજ રૂપિયાનું રોકાણ
• ગુજરાત સેમિકનેક્ટ કોન્ફરન્સ 2024નું ગાંધીનગર ખાતે ભવ્ય આયોજન
• “ગુજરાત સેમીકનેક્ટ 2024: ભારતમાં સેમિકન્ડક્ટર ઇકોસિસ્ટમને સુદ્રઢ કરવી”
• “સેમિકન્ડક્ટર સપ્લાય ચેઇન્સમાં ઉભરતી તકો સાથે સ્થાનિક ઉદ્યોગોને જોડવું: ગુજરાત સેમિકનેક્ટ 2024 ના કેન્દ્રમાં સેમિકંડક્ટર ઇકૉસિસ્ટમ”
• "મુખ્યમંત્રી ભૂપેન્દ્રભાઈ પટેલ 19મી જુલાઈ, 2024ના રોજ મહાત્મા મંદિર કન્વેન્શન સેન્ટર ખાતે સેમિકનેક્ટ કોન્ફરન્સનું ઉદ્ઘાટન અને અધ્યક્ષતા કરશે"

માનનીય વડાપ્રધાન નરેન્દ્રભાઈ મોદીના દૂરંદેશી નેતૃત્વ હેઠળ, ભારત સરકારે સેમિકન્ડક્ટર સપ્લાય ચેઇન માટે ભારતને વૈશ્વિક હબ તરીકે સ્થાપિત કરવા અને આત્મનિર્ભર ભારતના સંકલ્પને સાકાર કરવા 10  બિલિયન અમેરિકન ડોલરનો સેમિકોન ઇન્ડિયા પ્રોગ્રામ શરૂ કર્યો છે. સેમિકોન વિઝનથી પ્રેરિત અને માનનીય મુખ્યમંત્રી શ્રી ભૂપેન્દ્રભાઈ પટેલના નિર્ણાયક નેતૃત્વ હેઠળ, સમર્પિત સેમિકન્ડક્ટરની નીતિ જાહેર કરનાર ગુજરાત ભારતનું પ્રથમ રાજ્ય બન્યું છે. જે અંતર્ગત પ્રમોશનલ પ્રવૃત્તિઓ તેમજ સેમિકન્ડક્ટર અને ડિસ્પ્લે ફેબ સુવિધાઓ માટે રાજ્ય તરફથી વધારાની સહાય પણ કરવામાં આવે છે. આ સક્રિય પગલાંને કારણે રોકાણકારોના વિશ્વાસમાં નોંધપાત્ર વધારો થયો છે, જેનાથી સમગ્ર ભારતમાં સેમિકન્ડક્ટર ક્ષેત્રમાં ગુજરાત રાજ્ય અગ્રેસર બન્યું છે. ઈન્ડિયા સેમિકન્ડક્ટર પ્રોગ્રામ હેઠળ ગુજરાતમાં 14 બિલિયન અમેરિકન ડોલરથી વધુનું રોકાણ થવા જઈ રહ્યું છે. 

સેમિકન્ડક્ટર્સ સબસ્ટ્રેટ, રસાયણો, વાયુઓ, ધાતુઓ, સાધનો અને ડાઉનસ્ટ્રીમ એપ્લિકેશન્સ જેવા ક્ષેત્રોને સમાવે છે. તેની પૂર્વજરૂરીયાતો અદ્યતન લોજિસ્ટિક્સ, ઉપયોગિતાઓ અને માનવ સંસાધન છે. ગુજરાત કાર્યક્ષમતા અને સ્પર્ધાત્મકતા વધારવા માટે વિશિષ્ટ લાભ ધરાવે છે. ગુજરાત સેમીકનેક્ટ ટોચની સેમિકન્ડક્ટર કંપનીઓ અને સ્થાનિક ઉદ્યોગોને એકબીજા સાથે જોડશે.

ગુજરાત સરકાર 19મી જુલાઈ, 2024ના રોજ મહાત્મા મંદિર કન્વેન્શન સેન્ટર ખાતે ગુજરાત સેમિકનેક્ટ કોન્ફરન્સનું આયોજન કરી રહી છે. કોન્ફરન્સનું ઉદ્ઘાટન માનનીય મુખ્યમંત્રી શ્રી ભૂપેન્દ્રભાઈ પટેલ દ્વારા કરવામાં આવશે અને વિશ્વભરના અગ્રણી સેમિકન્ડક્ટર સપ્લાય-ચેઈન ઉદ્યોગોના ટોચના અધિકારીઓની સહભાગિતાના સાક્ષી બનશે. માઈક્રોન ટેક્નોલોજી, ટાટા ઈલેક્ટ્રોનિક્સ અને સીજી પાવર,  ત્રણ મંજૂર પ્રોજેક્ટના સમર્થકો જે ગુજરાતમાં તેમની  સેમિકન્ડક્ટર મેન્યુફેક્ચરિંગ ફેસિલિટીનું નિર્માણ કરી રહેલ છે, તે કોન્ફરન્સ માટે સરકાર સાથે નોલેજ પાર્ટનર્સ તરીકે સહયોગ કરી રહ્યા છે. ઈન્વેસ્ટ ઈન્ડિયા અને ISM (ઈન્ડિયા સેમિકન્ડક્ટર મિશન) પણ નોલેજ પાર્ટનર્સ તરીકે કોન્ફરન્સમાં ભાગ લઈ રહ્યા છે.

ગુજરાત સેમીકનેક્ટ 2024નો પ્રાથમિક ઉદેશ્ય  રાજ્યમાં વધતી જતી સેમીકન્ડક્ટર ઇકોસિસ્ટમમાં એકીકૃત થવા માટે સ્થાનિક ઉદ્યોગોને તેમની પ્રોડક્ટ લાઇનને વિસ્તૃત કરવા અને વૈવિધ્યીકરણ કરવા પ્રોત્સાહન આપવા, પ્રોત્સાહિત કરવા અને સુવિધા આપવાનો છે. આ કોન્ફરન્સ આ મુખ્ય પ્રોજેક્ટના સમર્થકો વચ્ચેની ક્રિયાપ્રતિક્રિયાઓને જોડવા માટે એક પ્લેટફોર્મ તરીકે કામ કરશે. આ કોન્ફરન્સ રસાયણ, ગેસ, ઓટોમેશન, ઈલેક્ટ્રોનિક્સ,આઈટી અને અન્ય સંલગ્ન ક્ષેત્રોમાં કામ કરતા સ્થાનિક ઉદ્યોગો અને પરિયોજનાના હિમાયતીઓને જોડતી કડી તરીકે કામ કરશે.

કોન્ફરન્સમાં ઉદ્યોગ જગતના દિગ્ગજો જેમ કે શ્રી રણધીર ઠાકુર સીઈઓ, ટાટા ઈલેક્ટ્રોનિક્સ, શ્રી અરુણ મુરુગપ્પન એક્ઝિક્યુટિવ ચેરમેન, ટ્યુબ ઈન્વેસ્ટમેન્ટ્સ અને શ્રી ગુરશરણ સિંઘ એસવીપી, માઈક્રોન સહિત અન્ય ઘણા મહાનુભાવો ભાગ લેશે. ડાયરેક્ટર જનરલ તાઈવાન ઈકોનોમિક એન્ડ કલ્ચરલ સેન્ટર (TECC) શ્રી હોમર ચાંગ આ પ્રસંગે વિશેષ સંબોધન કરશે. જેટ્રો (જાપાન એક્સટર્નલ ટ્રેડ ઓર્ગેનાઈઝેશન) અને કોટ્રા (કોરિયા ટ્રેડ-ઈન્વેસ્ટમેન્ટ પ્રમોશન એજન્સી) કોન્ફરન્સ માટે જાણીતા આંતરરાષ્ટ્રીય નોલેજ પાર્ટનર્સ છે.

ગુજરાતના ઊભરતાં સેમિકન્ડક્ટર મેન્યુફેક્ચરિંગ સેક્ટરની પૃષ્ઠભૂમિ સામે રચાયેલી આ કોન્ફરન્સ, બિઝનેસ-ટુ-બિઝનેસ (B2B) અને બિઝનેસ-ટુ-ગવર્નમેન્ટ (B2G) મીટિંગ્સ માટે એક પ્લેટફોર્મ પૂરું પાડે છે જે સ્થાનિક પ્લેયર્સને બિઝનેસ લીડર અને સરકારી અધિકારીઓ સાથે સીધા જોડે છે. આ પહેલ તકનીકી નવીનતા અને ઉદ્યોગ સહયોગ માટે અનુકૂળ વાતાવરણને ઉત્તેજન આપવા રાજ્યની પ્રતિબદ્ધતાનું પ્રમાણપત્ર છે, જેનાથી વૈશ્વિક સેમિકન્ડક્ટર સપ્લાય ચેઇનમાં સ્થાનિક ઉદ્યોગોનું એકીકરણ થાય છે. ગુજરાત સેમીકનેક્ટ કોન્ફરન્સ 2024નો ઉદ્દેશ્ય રાજ્ય અને ભારતના સેમિકન્ડક્ટર સેક્ટરમાં વૃદ્ધિ, ભાગીદારી અને ઉન્નતિ માટેની અસંખ્ય તકોને ખોલવાનો  છે.

કેટલાક સ્થાનિક અને રાષ્ટ્રીય ઔદ્યોગિક સંગઠનો જેમ કે ISEA, ELCINA, ICEA, ICC, GCA, CII, FICCI, ASSOCHAM, GCCI, KCCI, SIA, SGCCI, GESIA, VCCI અને રાજકોટ એન્જિનિયરિંગ એસોસિએશન (REC) કોન્ફરન્સ માટે સક્રિય ભાગીદારી સાથે સહયોગ કરી રહ્યાં છે. 

આ પ્રસંગે વરિષ્ઠ અધિકારીઓ, ગુજરાતના મુખ્ય સચિવ શ્રી રાજ કુમાર, MeitYના સચિવ શ્રી એસ. કૃષ્ણન ઉપસ્થિત રહેશે. કોન્ફરન્સની રચના આઠ થીમ આધારિત સત્રો સાથે કરવામાં આવી છે, જે સેમિકન્ડક્ટર ઉદ્યોગમાં નિર્ણાયક ક્ષેત્રો પર ધ્યાન કેન્દ્રિત કરે છે. આ સત્રો સહભાગીઓ વચ્ચે ઊંડાણપૂર્વકની ચર્ચાઓ અને જ્ઞાનના આદાનપ્રદાનને પ્રોત્સાહન આપવા માટે રચાયેલ છે.

આ સત્રોમાં ઉચ્ચ ગુણવત્તાયુક્ત અને ચોકસાઇવાળા ફેબ ઉત્પાદન અને ક્લીનરૂમ, સેમિકન્ડક્ટરના સાધનોનું સ્થાનિકીકરણ, ચિપ ડિઝાઇન પદ્ધતિઓ અને સેમિકન્ડક્ટર ઉદ્યોગમાં રસાયણો અને ગેસ માટે સપ્લાય ચેઇન મેનેજમેન્ટ જેવી બાબતોને આવરી લેવામાં આવશે.
આગામી સત્રોમાં ગુજરાતને ઈલેક્ટ્રોનિક્સ મેન્યુફેક્ચરિંગ સર્વિસ હબમાં રૂપાંતરિત કરવા, વિવિધ ઉદ્યોગોમાં સેમિકન્ડક્ટર્સની એપ્લિકેશન અને ઉપયોગનો વ્યાપ વધારવા  અને પર્યાવરણીય અને સલામતી બાબતો પર ધ્યાન કેન્દ્રિત કરીને રસાયણો અને ગેસના જવાબદાર સંચાલનને સુનિશ્ચિત કરવા અંગે ચર્ચા કરવામાં આવશે. વધુમાં, સેમિકન્ડક્ટર ક્ષેત્રને ટેકો આપવા માટે લોજિસ્ટિક્સ કાર્યક્ષમતા વધારવા અને સેમિકન્ડક્ટર ઉદ્યોગમાં માનવ સંસાધન વ્યવસ્થાપન અને ક્ષમતા નિર્માણના મહત્વને પ્રકાશિત કરવા પર ચર્ચા કરવામાં આવશે. આ કોન્ફરન્સ સહભાગીઓને તેમની કામગીરી વધારવા, નવીનતાને પ્રોત્સાહન આપવા અને વ્યૂહાત્મક ભાગીદારી બનાવવા માટે મૂલ્યવાન આંતરદૃષ્ટિ અને તકો પ્રદાન કરશે. આ સત્રોમાં ભાગ લઈને ઉપસ્થિત લોકો  પ્રતિસ્પર્ધાત્મક પ્રગતિ કરી શકશે. ઉદ્યોગના વિકાસમાં ફાળો આપી શકે છે અને સેમિકન્ડક્ટર ક્ષેત્રની જટિલતાઓને સારી રીતે સમજી શકશે.

ગુજરાતમાં સીમાચિહ્નરુપ રોકાણ:
માઇક્રોન, TEPL, અને CG પાવર-
ગુજરાત સેમીકનેક્ટ 2024માં ઉદ્યોગ જાયન્ટ્સ માઇક્રોન, TEPL અને CG પાવર મોખરે છે, જે નોંધપાત્ર સેમિકન્ડક્ટર પ્રોજેક્ટ્સમાં અગ્રણી છે જે ગુજરાતના ઔદ્યોગિક ક્ષેત્રમાં ક્રાંતિ લાવવાનું વચન આપે છે. આ કોન્ફરન્સ રાજ્યની સેમિકન્ડક્ટર માંગને કેમિકલ્સથી લઈને IT સુધીના સ્થાનિક ક્ષેત્રો સાથે જોડાવા માટે તથા વિસ્તરણ અને વૈવિધ્યકરણને આગળ ધપાવવા માટે એક મહત્વપૂર્ણ કડી બનનાર છે.