અહીં હનુમાનજીની મૂર્તિ સાથે બિરાજમાન છે એક સ્ત્રી, જાણો શું છે આ મંદિર સાથે જોડાયેલી માન્યતા

Khammam Hanumanji Temple: બજરંગબલીને ભગવાન રામના મહાન ભક્ત માનવામાં આવે છે. આ જ કારણ છે કે હનુમાનજીના દરેક મંદિરમાં રામજી, સીતા માતા અને લક્ષ્મણજીની પ્રતિમા હોય છે. પરંતુ આજે અમે તમને બજરંબલીના તે મંદિર વિશે જણાવવા જઈ રહ્યા છીએ જ્યાં તેમની મૂર્તિ ન તો એકલી છે અને ન તો રામજી સાથે. અહીં હનુમાનજી એક મહિલા સાથે બિરાજમાન છે. આખરે આ કઈ સ્ત્રીની મૂર્તિ છે અને આ મંદિર ક્યાં છે? તો ચાલો જાણીએ હનુમાનજીના આ પ્રખ્યાત મંદિર વિશે.

અહીં હનુમાનજી સાથે છે એક મહિલા
તેલંગાણાના ખમ્મમ જિલ્લાના યેલનાડુ ગામમાં સ્થિત હનુમાનજીનું એક મંદિર છે જ્યાં તેમની મૂર્તિ એકલી નથી. આ મંદિરમાં બજરંબલીની સાથે સાથે એક મહિલાની પ્રતિમા પણ છે. આ મંદિર સાથે જોડાયેલી માન્યતાઓ અનુસાર બજરંબલીની સાથે જે મહિલાની મૂર્તિ છે તે તેની પત્ની છે. કહેવાય છે કે હનુમાનજીના આ લગ્નની કથા પરાશર સંહિતામાં કહેવામાં આવી છે. એવું કહેવાય છે કે હનુમાનજી, જેમણે તેમના ગુરુ સૂર્યદેવ પાસેથી 9 માંથી 5 વિદ્યાઓ પ્રાપ્ત કરી હતી, તેમને 4 વિદ્યાઓ મેળવવા માટે લગ્ન કરવાની જરૂર હતી. આ કારણથી હનુમાનજીએ સૂર્યદેવની પુત્રી સુરવચલા સાથે લગ્ન કર્યા હતા, જો કે લગ્ન પછી તરત જ સુવર્ચલા ફરી તપસ્યામાં લીન થઈ ગઈ.

આ મંદિરના દર્શન કરવાથી વૈવાહિક જીવન રહે છે સુખી
એવું માનવામાં આવે છે કે આ મંદિરના દર્શન કરવાથી વિવાહિત જીવનમાં કોઈ પણ વિખવાદ હોય તો તેનું નિવારણ થઈ જાય છે. એટલું જ નહીં, અહીં પતિ-પત્નીએ ભગવાન હનુમાનને એકબીજા સાથે પ્રેમથી રહેવાનું વચન આપવું પડશે.

શનિવાર અને મંગળવારે હનુમાનજીની પૂજા કરવાનું મહત્વ
 શનિવાર અને મંગળવારે બજરંબલીની પૂજા કરવાથી દરેક પ્રકારના દુ:ખ અને ભયમાંથી મુક્તિ મળે છે. અઠવાડિયાના આ બંને દિવસોમાં હનુમાનજીના મંદિરમાં જઈને ચમેલીના તેલ, સિંદૂર અને ચણાના લોટના લાડુ ચઢાવવાથી મનવાંછિત ફળ મળે છે. આ સિવાય આ દિવસે બજરંબલીની સાથે ભગવાન રામ અને માતા સીતાની અવશ્ય પૂજા કરો, તો જ તમને યોગ્ય પરિણામ મળશે. શનિવાર અને મંગળવારે હનુમાન ચાલીસાનો પાઠ કરવો પણ ખૂબ જ શુભ માનવામાં આવે છે.

(Disclaimer: અહીં આપવામાં આવેલી જાણકારી ધાર્મિક આસ્થા અને લોક માન્યતાઓ પર આધારિત છે. તેનો કોઇપણ વૈજ્ઞાનિક પ્રમાણ નથી. અહીં આપવામાં આવેલી માહિતી સામાન્ય માહિતી અને જાણકારી આધારિત છે. ZEE 24 KALAK તેની પુષ્ટ કરતું નથી.)