ನಿರೀಕ್ಷೆ ಹುಟ್ಟಿಸಿ.. ಭರವಸೆ ಹೆಚ್ಚಿಸಿರೋ "ನಾ ನಿನ್ನ ಬಿಡಲಾರೆ" ಸಿನಿಮಾ ನ.29ಕ್ಕೆ ರಿಲೀಸ್‌..!

Naa Ninna Bidalaare: ನಾ ನಿನ್ನ ಬಿಡಲಾರೆ ... ಕನ್ನಡ‌ ಚಿತ್ರರಂಗದ ಇತಿಹಾಸ ಪುಟಗಳಲ್ಲಿ ದಾಖಲಾಗಿರೋ‌ ಪವರ್ ಹಿಟ್ ಸಿನಿಮಾ. ಇದೀಗ ಅದೇ ಹೆಸರಲ್ಲಿ, ಹೊಸ ರೀತಿಯ ಕಥಾವಸ್ತು ಹೊಂದಿರೋ ,ಹೊಸ ತಂಡದ ಹೊಸ ಬಗೆಯ ಸಿನಿಮಾ ಈ ವಾರ ತೆರೆಗೆ ಬರ್ತಿದೆ.

ಅಧ್ಯಕ್ಷ ಶರಣ್ ಬಿಡುಗಡೆ ಮಾಡಿದ್ದ ಟೀಸರ್ ನಿಂದ ಸಿನಿಮಾ ಈಗಾಗಲೇ ಉದ್ಯಮದಲ್ಲಿ ವಿಶೇಷ ಕುತೂಹಲವನ್ನ ಹುಟ್ಟಿಸಿತ್ತು.ವಿಷಯ ಹಾಗೂ ಮೇಕಿಂಗ್ ನಿಂದ ನಿರೀಕ್ಷೆ ಮೂಡಿಸಿತ್ತು.

ಕಮಲ ಉಮಾ ಭಾರತಿ ಪ್ರೊಡಕ್ಷನ್ಸ್ ಬ್ಯಾನರ್ ನಡಿಯಲ್ಲಿ, ಅಂಬಾಲಿ ಭಾರತಿ ನಾಯಕಿಯಾಗಿ ನಟಿಸಿ ನಿರ್ಮಿಸಿರೋ ನಾ ನಿನ್ನ ಬಿಡಲಾರೆ ಚಿತ್ರವನ್ನ ನವೀನ್ ಜಿ.ಎಸ್ ನಿರ್ದೇಶಿಸಿದ್ದು, ಈ ಸಿನಿಮಾಗೆ ವೀರೇಶ್ ಎಸ್.ಛಾಯಾಗ್ರಹಣ ಮಾಡಿದ್ದಾರೆ. ಇನ್ನೂ ಎಮ್.ಎಸ್.ತ್ಯಾಗರಾಜು ಸಂಗೀತ ನೀಡಿದ್ದು, ದೀಪಕ್ ಜಿ.ಎಸ್ ಸಂಕಲನವಿದೆ.

ಇನ್ನೂ, ಈ ಚಿತ್ರದಲ್ಲಿ ಅಂಬಾಲಿ ಭಾರತಿಗೆ ಜೊತೆಯಾಗಿ ಪಂಚಿ, ಹರಿಣಿ, ಕೆ.ಸ್.ಶ್ರೀಧರ್, ಮಂಜುಳಾರೆಡ್ಡಿ, ಸೀರುಂಡೆ ರಘು, ಲಕ್ಷ್ಮೀ ಸಿದ್ದಯ್ಯ, ಮಹಂತೇಶ್, ಕೆ.ಸ್.ಶ್ರೀಧರ್, ಮಹಂತೇಶ್, ಶ್ರೀನಿವಾಸ್ ಪ್ರಭು ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದಾರೆ. 

ಹೊಸ ನಿರ್ದೇಶಕ, ಹೊಸ ನಿರ್ಮಾಪಕಿ, ಹೊಸ ನಾಯಕಿ ಹೀಗೆ ಬಹುತೇಕ ಹೊಸಬರೇ‌ ಕೂಡಿ ಹಳೇ ತಂತ್ರಜ್ಞರ ಜೊತೆಗೆ ಮಾಡಿರೋ ಈ ಸಿನಿಮಾದ ಟ್ರೈಲರ್ ಸಿನಿಮಾ ಮೇಲಿನ ನಿರೀಕ್ಷೆಯನ್ನ ನಂಬಿಕೆಯನ್ನ ಡಬಲ್ ಮಾಡಿತ್ತು. 

ಈ ಕಂಟೆಂಟ್ ಉದ್ಯಮದ ಟ್ರೆಂಡಿಂಗ್ ನಿರ್ದೇಶಕರುಗಳಾದ ಕಾಟೇರ ತರುಣ್ ಸುಧೀರ್, ಜೇಮ್ಸ್ ಚೇತನ್ ಕುಮಾರ್, ಸಿಂಪಲ್ ಸುನಿ ಪ್ರಶಂಸಿದ್ದರು.

ಎಲ್ಲಾ ಆ್ಯಂಗಲ್ ನಿಂದ್ಲೂ‌ ಪ್ರಾಮಿಸಿಂಗ್ ಆಗಿ‌ ಕಂಡಿರೋ ʻನಾ ನಿನ್ನ ಬಿಡಲಾರೆʼ  ಚಿತ್ರವನ್ನ ಲೈಲಾಕ್ ಎಂಟರ್ಟೈನ್ಮೆಂಟ್ ನ ಹೇಮಂತ್ ಈ ಚಿತ್ರವನ್ನ ರಾಜ್ಯದಾದ್ಯಂತ ವಿತರಿಸಿದ್ದು, ಅತ್ತುತ್ತಮ ಥಿಯೇಟರ್ ಸೆಟಪ್ಪಿನೊಂದಿಗೆ ಚಿತ್ರ ಈ ವಾರ ಅಂದ್ರೆ ನವೆಂಬರ್ 29ರಂದು ರಾಜ್ಯದಾದ್ಯಂತ ಬಿಡುಗಡೆಯಾಗ್ತಿದೆ.