ಅಡುಗೆ ಮನೆ ಗೋಡೆ ಮೇಲಿನ ಕಠಿಣ ಕಲೆಯನ್ನೂ ಸರಳವಾಗಿ ತೆಗೆದುಹಾಕುತ್ತೆ ಈ ಟಿಪ್ಸ್‌..! ಟ್ರೈ ಮಾಡಿ ನೋಡಿ..

Kitchen hacks : ಅಡುಗೆಮನೆಯಲ್ಲಿ ಅಡುಗೆ ಮಾಡುವಾಗ ಎಣ್ಣೆಯುಕ್ತ ಮಸಾಲೆ ಸಿಡಿದು ಗೋಡೆಗಳು ಕೊಳಕಾಗುತ್ತವೆ. ಗ್ಯಾಸ್ ಸ್ಟೌವ್ ಹಿಂದಿನ ಗೋಡೆಯಂತೂ ತನ್ನ ಬಣ್ಣವನ್ನೇ ಕಳೆದುಕೊಳ್ಳುತ್ತದೆ. ಅರಿಶಿನ ಮತ್ತು ಮಸಾಲೆ ಕಲೆಗಳು ಅದರ ಸೌಂದರ್ಯವನ್ನು ಹಾಳು ಮಾಡುತ್ತವೆ.. ಚಿಂತಿಸಿಬೇಡಿ.. ಅದಕ್ಕಾಗಿ ಇಲ್ಲೊಂದು ಸರಳ ಟಿಪ್ಸ್‌ ಇದೆ..

Lifestyle : ಅಡುಗೆ ಮಾಡುವಾಗ ಗೋಡೆಗಳ ಮೇಲೆ ಎಣ್ಣೆ ಮತ್ತು ಮಸಾಲೆ ಕಲೆಗಳು ಕಾಣಿಸಿಕೊಳ್ಳುವುದು ಸಾಮಾನ್ಯ. ಇದು ಪ್ರತಿ ಮನೆಯ ಅಡುಗೆಮನೆಯಲ್ಲಿಯೂ ನಡೆಯುತ್ತದೆ. ಈ ಗೋಡೆಯನ್ನು ಸರಿಯಾಗಿ ಸ್ವಚ್ಛಗೊಳಿಸದಿದ್ದರೆ, ಕಲೆಗಳು ಕ್ರಮೇಣ ಕಪ್ಪಾಗಿ ಕೊಳಕಾಗುತ್ತವೆ..

ಎಣ್ಣೆ ಮತ್ತು ಮಸಾಲೆ ಕಲೆಗಳನ್ನು ತೆಗೆದುಹಾಕಲು ಕೇವಲ ನೀರಿನಿಂದ ಸ್ವಚ್ಛಗೊಳಿಸಿದರೆ ಸಾಕಾಗುವುದಿಲ್ಲ. ಈ ಕಲೆ ಮತ್ತು ವಾಸನೆಯನ್ನು ತೊಡೆದುಹಾಕಲು ನೀವು ಈ ಕೆಳಗೆ ನೀಡಿರುವ ಟಿಪ್ಸ್‌ ಪಾಲಿಸಿದರೆ ಉತ್ತಮ ಫಲಿತಾಂಶ ಪಡೆದುಕೊಳ್ಳಬಹುದು.. ಅಲ್ಲದೆ, ಗೋಡೆಯ ಬಣ್ಣವು ಕೆಡುವುದಿಲ್ಲ. 

ಇದನ್ನೂ ಓದಿ:ಆ ಮುದುಕ ನನ್ನ ತೊಡೆಯ ಮೇಲೆ ಕೈ ಇಟ್ಟು.. 5 ನಿಮಿಷ..', 'ಬಿಗ್ ಬಾಸ್' ಸ್ಪರ್ಧಿಗೆ ಶಾಕಿಂಗ್‌ ಅನುಭವ..!

ಅಡಿಗೆ ಸೋಡಾ : ಗೋಡೆಯಿಂದ ಎಣ್ಣೆಯ ಕಲೆಗಳನ್ನು ತೆಗೆದುಹಾಕಲು, ಸ್ವಲ್ಪ ಅಡಿಗೆ ಸೋಡಾ ತೆಗೆದುಕೊಂಡು ಅದಕ್ಕೆ ನೀರು ಸೇರಿಸಿ ಪೇಸ್ಟ್ ಮಾಡಿ. ಈ ಪೇಸ್ಟ್ ಅನ್ನು ಕಲೆಗೆ ಹಚ್ಚಿ 15 ನಿಮಿಷಗಳ ಕಾಲ ಒಣಗಲು ಬಿಡಿ. ನಂತರ ಸ್ಕ್ರಬ್ಬರ್ ಅಥವಾ ಒದ್ದೆಯಾದ ಬಟ್ಟೆಯ ಸಹಾಯದಿಂದ ಸ್ವಚ್ಛಗೊಳಿಸಿ. 

ಟೂತ್‌ಪೇಸ್ಟ್ : ಬಿಳಿ ಟೂತ್‌ಪೇಸ್ಟ್ ಕೂಡ ಗೋಡೆಯ ಮೇಲಿನ ಕಲೆಗಳನ್ನು ತೆಗೆದುಹಾಕುತ್ತದೆ.. ಅದಕ್ಕಾಗಿ ನೀವು ಟೂತ್‌ಪೇಸ್ಟ್ ಅನ್ನು ಕಲೆಯ ಮೇಲೆ ಹಚ್ಚಿ ನಂತರ 5 ರಿಂದ 10 ನಿಮಿಷಗಳ ಕಾಲ ಬಿಡಿ. ನಂತರ, ಒದ್ದೆಯಾದ ಬಟ್ಟೆಯಿಂದ ಗೋಡೆಯನ್ನು ಒರೆಸಿದರೆ, ಕಲೆ ಮಾಯವಾಗುತ್ತದೆ.

ಇದನ್ನೂ ಓದಿ:ಅದೃಷ್ಟ ಬದಲಾಗಬೇಕಾದರೆ ಮನೆಯಲ್ಲಿ ಈ ಪ್ರಾಣಿ ಸಾಕಬೇಕಂತೆ ! ಸಾಕ್ಷಾತ್ ಲಕ್ಷ್ಮೀಯೇ ಮನೆಯಲ್ಲಿ ನೆಲೆ ನಿಲ್ಲುತ್ತಾಳೆಯಂತೆ !   

ಬೇಬಿ ಪೌಡರ್ : ಗೋಡೆಯ ಮೇಲಿನ ಎಣ್ಣೆಯ ಕಲೆಗಳು ಹೆಚ್ಚಾಗಿದ್ದರೆ.. ನೀವು ಬೇಬಿ ಪೌಡರ್ ಅನ್ನು ಸಹ ಬಳಸಬಹುದು. ಎಣ್ಣೆ ಕಲೆಗೆ ಬೇಬಿ ಪೌಡರ್ ಹಚ್ಚುವುದರಿಂದ ಎಣ್ಣೆ ಹೀರಿಕೊಳ್ಳುತ್ತದೆ. ರಾತ್ರಿ ಎಣ್ಣೆ ಕಲೆ ಇರುವ ಜಾಗಕ್ಕೆ ಬೇಬಿ ಪೌಡರ್ ಹಚ್ಚಿ ನಂತರ ಬೆಳಿಗ್ಗೆ ಬಟ್ಟೆಯಿಂದ ಗೋಡೆಯನ್ನು ಸ್ವಚ್ಛಗೊಳಿಸಿ..  

ಪಾತ್ರೆ ತೊಳೆಯುವ ಲಿಕ್ವಿಡ್‌ : ನಿಮ್ಮ ಅಡುಗೆಮನೆಯ ಗೋಡೆಗಳ ಟೈಲ್ಸ್ ಮೇಲೆ ಎಣ್ಣೆ ಮತ್ತು ಮಸಾಲೆ ಕಲೆಗಳನ್ನು ತೆಗೆದುಹಾಕಲು ಪಾತ್ರೆ ತೊಳೆಯುವ ಲಿಕ್ವಿಡ್‌ ಅನ್ನು ಸಹ ಬಳಸಬಹುದು. ನೀವು ಟೈಲ್ಸ್‌ಗಳಿಗೆ ಪಾತ್ರೆ ತೊಳೆಯುವ ದ್ರವವನ್ನು ಹಚ್ಚಿ ನೀರಿನಿಂದ ಸ್ವಚ್ಛಗೊಳಿಸಿದರೂ, ಕಲೆಗಳು ಹೋಗುತ್ತದೆ.