Viral Video: ಕುದುರೆ ಮೆರವಣಿಗೆಯಲ್ಲೇ ಹಠಾತ್‌ ಹೃದಯಾಘಾತದಿಂದ ವರ ಸಾವು; ಮದುವೆ ಮನೆಯಲ್ಲಿ ಸೂತಕದ ಛಾಯೆ!!

Viral Video: ಕುದುರೆ ಮೇಲೆ ಮೆರವಣಿಗೆ ಹೊರಟಿದ್ದ ವರನಿಗೆ ಹಠಾತ್‌ ಹೃದಯಾಘಾತವಾಗಿದ್ದು, ಆತ ಕುಸಿದು ಬಿದ್ದಿರುವ ವಿಡಿಯೋವನ್ನು ಸ್ಥಳೀಯರು ತಮ್ಮ ಮೊಬೈಲ್‌ನಲ್ಲಿ ಸೆರೆಹಿಡಿದಿದ್ದಾರೆ. ಕೂಡಲೇ ಆತನನ್ನು ಸ್ಥಳೀಯ ಆಸ್ಪತ್ರೆಗೆ ಸಾಗಿಸಲು ಪ್ರಯತ್ನಿಸಿದರೂ ಪ್ರಯೋಜನವಾಗಲಿಲ್ಲ.

ವರನಿಗೆ ಹಠಾತ್‌ ಹೃದಯಾಘಾತ!

Madhya Pradesh Viral Video: ಮದುವೆ ಮನೆ ಅಂದ್ರೆ ಅಲ್ಲಿ ಸಂಭ್ರಮ ಮನೆಮಾಡಿರುತ್ತದೆ. ಬಂಧು-ಬಳಗ, ಸ್ನೇಹಿತರು-ಸಂಬಂಧಿಗಳಿಂದ ಮದುವೆ ಸಂಭ್ರಮಕ್ಕೆ ಮತ್ತಷ್ಟು ಕಳೆಗಟ್ಟಿರುತ್ತದೆ. ಭಾರತದಲ್ಲಿ ಮದುವೆಗಳು ಸರಳವಾಗಿ ಮತ್ತು ಅದ್ಧೂರಿಯಾಗಿಯೂ ನಡೆಯುತ್ತವೆ. ಮದುವೆ ಸಂಭ್ರಮದಲ್ಲಿರುವಾಗಲೇ ಕೆಲವು ಆಘಾತಕಾರಿ ಘಟನೆಗಳು ಸಹ ನಡೆಯುತ್ತವೆ. ಇದಕ್ಕೆ ಉತ್ತಮ ನಿದರ್ಶನವೇ ಮಧ್ಯಪ್ರದೇಶದಲ್ಲಿ ನಡೆದಿರುವ ಈ ಘಟನೆ. 

ಮಧ್ಯಪ್ರದೇಶದ ಶಿಯೋಪುರ್ ನಗರದಲ್ಲಿ ಅದ್ದೂರಿಯಾಗಿ ಮದುವೆಯೊಂದು ನಡೆದಿತ್ತು. ಮದುವೆ ಸಂಭ್ರಮದಲ್ಲಿದ್ದ ವರನನ್ನ ಕುದುರೆ ಮೇಲೆ ಕುರಿಸಿ ಮೆರವಣಿಗೆ ಮಾಡಲಾಗುತ್ತಿತ್ತು. ಈ ವೇಳೆ ನೂರಾರು ಜನರು ಮೆರವಣಿಗೆಯಲ್ಲಿ ಪಾಲ್ಗೊಂಡಿದ್ದರು. ವರನು ಸಹ ತುಂಬಾ ಖುಷಿಖುಷಿಯಾಗಿಯೇ ಕುದುರೆ ಏರಿ ಮೆರವಣಿಗೆ ಹೊರಟ್ಟಿದ್ದನು. ಈ ವೇಳೆಯೇ ಆಘಾತಕಾರಿ ಘಟನೆಯೊಂದು ನಡೆದುಹೋಗಿದೆ. 

ಇದನ್ನೂ ಓದಿ: Delhi Earthquake: ಇಂದು ಬೆಳಗಿನಜಾವ ನಡುಗಿದ ದೆಹಲಿ... ಪ್ರಬಲ ಭೂಕಂಪಕ್ಕೆ ಬೆಚ್ಚಿಬಿದ್ದ ರಾಷ್ಟ್ರ ರಾಜಧಾನಿ ಜನತೆ!

ಹೌದು, ಮದುವೆ ಮೆರವಣಿಗೆಯಲ್ಲಿದ್ದ ವರನಿಗೆ ಹಠಾತ್‌ ಹೃದಯಾಘಾತವಾಗಿದೆ. ಪರಿಣಾಮ ಆತ ಕುದುರೆ ಮೇಲೆಯೇ ಕುಸಿದು ಬಿದ್ದಿದ್ದಾನೆ. ವರನ ಈ ಸಾವಿನಿಂದ ಮದುವೆ ಸಂಭ್ರಮದಲ್ಲಿದ್ದ ನೂರಾರು ಜನರಿಗೆ ಶಾಕ್‌ ಉಂಟಾಗಿದೆ. ಈ ವಿಡಿಯೋ ಇದೀಗ ಸೋಷಿಯಲ್‌ ಮೀಡಿಯಾದಲ್ಲಿ ಸಖತ್‌ ವೈರಲ್‌ ಆಗುತ್ತಿದೆ. 

In Madhya Pradesh's Sheopur district, the groom sitting on a horse suddenly died during the wedding ceremony. pic.twitter.com/AEd7LLvwKV

— Mohd Nadeem Siddiqui🇮🇳 (@nadeemwrites) February 15, 2025

ಕುದುರೆ ಮೇಲೆ ಮೆರವಣಿಗೆ ಹೊರಟಿದ್ದ ವರನಿಗೆ ಹಠಾತ್‌ ಹೃದಯಾಘಾತವಾಗಿದ್ದು, ಆತ ಕುಸಿದು ಬಿದ್ದಿರುವ ವಿಡಿಯೋವನ್ನು ಸ್ಥಳೀಯರು ತಮ್ಮ ಮೊಬೈಲ್‌ನಲ್ಲಿ ಸೆರೆಹಿಡಿದಿದ್ದಾರೆ. ಕೂಡಲೇ ಆತನನ್ನು ಸ್ಥಳೀಯ ಆಸ್ಪತ್ರೆಗೆ ಸಾಗಿಸಲು ಪ್ರಯತ್ನಿಸಿದರೂ ಪ್ರಯೋಜನವಾಗಲಿಲ್ಲ. ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗುತ್ತಿದೆ. ವರನ ಸಾವಿನಿಂದ ಸಂಭ್ರಮದಲ್ಲಿದ್ದ ಮದುವೆ ಮನೆಯಲ್ಲಿ ಸೂತಕದ ಛಾಯೆ ಆವರಿಸಿತ್ತು. ಕುಟುಂಬಸ್ಥರ ಆಕ್ರಂದನ ಮುಗಿಲು ಮುಟ್ಟಿತ್ತು. 

ಇದನ್ನೂ ಓದಿ: "ಕಪಟಿ" - ಡಾರ್ಕ್ ವೆಬ್‌ನಲ್ಲಿ ರೋಮಾಂಚನಕಾರಿ ಸವಾರಿ : ಬಹು ನಿರೀಕ್ಷಿತ ಈ ಚಿತ್ರ ಮಾರ್ಚ್ 7 ರಂದು ಬಿಡುಗಡೆ