കോട്ടയം: ഗാന്ധിനഗര് നഴ്സിംഗ് കോളേജിലെ റാഗിങിൽ കടുത്ത നടപടിയെടുത്ത ആരോഗ്യ വകുപ്പ്. കോളേജ് പ്രിൻസിപ്പൽ പ്രോഫ, സുലേഖ എ ടി, അസിസ്റ്റന്റ് പ്രൊഫസർ അജീഷ് പി മാണി എന്നിവരെ അന്വേഷണ വിധേയമായി സസ്പെൻഡ് ചെയ്തു. കോളേജ് ഹോസ്റ്റലിലെ റാഗിങ് തടയുന്നതിനും അതിൽ ഇടപെടുന്നതിനും ഇവർക്ക് വീഴ്ച പറ്റിയെന്ന കണ്ടെത്തലിനെ തുടർന്നാണ് ഈ നടപടി.
Also Read: നഴ്സിങ് കോളജ് റാഗിങ്ങിൽ റിപ്പോർട്ട് തേടി ദേശീയ മനുഷ്യാവകാശ കമ്മീഷൻ; 10 ദിവസത്തിൽ സമർപ്പിക്കണം
കോളേജിലെ ഹൗസ് കീപ്പര് കം സെക്യൂരിറ്റിയെ അടിയന്തരമായി നീക്കം ചെയ്യാനും നിര്ദേശം നൽകി. മെഡിക്കല് വിദ്യാഭ്യാസ വകുപ്പ് ഡയറക്ടര് നടത്തിയ അന്വേഷണത്തിലാണ് ഈ നടപടി. ആരോഗ്യമന്ത്രിയാണ് ഇവർക്കെതിരെ നടപടി എടുക്കാൻ നിർദ്ദേശം നൽകിയിരിക്കുന്നത്.
കേസിൽ പരാതിക്കാരുടെ മൊഴി പോലീസ് രേഖപ്പെടുത്തിയിട്ടുണ്ട്. റാഗിങിന് കാരണം പിറന്നാള് ആഘോഷത്തിന് പണം നല്കാതിരുന്നതാണെന്നാണ് പരാതിക്കാര് നൽകിയിരിക്കുന്ന മൊഴി.
ഡിസംബര് 13ന് ചിത്രീകരിച്ച ദൃശ്യങ്ങളാണ് പുറത്ത് വന്നതെന്ന് അന്വേഷണ സംഘം വ്യക്തമാക്കി. പരാതിക്കാരായ മുഴുവന് വിദ്യാര്ത്ഥികളുടെയും മൊഴി പോലീസ് രേഖപ്പെടുത്തിയിട്ടുണ്ട്. മൂന്ന് മാസത്തിലേറെ നീണ്ട അതിക്രൂരമായ റാഗിങ്ങാണ് ഗാന്ധിനഗര് നഴ്സിംഗ് കോളേജില് നടന്നതെന്നും. ഫെബ്രുവരി 9 നും സമാന രീതിയില് റാഗിംഗ് നടന്നിരുന്നതായുമാണ് റിപ്പോര്ട്ട്.
Also Read: ഇടവ രാശിക്കാർക്ക് ബിസിനസിൽ നേട്ടം, കന്നി രാശിക്കാർ സംസാരം നിയന്ത്രിക്കുക, അറിയാം ഇന്നത്തെ രാശിഫലം!
അതേസമയം ഹോസ്റ്റല് വാര്ഡന്റെ മൊഴിയില് സംശയമുള്ളതായി പോലീസ് വ്യക്തമാക്കിയിട്ടുണ്ട്. രാത്രികാലങ്ങളില് ഹോസ്റ്റലില് ഉണ്ടായിരുന്നില്ലെന്നാണ് വാര്ഡന്റെ മൊഴി. ഇയാളെ വീണ്ടും ചോദ്യം ചെയ്തേക്കുമെന്നും റിപ്പോർട്ടുണ്ട്. കേസില് ഗാന്ധിനഗര് നഴ്സിംഗ് കോളേജിലെ മൂന്നാം വര്ഷ വിദ്യാര്ത്ഥികളായ സാമുവല് ജോണ്, രാഹുല് രാജ്, റിജില്, വിവേക്, ജീവ എന്നിവരെ പൊലീസ് അറസ്റ്റ് ചെയ്തിട്ടുണ്ട്. റാഗിങ് നിരോധന നിയമപ്രകാരവും ഭാരതീയ ന്യായ സംഹിത 118, 308, 350 എന്നീ വകുപ്പുകള് പ്രകാരമാണ് പ്രതികള്ക്കെതിരെ കേസെടുത്തിരിക്കുന്നത്. ആവശ്യമെങ്കില് പ്രതികള്ക്കെതിരെ കൂടുതല് വകുപ്പുകള് ചുമത്തുമെന്നും റിപ്പോർട്ടുണ്ട്. കേസെടുത്തതിന് പിന്നാലെ വിദ്യാര്ത്ഥികളെ കോളേജില് നിന്ന് സസ്പെന്ഡ് ചെയ്തു.
കോളേജിലെ മൂന്നാംവര്ഷ ജനറല് നഴ്സിംഗ് വിദ്യാര്ഥികളായ അഞ്ചുപേർ ഒന്നാംവര്ഷ വിദ്യാര്ഥികളെ കഴിഞ്ഞ മൂന്നുമാസമായി ക്രൂരമായ റാഗിങ്ങിനിരയാക്കിയിരുന്നു. റാഗിങ്ങിന്റെ ദൃശ്യങ്ങളും ഇവര് പകര്ത്തിയിരുന്നു. ഇവരെയാണ് നിലവിൽ അറസ്റ്റ് ചെയ്തിരിക്കുന്നത്. കഴിഞ്ഞ നവംബറില് ഒന്നാംവര്ഷ വിദ്യാര്ത്ഥികള്ക്ക് ക്ലാസ് ആരംഭിച്ചതുമുതല് പ്രതികള് ഇവരെ റാഗിങ്ങിന് വിധേയരാക്കിയെന്നാണ് റിപ്പോർട്ട്. ഒന്നാംവര്ഷ ജനറല് നഴ്സിംഗ് ക്ലാസില് ആറ് ആണ്കുട്ടികളാണുണ്ടായിരുന്നത്. ഇവരെല്ലാം റാഗിങ്ങിനിരയായതായാണ് റിപ്പോർട്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.