Mumbai: Covid Third Wave ഭീതിയില്‍ രാജ്യം മുന്നോട്ടു നീങ്ങുമ്പോള്‍ ഞെട്ടിക്കുന്ന വാര്‍ത്ത മുംബൈയില്‍ നിന്നും.
മുംബൈയിലെ മെഡിക്കൽ കോളേജിലെ 29 വിദ്യാർത്ഥികൾക്ക് കോവിഡ്-19 സ്ഥിരീകരിച്ചു. അവരില്‍ 27 പേരും രണ്ട് ഡോസ് കോവിഡ് പ്രതിരോധ കുത്തിവയ്പ്പ് സ്വീകരിച്ചവരാണ് എന്നത് സംഭവത്തിന്‍റെ ഭീകരത വ്യക്തമാക്കുന്നു.
മുംബൈയിലെ കിംഗ് എഡ്വേർഡ് മെമ്മോറിയൽ (KEM) ആശുപത്രിയിലാണ് ആശങ്കാജനകമായ സംഭവം റിപ്പോര്‍ട്ട് ചെയ്യപ്പെട്ടിരിയ്ക്കുന്നത്. റിപ്പോര്‍ട്ട് അനുസരിച്ച് , കോവിഡ്-19 (Covid-19) സ്ഥിരീകരിച്ചുവരില്‍ 23 പേർ രണ്ടാം വർഷ എം‌ബി‌ബി‌എസ് വിദ്യാർത്ഥികളും ആറ് പേർ ആദ്യ വര്‍ഷ വിദ്യാര്‍ത്ഥികളുമാണ്. രണ്ട് വിദ്യാർത്ഥികളെ ചികിത്സയ്ക്കായി ആശുപത്രിയിൽ പ്രവേശിപ്പിച്ചതായും മറ്റുള്ളവരോട് ക്വാറന്റൈനിൽ കഴിയാൻ നിര്‍ദ്ദേശിച്ചതായും ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.
അതേസമയം, മെഡിക്കല്‍ കോളേജില്‍ ഇത്രയധികം വിദ്യാര്‍ത്ഥികള്‍ക്ക് ഒരേസമയം കോവിഡ് ബാധിച്ചത് സംബന്ധിച്ച് അന്വേഷണം നടക്കുകയാണ്.
രാജ്യത്ത് കഴിഞ്ഞ 24 മണിക്കൂറില്‍ 23,529 പുതിയ കോവിഡ് -19 കേസുകളും 311 മരണങ്ങളും രേഖപ്പെടുത്തി.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
