കൊച്ചി: സ്കൂട്ടർ തട്ടിപ്പ് കേസിൽ അന്വേഷണം വ്യാപിപ്പിച്ച് പോലീസ്. എൻജിഒ കോൺഫെഡറേഷൻ ചെയർമാനായിരുന്ന കെഎൻ ആനന്ദകുമാറിനെതിരെയും അന്വേഷണം വ്യാപിപ്പിച്ച് പോലീസ്. ആനന്ദകുമാറിന് എല്ലാ മാസവും പത്ത് ലക്ഷം രൂപ വീതം നൽകിയിരുന്നുവെന്ന് മുഖ്യപ്രതി അനന്തു കൃഷ്ണൻ മൊഴി നൽകിയതിന്റെ അടിസ്ഥാനത്തിലാണ് അന്വേഷണം സായ് ഗ്ലോബൽ ട്രസ്റ്റ് ചെയർമാൻ കൂടിയായ ആനന്ദകുമാറിലേക്കും വ്യാപിപ്പിച്ചത്.
പകുതി വിലയ്ക്ക് സ്കൂട്ടർ വാഗ്ദാനം ചെയ്ത് തട്ടിപ്പ് നടത്തിയതിന്റെ പൂർണ ഉത്തരവാദിത്തം അനന്തു കൃഷ്ണനാണെന്ന് ആനന്ദകുമാർ നേരത്തെ പറഞ്ഞിരുന്നു. മാസങ്ങൾക്ക് മുൻപ് തന്നെ എൻജിഒ കോൺഫെഡറേഷനിൽ നിന്ന് രാജിവച്ചെന്നും പിന്നീട് സംഭവിച്ച കാര്യങ്ങളിൽ തനിക്ക് ബന്ധമില്ലെന്നും ആനന്ദകുമാർ പറഞ്ഞിരുന്നു. അനന്തു കൃഷ്ണനാണ് സ്കൂട്ടർ വിതരണം ചെയ്യുന്ന പദ്ധതി കോൺഫെഡറേഷന് മുന്നിൽ അവതരിപ്പിച്ചത്.
ALSO READ: പാതിവില തട്ടിപ്പ്; തെളിവെടുപ്പ് ഇന്ന്, അനന്തുവിന്റെ മൊഴികളിൽ വൈരുധ്യമെന്ന് പൊലീസ്
അനന്തുവിന്റെ അക്കൗണ്ടിലേക്കാണ് പണം മുഴുവൻ വാങ്ങിയതെന്നും ആനന്ദകുമാർ പറയുന്നു. പദ്ധതിയുമായി ബന്ധപ്പെട്ട കാര്യങ്ങളിൽ കൃത്യമായി വിശദീകരണം നൽകാതെ വന്നതോടെയാണ് ഫെഡറേഷനിൽ നിന്ന് രാജിവച്ചതെന്നും ആനന്ദകുമാർ മുൻപ് മാധ്യമങ്ങളോട് പറഞ്ഞിരുന്നു. എന്നാൽ, എല്ലാ മാസവും നിശ്ചിത തുക ആനന്ദകുമാറിന് നൽകിയിരുന്നുവെന്നാണ് അനന്തുകൃഷ്ണൻ പോലീസിന് മൊഴി നൽകിയിരിക്കുന്നത്.
പിന്നീട് ആനന്ദകുമാറുമായി തെറ്റിയെന്നും അനന്തു കൃഷ്ണൻ പോലീസിനോട് പറഞ്ഞു. ആദ്യഘട്ടത്തിൽ അനന്തു കേന്ദ്ര പദ്ധതികളാണ് ലക്ഷ്യമിട്ടിരുന്നത്. ഇതിനെ സംബന്ധിച്ച് വിശദമായ പഠനവും നടത്തിയിരുന്നു. എന്നാൽ, അത് നടന്നില്ല. തുടർന്നാണ് സിഎസ്ആർ ഫണ്ടിലേക്ക് തിരിഞ്ഞത്. സിഎസ്ആർ ഫണ്ടായി ഒരു രൂപ പോലും അനന്തു കൃഷ്ണന് ലഭിച്ചിട്ടില്ല.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
