പാലക്കാട്: മണ്ണാർക്കാട് കുന്തിപ്പാടത്ത് കോഴിക്കൂടിനുള്ളിൽ പുലി കുടുങ്ങി. കോട്ടോപ്പാടം കുന്തിപ്പാടത്ത് പൂവത്താണി ഫിലിപ്പിന്റെ വീട്ടിലെ കോഴിക്കൂട്ടിലാണ് പുലി കുടുങ്ങിയത്. മണ്ണാർക്കാട് കോട്ടോപ്പാടം കുന്തിപ്പാടത്ത് ഇന്ന് പുലർച്ച രണ്ടരയോടെയാണ് സംഭവം. കോഴിക്കൂട്ടിൽ കയറാനുള്ള ശ്രമത്തിനിടെ കൂടിന്റെ വലയിൽ പുലിയുടെ കാൽ കുടുങ്ങി.
കോഴികളുടെ ബഹളം കേട്ട് ഫിലിപ്പ് പുറത്തറിങ്ങി നോക്കിയപ്പോഴാണ് പുലിയെ കണ്ടത്. ഇരുമ്പ് വലയിൽ കാൽ കുടുങ്ങിയ നിലയിലാണ് പുലിയുള്ളത്. വനം വകുപ്പും പോലീസും സ്ഥലത്തെത്തി. വനം വകുപ്പിന്റെ ഫോറസ്റ്റ് ചീഫ് വെറ്റിനറി ഓഫിസർ എത്തി മയക്കു വെടിവെച്ച് പുലിയെ പിടികൂടും. രാവിലെ ഒമ്പത് മണിയോടെ പുലിയെ മയക്കുവെടിവച്ച് പിടികൂടാനാണ് നീക്കം. പുലിയെ മാറ്റാനുള്ള കൂട് സ്ഥലത്തെത്തിച്ചു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
