തിരുവനന്തപുരം: സംസ്ഥാനത്ത് ലോക്ക്ഡൗൺ നിയന്ത്രണങ്ങൾ ഒരാഴ്ച കൂടി തുടരാൻ സാധ്യത. പരിശോധനകൾ വർധിപ്പിക്കാൻ തീരുമാനം. നാളെ കലക്ടർമാരുടെ യോഗത്തിന് ശേഷം അന്തിമ തീരുമാനം കൈക്കൊള്ളും.
ടെസ്റ്റ് പോസിറ്റിവിറ്റി നിരക്ക് കൂടുതലുള്ള വടക്കൻ ജില്ലകളിൽ പരിശോധന വർദ്ധിപ്പിക്കാനാണ് തീരുമാനം. മുഖ്യമന്ത്രിയുടെ നേതൃത്വത്തിൽ ഇന്ന് ചേർന്ന അവലോകന യോഗത്തിലാണ് ഇത് സംബന്ധിച്ച തീരുമാനം ഉണ്ടായത്. ലോക്ക്ഡൗണിൽ എന്തെല്ലാം ഇളവുകൾ നൽകണമെന്ന കാര്യത്തിൽ തീരുമാനമെടുക്കാൻ നാളെ മുഖ്യമന്ത്രിയുടെ അധ്യക്ഷതയിൽ ജില്ലാ കലക്ടർമാരുടെ യോഗം ചേരും. നാളെ വൈകിട്ട് മൂന്നരയ്ക്കാണ് കലക്ടർമാരുടെ യോഗം ചേരുന്നത്.
സംസ്ഥാനത്ത് ടെസ്റ്റുകൾ വർദ്ധിപ്പിച്ചതാണ് ടെസ്റ്റ് പോസിറ്റിവിറ്റി നിരക്ക് കൂടാൻ കാരണമെന്ന് വിദഗ്ധ സമിതി യോഗത്തിൽ വ്യക്തമാക്കി. സംസ്ഥാനത്തെ നിലവിലെ സ്ഥിതി ആശങ്കാജനകമല്ലെന്നും വിദഗ്ധ സമിതി അഭിപ്രായപ്പെട്ടു. നിയന്ത്രണങ്ങൾ തുടരണമെന്നാണ് പൊലീസും ആരോഗ്യവകുപ്പും യോഗത്തിൽ ആവശ്യപ്പെട്ടത്.
Updating....
