Priyan Oottathilaanu: 'പ്രിയൻ ഓട്ടത്തിലാണ്' തിയേറ്റർ റിലീസ് ഉടൻ, ഫസ്റ്റ് ലുക്ക് പുറത്തുവിട്ട് താരങ്ങൾ

ഷറഫുദ്ദീൻ, നൈല ഉഷ എന്നിവരെ കേന്ദ്ര കഥാപാത്രങ്ങളാക്കി ആന്റണി സോണി സംവിധാനം ചെയ്യുന്ന ചിത്രമാണ് 'പ്രിയൻ ഓട്ടത്തിലാണ്'. ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവിട്ടിരിക്കുകയാണ് അണിയറ പ്രവർത്തകർ. മമ്മൂട്ടിയും പോസ്റ്റർ പങ്കുവച്ചിട്ടുണ്ട്. ഷറഫുദ്ദീനും നൈല ഉഷയുമാണ് പോസ്റ്ററിലുള്ളത്. ചിത്രത്തിന്റെ റിലീസ് സംബന്ധിച്ചും പോസ്റ്ററിൽ സൂചനയുണ്ട്. മെയ് മാസത്തിൽ 'പ്രിയൻ ഓട്ടത്തിലാണ്' തിയേറ്ററുകളിലേക്ക് എത്തുമെന്നാണ് പോസ്റ്ററിലുള്ളത്. കൃത്യമായ തിയതി പ്രഖ്യാപിച്ചിട്ടില്ല. 

മഞ്ജു വാര്യരും ഷെയ്ൻ നി​ഗവും പ്രധാന വേഷങ്ങൾ ചെയ്ത C/O സൈറ ബാനുവിന് ശേഷം ആന്റണി സോണി സംവിധാനം ചെയ്യുന്ന ചിത്രമാണ് 'പ്രിയൻ ഓട്ടത്തിലാണ്'. മനോഹരം എന്ന ചിത്രത്തിലൂടെ പ്രേക്ഷകർക്ക് സുപരിചിതയായ അപർണ ദാസും ചിത്രത്തിൽ പ്രധാന വേഷത്തിലെത്തുന്നുണ്ട്. WOW സിനിമാസിന്റെ ബാനറിൽ സന്തോഷ് ത്രിവിക്രമൻ ആണ് നിർമ്മാണം. അഭയകുമാർ കെ, അനിൽ കുര്യൻ എന്നിവർ ചേർന്നാണ് തിരക്കഥയൊരുക്കിയിരിക്കുന്നത്. 

അനാർക്കലി മരക്കാർ, ബിജു സോപാനം, ജാഫർ ഇടുക്കി തുടങ്ങിയവരും ചിത്രത്തിൽ അഭിനയിക്കുന്നുണ്ട്. പിഎം ഉണ്ണികൃഷ്ണനാണ് ഛായാ​ഗ്രഹണം. അഭയകുമാറും പ്രജീഷ് പ്രേമും എഴുതിയ വരികൾക്ക് ഈണം നൽകിയിരിക്കുന്നത് ലിജിൻ ബംബീനോ ആണ്. 2021 മാർച്ച് 14നാണ് സിനിമയുടെ ചിത്രീകരണം തുടങ്ങിയത്. 

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy