राजू श्रीवास्तव यांच्या शोक सभेत आलेल्या विनोदवीराचं निधन
या कॉमेडीन अभिनेत्यानं काही दिवसांपूर्वीच राजू श्रीवास्तव यांच्या शोक सभेत हजेरी लावली होती.
)
मुंबई : सुप्रसिद्ध विनोदी कलाकार राजू श्रीवास्तव यांनी 21 सप्टेंबर रोजी सकाळी दिल्ली येथील एम्स रुग्णालयामध्ये अखेरचा श्वास घेतला. राजू श्रीवास्तवनंतर आता The Great Indian Laughter Challenge season 1 च्या आणखी एका विनोदी कलाकाराचं निधन झालं आहे. या कॉमेडी वीरचं नाव पराग कंसारा आहे. त्याच्या निधनाची माहिती कॉमेडीयन एहसान कुरैशी यांनी दिली आहे.
एहसान कुरैशी यांनी त्यांच्या इन्स्टाग्राम अकाऊंटवरून पोस्ट शेअर करत ही माहिती दिली आहे. या पोस्टमध्ये एहसान यांनी पराग कंसारा यांच्यासोबतचे काही फोटो सोशल मीडियावर शेअर केले आहेत. हे फोटो शेअर करत 'ओम शांती! आणखी एक प्रिय मित्र वडोदरा गुजरातचे कॉमेडियन पराग कंसारा यांनी या जगाचा निरोप घेतला आहे. राजूभाई यांच्या शोकसभेत पराग यांची भेट झाली होती. द ग्रेट इंडियन लाफ्टर चॅलेंज सीझन-1 च्या टॉप सहामध्ये होते त्यांच्या आत्म्याला शांती लाभो कुटुंबीयांना दु:ख सहन करण्याची शक्ती मिळो, आज दुपारी 4 वाजता त्यांच्या शहरात, वडोदरा येथे अंत्यसंस्कार केले जाईल', असं कॅप्शन दिलं आहे.
दरम्यान, यावरून ही माहिती समोर आली आहे की, पराग कंसारा आणि राजू श्रीवास्तव यांनी एकत्र द ग्रेट इंडियन लाफ्टर चॅलेंज सीझन-1 मध्ये काम केले होते. दोघेही लोकप्रिय असलेले हे कलाकार आता काळाच्या पडद्याआड गेले आहेत. पराग यांच्या निधनाचे कारण अज्ञाप समोर आलेले नाही. त्यामुळे सर्वत्र त्यांचं निधन कशामुळे झालं असा प्रश्न उपस्थित करण्यात येत आहे.