एक लाजरा अन् साजरा मुखडा! संकेत-सुपर्णाची लगीनघाई, साऊथ इंडियन लुकमध्ये फोटोशूट

Suparna Shyam and Sanket pathak wedding photos goes viral on instagram couple wins hearts with their latest south indian look

Sanket Pathak and Suparna Shyam Wedding Photos: सध्या टेलिव्हिजन विश्वात लग्नसराईचा माहोल आहे. लोकप्रिय अभिनेते आणि अभिनेत्री हे विवाहबंधनात अडकताना दिसत आहेत. आता सगळीकडेच चर्चा आहे ती म्हणजे अभिनेता संकेत पाठक आणि सुपर्णा श्याम (Suparna Shyam) यांच्या लग्नाची. सोशल मीडियावर त्यांच्या लग्नाचे फोटो व्हायरल होताना दिसत आहेत. सध्या त्या दोघांचा साऊथ इंडियन वेडिंग लुक इन्टाग्रामवर व्हायरल झाला आहे. त्यांचे चाहते त्यांच्या या लुकवर कमेंट करताना दिसत आहेत. हा फोटो रेट्रो फिल्टरमध्ये दिसतो आहे. एकमेकांसोबतच्या पोझमध्ये ते दोघंही अत्यंत रोमॅण्टिक मूडमध्ये दिसतायत. काही दिवसांपुर्वी संकेतच्या बॅचलर पार्टीचे (Sanket Pathak Bachelor Party) फोटो व्हायरल झाले होते. आता लवकरच ते दोघे विवाहबंधनात अडकणार आहेत. 

सुपर्णा आणि संकेत हे दोघंही लोकप्रिय टेलिव्हिजन स्टार्स आहेत. त्यांच्या डेटिंगच्या (Dating) चर्चाही अनेक दिवस गाजल्या होत्या. त्यातून आता त्यांच्या लग्नाच्या जोरात चर्चा रंगताना दिसत आहेत. लग्नाची बेडी या मालिकेतील राघव म्हणजेच संकेत पाठक आणि लोकप्रिय अभिनेत्री सुपर्णा श्याम यांचे हे रोमॅण्टिक फोटोज चाहत्यांचे लक्ष वेधून घेत आहेत. सुपर्णा आणि संकेतच्या साखरपुड्याचेही फोटो सोशल मीडियावर व्हायरल झाले होते. त्यावेळी चाहत्यांच्या त्यांच्या लग्नाची पहिली हिंट मिळाली होती. यामध्ये सुपर्णानं आपली अंगठी फ्लॉट (Suparna Shayam and Sanket Pathak Wedding Photos) केली होती आणि संकेतनं तिचा हात हातात घेतला होता. या फोटोवरही चाहत्यांच्या कमेंट्स आल्या आहेत. 

सुपर्णा आणि संकेत आता त्यांच्या 'हेडी डेज'मध्ये (Heady Days) बिझी आहेत. त्यामुळे ते अनेकदा डिनर डेटवर जाताना दिसतात. सुपर्णाच्या मेहेंदीचेही फोटो (Suparna Shyam Mehendi Videos) आणि व्हिडीओ हे सोशल मीडियावर व्हायरल झाले होते. यामध्ये ती तिच्या फॅमिलीसोबत मस्त डान्स एन्जॉय करताना दिसते होती. सुपर्णा आणि संकेत इन्टाग्रामवर अनेकदा रिल्सही करताना दिसतात. सुपर्णानं अनेक लोकप्रिय मालिकांमधून कामं केली आहे. तिची 2011 साली आलेली 'हे बंध रेशमाचे' हे मालिका प्रचंड गाजली होती. त्यानंतर ती 'दूहेरी' या मालिकेतूनही दिसली होती. संकेतही आता तरूणाईमध्ये फार लोकप्रिय झाला आहे. तो आता चॉकलेट बॉय म्हणूनही प्रसिद्ध झाला आहे. 

View this post on Instagram

सुपर्णा आणि संकेतच्या ग्रहमग केळवणाचेही (Grahmag Kelvan) व्हिडीओ व्हायरल झाले होते. त्यांच्या या फोटोंनाही प्रचंड लाईक्स आणि कमेंट्स मिळाले होते. आता हे दोघंही कधी एकदा विवाहबंधनात अडकत आहेत याची उत्सुकता त्यांच्या चाहत्यांनाही लागून राहिली आहे. तेव्हा या दोघांच्याही लग्नाचे व्हिडीओ आणि फोटो लवकरच चाहत्यांसमोर येतील तेव्हा स्टे ट्यू्न्ड!