भाजपच्या महिला नेत्याचा मृत्यू, मृत्यूपूर्वी ठेवलेल्या या स्टेटसने खळबळ

लखनऊ : उत्तर प्रदेशातील बांदा जिल्ह्यात जिल्हा पंचायत सदस्या श्वेता सिंह गौर (shweta singh gaur) यांचा मृतदेह संशयास्पद अवस्थेत लटकलेल्या अवस्थेत आढळल्याने खळबळ उडाली आहे. इंद्रनगर येथील राहत्या घरी त्यांनी साडीने गळफास घेतला. श्वेता सिंह या जिल्ह्यातील जसपुरा भागातील प्रभाग 12 मधून भाजपच्या जिल्हा पंचायत सदस्य होत्या. पती दीपक सिंग गौर हे घरी नव्हते. त्यांचा फोनही बंद आहे. ते भाजपचे नेतेही आहेत. घटनेची माहिती मिळताच संबंधित पोलीस ठाण्याचे पोलीस घटनास्थळी पोहोचले आणि त्यांनी तपास सुरू केला. श्वेता सिंहने काल रात्री एक व्हॉट्सअॅप स्टेटस टाकून लिहिले होते की - जखमी नाग, जखमी वाघ आणि अपमानित महिलेला नेहमी घाबरले पाहिजे.

सध्या या प्रकरणाचे गांभीर्य लक्षात घेऊन मोठा पोलीस बंदोबस्त तैनात करण्यात आला आहे. त्याचबरोबर या प्रकरणाचा तपास सुरू करण्यात आला आहे. 35 वर्षीय श्वेता सिंह गौर या भाजप महिला मोर्चाच्या जिल्हा सरचिटणीसही होत्या. त्यांनी समाजशास्त्रात पदव्युत्तर शिक्षण घेतले.

त्यांना तीन मुली आहेत. एसपी अभिनंदन म्हणाले की, सध्या जिल्हा पंचायत सदस्य श्वेता सिंह गौर यांनी राहत्या घरी गळफास घेऊन आत्महत्या केली आहे. तात्काळ माहिती मिळताच पोलीस, श्वानपथक व इतर पथके घटनास्थळी दाखल झाली.

घटनास्थळाची पाहणी केल्यानंतर खोली आतून बंद असल्याचं समोर आलं आहे. तिचा आणि तिच्या पतीमध्ये अनेक दिवसांपासून वाद सुरू होता. सासरची बाजू आणि माहेरी यांच्यात समझोता झाल्याची चर्चा होती.

आजही दोघांमध्ये वाद झाला, त्याचा राग आल्याने त्यांनी हे पाऊल उचलले. मृतदेह पोस्टमॉर्टमसाठी पाठवण्यात आला आहे. श्वेता सिंगचा खून की आत्महत्या, हे अहवाल आल्यानंतरच स्पष्ट होईल, असे पोलिसांचे म्हणणे आहे.