West Bengal Assembly Election 2021: नितीन गडकरींचा मोठा दावा, ममतांना बसणार धक्का?

कोलकाता : केंद्रीय रस्ते वाहतूक आणि महामार्ग मंत्री नितीन गडकरी (Nitin Gadkari)यांनी सोमवारी पश्चिम बंगालमधील पूर्व मिदनापूर येथे भाजपच्या विजयाचा दावा केला. राज्याच्या मुख्यमंत्री ममता बॅनर्जी (Mamta Banerjee) यांच्या दुखापतीबद्दल त्यांनी सहानुभूतीही  व्यक्त केला. अपघातावर कोणतेही राजकारण होऊ नये. असे वाद निवडणुकीचे वातावरण खराब करतात असेही ते म्हणाले. (West Bengal Assembly Election 2021)

केंद्रीय मंत्री नितीन गडकरी म्हणाले, 'केंद्रात सरकार भाजपची आहे आणि जर राज्यातही भाजपचं सरकार आलं तर डबल इंजिनप्रमाणे बंगाल खूप प्रगती करेल. आम्ही बंगालमध्ये एक लाख कोटींचे रस्ते बनवू, जर आम्हाला भूसंपादन आणि पर्यावरणाची मंजुरी मिळाली असती तर आपण आजही ते बांधू शकलो असतो. पण दुर्दैवाने यात अडथळेही आहेत. ' ते पुढे म्हणाले, 'ममता जींबरोबर एक अपघात झाला आणि त्याचे राजकारण केले जाऊ नये. असा वाद निर्माण करणे आणि निवडणुकीचे वातावरण खराब करणे योग्य होणार नाही.'

केंद्रीय मंत्री नितीन गडकरी पुढे म्हणाले की, 'निवडणुकांमुळे आपल्या लोकशाही परंपरेचे मोठेपण वाढते. निवडणुकांना कलंकित करू नये. ममता आणि आम्ही सार्वजनिक न्यायालयात जात आहोत. निर्णय मान्य करून पुढे जायला हवे.' (West Bengal Assembly Election)

'आपल्या देशातील वाहन उद्योगाची किंमत साडेचार लाख कोटी रुपये आहे. येत्या 5 वर्षात हा उद्योग दहा लाख कोटी रुपये होईल, असा माझा प्रयत्न आहे. येथील सरकार विकासाला सहकार्य करत नाही. मी बंगालमध्ये एक लाख कोटी रुपयांचा राष्ट्रीय महामार्ग तयार करेल. नंदीग्राममध्ये एक प्रचंड वाहन उद्योग आणण्याची चर्चा होती पण इथल्या सरकारने त्याला बंदी घातली. हा सर्वात रोजगारक्षम उद्योग आहे. बंगालमधील तरुणांना विकास करण्याचा अधिकार नाही का? ' असं ही गडकरी म्हणाले.