ATMमधून पैसे काढताना हिरव्या लाईटकडे लक्ष द्या, अन्यथा खाते रिकामे!

मुंबई : How can do safe atm transaction : एटीएममधून  (ATM) पैसे काढताना हिरवा लाईट लागला नाही तर तात्काळ सावध व्हा, अन्यथा खाते रिकामे होईल. सायबर गुन्ह्यांच्या वाढत्या घटनांमध्ये, आजकाल ऑनलाइन व्यवहारांसह एटीएममधून पैसे काढणे सुरक्षित नाही. (ATM transaction) एटीएममुळे रोख रकमेचा प्रश्न जितका सोपा झाला आहे, तितकाच अडचणीही वाढल्या आहेत. एटीएम फसवणुकीशी संबंधित दररोज काही नवे प्रकरण समोर येत आहेत.

अशा परिस्थितीत, थोडीशी सावधगिरी तुम्हाला कोणत्याही प्रकारच्या अनुचित घटनेपासून वाचवू शकते. एटीएममधून पैसे काढण्यापूर्वी तुम्ही ज्या एटीएममधून पैसे काढत आहात ते सुरक्षित आहे की नाही हे तपासावे. एटीएममध्ये सर्वात मोठा धोका कार्ड क्लोनिंगचा आहे. येथे आम्ही तुम्हाला सांगत आहोत की तुमचे डिटेल्स कसे चोरले जाऊ शकतात...

एटीएम मशिनमध्ये कार्ड टाकलेल्या स्लॉटमधून हॅकर्स कोणत्याही ग्राहकाचा डेटा चोरतात. ते एटीएम मशीनच्या कार्ड स्लॉटमध्ये असे उपकरण ठेवतात, जे तुमच्या कार्डची संपूर्ण माहिती स्कॅन करते. यानंतर, ते ब्लूटूथ किंवा इतर कोणत्याही वायरलेस डिव्हाइसमधून डेटा चोरतात.

तुमच्या डेबिट कार्डवर पूर्ण प्रवेश मिळवण्यासाठी, हॅकरकडे तुमचा पिन क्रमांक असणे आवश्यक आहे. हॅकर्स कॅमेऱ्याने पिन नंबर ट्रॅक करू शकतात. हे टाळण्यासाठी जेव्हाही तुम्ही एटीएममध्ये तुमचा पिन क्रमांक टाकाल तेव्हा तो दुसऱ्या हाताने लपवा. जेणेकरुन त्याचे छायाचित्र सीसीटीव्ही कॅमेऱ्यात जाऊ शकत नाही.

एटीएममध्ये जाताना एटीएम मशीनचा कार्ड स्लॉट काळजीपूर्वक तपासा. एटीएम कार्ड स्लॉटमध्ये काही छेडछाड झाली आहे किंवा स्लॉट सैल आहे किंवा इतर काही दोष आहे असे तुम्हाला वाटत असेल तर ते वापरू नका.

कार्ड स्लॉटमध्ये कार्ड घालताना, त्यातील प्रकाशाकडे लक्ष द्या. जर स्लॉटमध्ये हिरवा दिवा असेल तर एटीएम सुरक्षित आहे. पण त्यात लाल किंवा दिवा नसेल तर एटीएम वापरु नका. हे काहीतरी चुकीचे लक्षण असू शकते.

जर तुम्हाला कधी वाटत असेल की तुम्ही हॅकर्सच्या जाळ्यात सापडलात आणि बँकही बंद आहे, तर तुम्ही पोलिसांशी संपर्क साधावा. ही माहिती लवकरात लवकर पोलिसांना दिल्यास तिथे बोटांचे ठसे मिळू शकतात. तुमच्या आजूबाजूला कोणाकडे कार्यरत ब्लूटूथ कनेक्शन आहे हे देखील तुम्ही पाहू शकता, ज्यामुळे त्या व्यक्तीपर्यंत पोहोचणे सोपे होईल.