शोपियान सेक्टरमध्ये चकमक; सुरक्षा दलांकडून चार दहशतवाद्यांना कंठस्नान
अजूनही काही दहशतवादी लपून बसले असून चकमक सुरू आहे.
)
श्रीनगर: जम्मू-काश्मीरच्या शोपियान सेक्टरमध्ये रविवारी भारतीय लष्कर आणि दहशतवाद्यांमध्ये चकमक झाली. या चकमकीत आतापर्यंत चार दहशतवादी ठार झाले आहेत. प्राथमिक माहितीनुसार, येथील दारूमरोडा कीगम परिसरात दहशतवादी लपून बसल्याची माहिती सुरक्षा दलांना मिळाली होती. या माहितीच्या आधारे सुरक्षा दलांनी या परिसरात घेराव घातला. काही वेळानंतर दहशतवादी आणि भारतीय जवान आमनेसमाने आले आणि चकमकीला सुरुवात झाली. यामध्ये भारतीय जवानांनी चार दहशतवाद्यांना कंठस्नान घातले.
तसेच भारतीय लष्कराने या दहशतवाद्यांकडील शस्त्रसाठाही जप्त केला आहे. याठिकाणी अजूनही काही दहशतवादी लपून बसल्याची शक्यता असून शोध मोहीम सुरु आहे.
Shopian encounter #UPDATE: A total of four terrorists have been killed by security forces.Arms and ammunition recovered. Operation continues #jammukashmir pic.twitter.com/YlAGpCVbPO
— ANI (@ANI) June 23, 2019
काश्मीरमध्ये शुक्रवारपासून सुरक्षा दल आणि दहशतवादी यांच्यात चकमक पाहायला मिळत आहे. शनिवारी बारामुला जिल्ह्यात झालेल्या चकमकीत ‘जैश ए मोहम्मद’चा दहशतवादी ठार झाला होता.
Shopian Encounter: Two terrorists have been killed in ongoing encounter between terrorists and security forces in Daramdora area of Keegam in South Kashmir. Operation is going on. (Visuals deferred by unspecified time) #JammuAndKashmir pic.twitter.com/YJsqz9qxvY
— ANI (@ANI) June 23, 2019