38 तासांचा मेगाब्लॉक! थेट 2 ऑक्टोबरला दुपारनंतर धावणार लोकल

mumbai local train 38 hour mega block Harbour Line service will be closed till 2 october

38 Hour Harbour Line Mega Block: मुंबईकरांसाठी मोठी आणि महत्त्वाची बातमी आहे. मध्य रेल्वेकडून हार्बर मार्गावर (Harbour Line) तब्बल 38 तासांचा मेगाब्लॉक (Mega Block) घेण्यात आला आहे. हार्बर मार्गावरील लोकल आता थेट 2 ऑक्टोबरला दुपारी 1 नंतर सुरु होणार आहे. बेलापूर (Belapur) आणि पनवेल (Panvel) स्थानकांमधली वाहतूक शनिवारी रात्री 11 ते सोमवारी दुपारी 1 वाजेपर्यंत पूर्णपणे बंद आहेत.

#NaviMumbai: #Mumbai#Alert #MegaBlock

38-Hour Closure Between #Belapur and #Panvel For Dedicated Freight Corridor Expansion

NO LOCAL TRAINS BETWEEN BELAPUR & PANVEL ON HARBOUR & TRANS-HARBOUR LINE

Begins Saturday 30/09/2023 night 11.00 pm to Monday 02/10/2023 aft 1.00 pm.… pic.twitter.com/8cKodUmJhC

— मुंबई Matters™ (@mumbaimatterz) September 29, 2023

पनवेल उपनगरीय यार्डच्या पुनर्निर्माण कामासाठी, पश्चिम समर्पित फ्रेट कॉरिडॉरसाठी अप आणि डाउन 2 नवीन लाईनच्या बांधकामासाठी या ब्लॉक दरम्यान करण्यात येतं आहे. (mumbai local train 38 hour mega block Harbour Line service will be closed till 2 october )

हार्बर मार्गावरील अप आणि डाऊन उपनगरीय सेवा बेलापूर, नेरूळ आणि वाशी स्थानकांपर्यंत (Mumbai News) सुरु असणार आहे. तर ट्रान्सहार्बर मार्गावर अप आणि डाऊन उपनगरीय सेवा केवळ ठाणे आणि नेरुळ/वाशी स्टेशनदरम्यान लोकल धावणार आहेत. 

महामेगाब्लॉकनंतर पहिली लोकल कधी धावणार?

- 2 ऑक्टोबरला सीएसएमटीहून पनवेलसाठी पहिली लोकल 12 वाजून 8 मिनिटांनी धावणार आहे. ही लोकल 1 वाजून 29 मिनिटांनी पनवेल स्टेशनला पोहोचणार आहे. 

- 2 ऑक्टोबरला पनवेलहून सीएसएमटीकडे जाणारी पहिली लोकल1 वाजून 37 मिनिटांनी धावणार आहे. तर ही लोकल 2 वाजून 56 मिनिटांनी सीएसएमटी स्थानकात पोहोचणार आहे. 

- 2 ऑक्टोबरला ठाण्याहून पनवेलसाठी पहिली लोकल 1 वाजून 24 मिनिटांनी सुटणार असून ती 2 वाजून 16 मिनिटांनी पनवेलला दाखल होणार आहे. 

- 2 ऑक्टोबरला पनवेलहून ठाण्यासाठी पहिली लोकल 2 वाजून 1 मिनिटांनी धावणार असून ती 2 वाजून 54 मिनिटांनी ठाण्यात पोहोचणार आहे. 

मध्य, पश्चिम रेल्वेवर मेगाब्लॉक ?

हार्बर मार्गावर 38 तासांचा मेगाब्लॉक घेण्यात आल्यामुळे मध्य आणि पश्चिम रेल्वे मार्गावर ब्लॉक घेण्यात येणार नाही. त्यामुळे मध्य आणि पश्चिम मार्गावरील प्रवाशांना दिलासा मिळाला आहे.