कॉलेजच्या वेबसाईट मराठीत हव्या!

www.24taas.com, झी मीडिया, मुंबई
कॉलेजला अॅडमिशन तर घ्यायचेय आणि वेबसाईट मात्र इंग्रजीमध्ये. कशी समजणार आता कॉलेजेसची माहिती? कोणत्या कॉलेजमध्ये आहेत कोणते कोर्स? यांसारखे अनेक प्रश्न मुलांना भेडसावतात. याच प्रश्नांवर तोडगा काढण्यासाठी आणि मराठी भाषा जतन करण्यासाठी शिक्षण प्रशासनाने कॉलेजच्या वेबसाईट मराठीतून करण्याचे ठरवलेय.

मराठी भाषेचे संवर्धन होण्यासाठी आणि त्याचा विकास होण्यासाठी सर्व कॉलेजेसमध्ये वेबसाईट मराठीत करण्यात याव्यात असे निर्देश उच्च आणि तंत्रशिक्षणमंत्री राजेश टोपे यांनी संबधित अधिकाऱ्यांना दिलेत. राज्यातील अनेक विद्यार्थी कॉलेजचे शिक्षणही मराठीत घेताना दिसतात. नॅक मूल्यांकनासाठी वेबसाईट असणे जरुरीचे असते यासाठी प्रत्येक कॉलेज स्वत:ची वेबसाईट बनवत असतात.