मोदी-रजनी भेटीचं खाद्य, जोक्सचा बाजार गरम!

www.24taas.com, झी मीडिया, चेन्नई
नरेंद्र मोदी असो किंवा रजनीकांत... दोघांचं व्यक्तीमत्व कल्पनेपेक्षा भारी... रजनीकांत आपल्या सिनेमांमुळे नाही तर त्यांचे सिनेमा त्यांच्या नावावर चालतात.. सध्या मोदींबाबत एक गोष्ट कानावर पडते की ते पक्षामुळे नाहीत.. तर पक्ष मोदींमुळे आज या स्थितीत आहे.. या दोघांची लोकप्रियता त्यांना सर्व क्षेत्रात मानली जाते.. मग ते जोक्स आणि विनोदाच्या दुनियेत कशी नसेल...
मोदींवर सध्या एवढे विनोद आले नसतील... मात्र जोक्सचा शहेनशहा रजनीकांतसोबतच्या भेटीनंतर विनोदामध्ये नाविन्य शोधणाऱ्यांना नक्कीच काहीतरी हाती लागेल.... रजनीकांत फक्त नावच पुरेसं आहे एखाद्या फॅन्सच्या चेहऱ्यावर हसू आणण्यासाठी... एक असं नाव ज्याच्या मागे पुढे कोणी नाही.. हीच बाब प्रसिद्ध व्यक्तींवर जोक्स बनवणाऱ्यांना एक संधी देते....
रजनीकांतची चर्चा सुरु आहे आणि त्याच्यावरील जोक्स समोर नाही येणार असं होईल का? या जोक्सच्या दुनियेत रजनीकांतहून दुसरा कोणीही मोठा नाही. मात्र जोक्सच्या दुनियेत मोदी रजनीकांतप्रमाणे सुपरहिट नाहीत. पण एखाद्याची फिरकी घेण्याची त्याची अदा निराळी... आता रजनी मोदी एकत्र आलेच आहेत.. तर हा जोक्सचा बाजारही गरम होईल यांत शंका नाही..