आज पुण्यात रंगणार Ind vs Eng 4th T20 सामना, सीरिजमध्ये विजयी आघाडी घेण्यासाठी टीम इंडियात होणार बदल

India (IND) Vs England (ENG) 4th T20 Today Match: भारत आणि इंग्लंड यांच्यात खेळल्या जात असलेल्या 5 सामन्यांच्या T-20 मालिकेत भारतीय संघ सध्या 2-1 ने पुढे आहे. या मालिकेतील चौथा सामना  31 जानेवारी रोजी अर्थात आज पुण्यातील  महाराष्ट्र क्रिकेट असोसिएशन स्टेडियमवर खेळवला जाणार आहे. ज्यामध्ये टीम इंडियाची नजर अभेद्य आघाडीवर असेल. पण या सामन्याच्या आधी भारतीय संघात बदल होण्याची शक्यता आहे. कारण भारताने  या मालिकेतील पहिले 2 सामने जिंकले होते, मात्र तिसऱ्या सामन्यात संघाला 26 धावांनी पराभव स्वीकारावा लागला होता. याच कारणामुळे आजचा सामना दोन्ही संघांच्या दृष्टिकोनातून अत्यंत महत्त्वाचा आहे. टीम इंडिया जिंकायचा प्रयत्न करेल तर इंग्लंड मालिकेत बरोबरी साधण्याचा प्रयत्न करेल.

कधी आणि किती वाजता सुरू होईल सामना, कुठे लाइव्ह पाहता येईल?

भारत आणि इंग्लंड यांच्यातील चौथ्या T20 सामना भारतीय वेळेनुसार संध्याकाळी 7 वाजता सुरू होईल. या सामन्याचे नाणेफेक संध्याकाळी 6:30 वाजता होईल. भारतीय चाहत्यांना स्टार स्पोर्ट्स 1 आणि स्टार स्पोर्ट्स 3 वर या सामन्याचे थेट प्रक्षेपण पाहता येईल. याशिवाय, डिस्ने प्लस हॉटस्टार ॲपवर सामन्याचे ऑनलाइन लाइव्ह स्ट्रीमिंग केले जाईल, ज्यामध्ये चाहते लॉग इन करून सामना पाहू शकतात.

हे ही वाचा: मोठ्या उद्योगपतीच्या लेकीवर जडला टीम इंडियाच्या प्रशिक्षकाचा जीव, लव्हस्टोरी आहे एकदम फिल्मी

अर्शदीप सिंग येऊ शकतो परत 

अर्शदीप सिंगला तिसऱ्या T20I मध्ये विश्रांती दिल्यानंतर आता टीम इंडिया चौथ्या सामन्यासाठी त्याला परत आणू शकतात. पॉवरप्लेमध्ये विकेट घेण्याचे त्याचे कौशल्य पाहता, त्याला यावेळी संधी मिळेल अशी अपेक्षा आहे. 

रिंकू सिंग घेणार ध्रुव जुरेलची जागा 

रिंकू सिंग पुन्हा संघात सामील होण्याचे चान्सेस जास्त आहेत.  गुरुवार 30 जानेवारी रोजी भारताचे सहाय्यक प्रशिक्षक रायन टेन डोशेट यांनी तो तंदुरुस्त असल्याचे जाहीर केले. तो बराच वेळ नेटमध्ये सराव करताना दिसला, यावरून त्याचा चौथ्या सामन्याच्या प्लेइंग इलेव्हनमध्ये समावेश होण्याची शक्यता आहे. जर  तो प्लेइंग इलेव्हनमध्ये सामील झाल्यास भारताला ध्रुव जुरेलला वगळावे लागेल.

हे ही वाचा: क्रिकेटर मोहम्मद सिराज करणार लग्न? अभिनेत्रीच्या आईने केले स्पष्ट

भारताची संभाव्य प्लेईंग 11 

संजू सॅमसन, अभिषेक शर्मा, सूर्यकुमार यादव (कर्णधार), टिळक वर्मा, रमणदीप सिंग, शिवम दुबे, हार्दिक पांड्या, वरुण चक्रवर्ती, रवी बिश्नोई, वॉशिंग्टन सुंदर, अर्शदीप सिंग

हे ही वाचा: U19 ENG vs SA : विचित्र रनआऊट! थोडक्यात बचावला फिल्डर, Video Viral

इंग्लंडची संभाव्य प्लेईंग 11 

बेन डकेट, फिल सॉल्ट, जोस बटलर  (कर्णधार), हॅरी ब्रूक, लियाम लिव्हिंगस्टोन, जेमी स्मिथ, जेमी ओव्हरटन, ब्रायडन कार्स, जोफ्रा आर्चर, आदिल रशीद, मार्क वुड.