OPPO चा A57s स्मार्टफोन फक्त 15 हजार रुपयात, जाणून घ्या फीचर्स

OPPO A57s Launch Specifications Price: जर तुम्ही नवीन स्मार्टफोन घेण्याच्या विचारात असाल तर ही बातमी तुमच्यासाठी आहे. त्यात तुमचं बजेट 15 हजार रुपयांपेक्षा कमी असेल तर ही बातमी नक्की वाचा. स्मार्टफोन ब्रँड ओप्पोने एक नवीन A57s लाँच केला आहे. हा स्मार्टफोन A सीरीज अंतर्गत लाँच करण्यात आला आहे. या स्मार्टफोनची किंमत 15 हजार रुपयांपेक्षा कमी आहे. चांगल्या कॅमेऱ्यासोबतच फोनमध्ये अनेक फीचर्स देण्यात आले आहेत. जाणून घ्या या स्मार्टफोनचे स्पेसिफिकेशन्स...

या फोनमध्ये HD+ डिस्प्ले, 5000mAh बॅटरी आणि फास्ट चार्जिंग सपोर्ट, ड्युअल कॅमेरा सेटअपसह अनेक फीचर्स कमी किमतीत देण्यात आले आहेत. हा स्मार्टफोन OPPO A57 (2022) ची अपग्रेडेड मॉडेल आहे. या स्मार्टफोनमध्ये 4GB RAM आणि 64GB स्टोरेज आहे. हा स्मार्टफोन सध्या क्रोएशियामध्ये उपलब्ध करून देण्यात आला आहे. मात्र त्याची किंमत अधिकृतपणे जाहीर करण्यात आलेली नाही. रिपोर्ट्सनुसार, हा स्मार्टफोन 13 हजार ते 15 हजार रुपयांच्या दरम्यान लाँच केला जाऊ शकतो. 

ओप्पो A57s मध्ये  6.56-इंच HD + IPS LCD डिस्प्ले, 1612 x 720 पिक्सेलचे रिझोल्यूशन आणि 600nits पर्यंत पीक ब्राइटनेस दिलं आहे. हा स्मार्टफोन Mediatek Helio G35 SoC प्रोसेसवर काम करतो. याचे 64GB स्टोरेज देखील मायक्रो SD कार्डच्या मदतीने वाढवता येते. 
ओप्पो A57s ड्युअल रियर कॅमेरा सेटअपसह आहे. यात 50MP मुख्य सेन्सर आणि 2MP मोनो सेन्सरचा समावेश आहे. सेल्फी घेण्यासाठी आणि व्हिडीओ कॉल करण्यासाठी, या फोनमध्ये 8MP फ्रंट कॅमेरा आहे. या फोनमध्ये 5000mAh बॅटरी आणि 33W SuperVOOC चार्जिंग सपोर्ट आहे आणि USB Type-C पोर्ट चार्जिंगसाठी वापरला जाऊ शकतो.