VIVOचा हायटेक फोन झाला स्वस्त, १ महिन्यापूर्वी झाला होता लॉन्च

नवी दिल्ली : स्मार्टफोन कंपनी 'विवो'ला ग्राहकांची मोठी पसंती मिळत असल्याचं पहायला मिळत आहे. जर तुम्हीही विवो कंपनीचा फोन खरेदी करण्याचा विचार करत आाहात? तर मग तुमच्यासाठी एक आनंदाची बातमी आहे.

कंपनीने विवो V7 हा स्मार्टफोन काही दिवसांपूर्वीच लॉन्च केला होता. लॉन्चिंगवेळी या फोनची किंमत 18,990 रुपये होती. मात्र, आता या फोनच्या किंमतीत कपात करण्यात आली आहे.

विवो कंपनीने आपल्या विवो V7 या फोनची किंमत कमी केली आहे. त्यामुळे आता हा फोन 16,990 रुपयांत मिळणार आहे. विवो V7 या फोनची किंमत ऑनलाईनसोबतच ऑफलाईन स्टोअर्समध्ये लागू झाली आहे.

विवो ने V7+ या फोनच्या किंमतीत कुठल्याही प्रकारे कपात केलेली नाहीये. हा फोन बाजारात 21,990 रुपयांत मिळत आहे. 

कॅमेरा आहे स्मार्टफोनची खासियत

विवो V7 या स्मार्टफोनची खासियत म्हणजे कॅमेरा आहे. विवो V7 या फोनमध्ये 24 MP सेल्फी कॅमेरा देण्यात आला आहे. यामध्ये पोट्रेट मोडही देण्यात आला आहे. या फोनच्या सेल्फी कॅमेऱ्यात LED फ्लॅश देण्यात आला आहे. तसेच फोनमध्ये 16 मेगापिक्सलाच रियर कॅमेरा देण्यात आला आहे. फोनमध्ये फेस अनलॉक फिचरही उपलब्ध आहे.

विवो V7 फोनचे इतर फिचर्स...

• फोनमध्ये 5.7 इंचाचा डिस्प्ले देण्यात आला आहे. याचं रिझॉल्युशन 1440x720 पिक्सल्स आहे.

• फोनमध्ये 4GB रॅम आणि 32 GB इंटरनल मेमरी देण्यात आली आहे. ही मेमरी मायक्रोएसडी कार्डच्या सहाय्याने 256GB पर्यंत वाढवता येऊ शकते.

• फोनमध्ये क्वॉलकॉमचं ऑक्टोकोर प्रोसेसर देण्यात आलं आहे.

• फोनच्या मागच्या बाजुला फिंगरप्रिंट स्कॅनर देण्यात आलं आहे.

• 3000mAh ची बॅटरी असून ही फास्ट चार्जिंगला सपोर्ट करते.

• हा फोन 7.1 नोगटवर काम करतो.