WHO ने मंकीपॉक्सबाबत जाहीर केली जागतिक आणीबाणी, इतक्या देशांमध्ये फैलाव

मुंबई : कोरोनाने थैमान घातल्यानंतर आता कुठेतरी दिलासा मिळत असताना आता आणखी आजाराने जगाच्या चिंता वाढवल्या आहे. आता जागतिक आरोग्य संघटनेने ही याबाबत महत्त्वाचा इशारा दिला आहे. जगातील अनेक देशांमध्ये पसरलेल्या जागतिक आरोग्य संघटनेने (WHO) सार्वजनिक आरोग्य आणीबाणी घोषित केली आहे. जागतिक आरोग्य संघटनेचे महासंचालक टेड्रोस अधनोम घेब्रेसियस म्हणाले की, जागतिक मांकीपॉक्सचा उद्रेक हा आंतरराष्ट्रीय चिंतेची सार्वजनिक आरोग्य आणीबाणी दर्शवतो.

डब्ल्यूएचओ प्रमुख म्हणाले की, "मल्टी-कंट्री मंकीपॉक्सचा उद्रेक हा आंतरराष्ट्रीय चिंतेची सार्वजनिक आरोग्य आणीबाणी आहे की नाही याचे मूल्यांकन करण्यासाठी मी एक महिन्यापूर्वी आंतरराष्ट्रीय आरोग्य नियमांनुसार आपत्कालीन समिती बोलावली होती. त्या बैठकीत वेगवेगळी मते होती. समितीने सर्वानुमते ओळखले की उद्रेक हा आंतरराष्ट्रीय चिंतेच्या सार्वजनिक आरोग्य आणीबाणीचे प्रतिनिधित्व करत नाही. त्यावेळी 47 देशांतून मंकीपॉक्सची 3040 प्रकरणे नोंदवली गेली होती. तेव्हापासून हा प्रादुर्भाव वाढतच चालला आहे आणि आता 75 देशांमध्ये आहे आणि 16 हजारांहून अधिक प्रकरणे नोंदवली गेली आहेत. भागात आणि पाच मृत्यू झाले आहेत.

भारतात आतापर्यंत तीन प्रकरणं

भारतात आतापर्यंत मंकीपॉक्सची तीन प्रकरणे आढळून आली आहेत. अलीकडेच केरळमध्ये मंकीपॉक्सचा तिसरा रुग्ण आढळून आला. जुलैच्या सुरुवातीला संयुक्त अरब अमिराती (UAE) मधून परतलेल्या 35 वर्षीय व्यक्तीमध्ये मंकीपॉक्स संसर्गाची पुष्टी झाली. केरळच्या आरोग्य मंत्री वीणा जॉर्ज यांनी सांगितले होते की, मलप्पुरमचा रहिवासी असलेला तरुण 6 जुलै रोजी त्याच्या मूळ राज्यात परतला होता आणि 13 जुलैपासून त्याला ताप होता. तरुणावर तिरुअनंतपुरमच्या मंजेरी मेडिकल कॉलेजमध्ये उपचार सुरू आहेत. 

केरळच्या कन्नूर जिल्ह्यात भारतातील मंकीपॉक्सची दुसरी घटना नोंदवण्यात आली होती. 13 जुलै रोजी दुबईहून कन्नूरला परतलेल्या व्यक्तीमध्ये संसर्गाची पुष्टी झाली. तिरुवनंतपुरमच्या परियाराम मेडिकल कॉलेजमध्ये त्यांच्यावर उपचार सुरू आहेत. त्याचवेळी केरळमध्ये पहिला रुग्णही आढळून आला आहे. 12 जुलै रोजी यूएईहून कोल्लममध्ये आलेल्या व्यक्तीमध्ये संसर्गाची लक्षणे दिसून आली.