புதுடெல்லி: இன்றைய மாறி வரும் சூழ்நிலையில், பணி உத்தரவாதம் இல்லாத நிலையில் வேலை இல்லாமல் போனால் என்ன செய்வது என்ற கேள்வி எழுவதை தவிர்க்க முடியவில்லை. வேலையில்லாவிட்டால், வழக்கமான மற்றும் நிலையான மாத வருமானத்திற்கு உத்தரவாதம் அளிக்கக்கூடிய நம்பகமான நல்ல முதலீட்டுத் திட்டங்களை மக்கள் எதிர்பார்க்கின்றனர். அத்தகைய ஒரு திட்டத்தை பாரத ஸ்டேட் வங்கி வழங்குகிறது. எஸ்பிஐ ஆன்யூட்டி டெபாசிட் திட்டம் (SBI Annuity Deposit Scheme) உத்தரவாதமான வருமானத்தை வழங்குகிறது.
இத்திட்டத்தின்படி, முதலீட்டாளர்கள் ஒரே சமயத்தில் ஒரு தொகையை டெபாசிட் செய்ய வேண்டும், அதன் பிறகு அவர்கள் அசல் தொகையின் சில பகுதிகளை பெற்றுக் கொள்ளலாம். அவர்களுக்கான வட்டி, குறைக்கப்பட்ட அசல் தொகைக்கு ஏற்றாற்போல வழங்கப்படும்.
எளிமையாகச் சொன்னால், நீங்கள் வங்கிக்கு ஒரு குறிப்பிட்ட தொகையைச் செலுத்துகிறீர்கள், அது முதலீடு செய்யப்பட்ட தொகையின் மீதான வட்டியுடன் மாதாந்திர அடிப்படையில் உங்களுக்குத் திருப்பிச் செலுத்துகிறது.
ஒரே வருமானம் மட்டுமே உள்ளவர்களின் நிலைமை இன்னும் கவலைக்கிடமாக உள்ளது. எனவே, இந்த நிலையற்ற காலங்களில், மக்கள் வழக்கமான மற்றும் நிலையான மாத வருமானத்திற்கு உத்தரவாதம் அளிக்கக்கூடிய இலாபகரமான முதலீட்டுத் திட்டங்களைத் தேடுகின்றனர்.
மேலும் படிக்க | அடிச்சது ஜாக்பாட்! ஃபிக்சட் டெபாசிட்களுக்கு 9.11% வரை வட்டி, எந்த வங்கி கொடுக்கிறது?
ஜனவரி 2023 முதல் இந்தத் திட்டத்திற்கான வட்டி விகிதங்களை சமீபத்தில் திருத்தியது. முதலீட்டாளர்கள் இப்போது ஆண்டுக்கு 7.1 சதவீத வட்டியைப் பெறுகிறார்கள்.
எஸ்பிஐ வழங்கும் உத்தரவாதமான வருமானத்தை வழங்கும் திட்டத்தின்படி, ஆரம்ப வைப்புத்தொகைக்கு ஈடாக, முதலீட்டாளர்கள் சமமான மாதாந்திர தவணைகளில் (இஎம்ஐக்கள்) முன்னரே தீர்மானிக்கப்பட்ட மாதாந்திரத் தொகையைப் பெறுவார்கள். EMIகளில் பெறும் வருமானமானது வருடாந்திர வைப்புத் திட்டத்தில் நீங்கள் செலுத்திய தொகை வட்டியுடன் திருப்பிச் செலுத்தப்படுகிறது.
எஸ்பிஐயின் இந்தத் திட்டத்தில் 3, 5, 7 மற்றும் 10 ஆண்டுகள் டெபாசிட் காலத்திற்கான எஸ்பிஐ வருடாந்திர வைப்புத் திட்டத்தைப் பயன்படுத்திக் கொள்ளலாம். இந்த திட்டம் எஸ்பிஐயின் அனைத்து கிளைகளிலும் கிடைக்கிறது. மைனர்கள் உட்பட இந்திய குடிமக்கள் அனைவரும் எஸ்பிஐயின் ஆனியூட்டி திட்டத்த்தில் முதலீடு செய்யலாம். தனித்தனியாகவோ அல்லது கூட்டாகவோ இந்தத் திட்டத்தில் சேரலாம்.
மேலும் படிக்க | மூத்த குடிமக்களுக்கான செம ஜாக்பாட்.. டபுள் வருமானம் கிடைக்கும்
எஸ்பிஐ ஆன்யூட்டி டெபாசிட் திட்டத்தை முன்கூட்டியே மூடுவதற்கான விதிகள்
15 லட்சம் வரையிலான டெபாசிட்டுகளுக்கு முன்கூட்டிய பணம் செலுத்தவும் அனுமதிக்கப்படுகிறது, இருப்பினும், டெர்ம் டெபாசிட்டுகளுக்குப் பொருந்தும் வகையில் அபராதம் விதிக்கப்படும்.
எஸ்பிஐ ஆன்யூட்டி டெபாசிட் திட்டத்தில் முதலீடு செய்தபிறகு, அவசரத் தேவை ஏற்பட்டால், 75% வரை ஓவர் டிராஃப்ட் அல்லது கடனை பெற்றுக் கொள்ளலாம். இந்தத் திட்டத்திற்கான வட்டி TDSக்கு உட்பட்டது.
எஸ்பிஐ ஆன்யூட்டி டெபாசிட்
எஸ்பிஐ ஆன்யூட்டி டெபாசிட் திட்டத்தில், முதலீட்டாளர்கள் தங்கள் முதலீடு செய்யப்பட்ட தொகையை மாதாந்திர வருடாந்திர தவணையில் அசல் தொகையின் ஒரு பகுதியையும், குறையும் அசல் தொகைக்கான வட்டியையும் சேர்த்து தவணைகளில் பெற்றுக் கொள்வார்கள். எனவே, இந்தத் திட்டம் முடியும்போது, முதிர்வுத் தொகை எதுவும் கிடைக்காது.
மேலும் படிக்க | நிம்மதியான ரிட்டயர்மெண்ட் வாழ்க்கைக்கு பெஸ்ட் ஓய்வூதிய திட்டம்! டாப் 5 திட்டங்கள்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
