புது டெல்லி: மூத்த குடிமக்கள் தங்களுக்கு நிவாரணம் கிடைக்கும் என மத்திய அரசாங்கத்தின் மீது நம்பிக்கையுடன் உள்ளனர். நிதியமைச்சர் நிர்மலா சீதாராமன் அவர்களின் கோரிக்கைகளை நிரவேற்றுவாரா? என்று பட்ஜெட் தாக்கல் செய்யும் போது தான் ம்,முழுமையான விவரங்கள் தெரியும். ஆனால் தற்போதைய சூழலில், மூத்த குடிமக்களின் சில கோரிக்கைகளை வைத்துள்ளனர். அந்த கோரிக்கைகள் என்று பார்ப்போம். அதை மத்திய அரசு பரிசீலித்தால், அதனால் என்ன நன்மைகள் கிடைக்கும் என்பதையும் ஆராய்வோம்.
மூத்த குடிமக்களுக்கு என்ன சிறப்பு இருக்க முடியும்?
1. இரண்டு வயது வகைகளையும் ஒன்றாக இணைத்தல்:
வருமான வரிச் சட்டத்தின்படி, மூத்த குடிமக்கள் என இரண்டு குழுக்களாகப் பிரிக்கப்பட்டுள்ளனர் - மூத்த குடிமக்கள் மற்றும் சூப்பர் மூத்த குடிமக்கள். இந்த ஒவ்வொரு குழுவிற்கும் வரிச் சட்டங்களும் வேறுபடுகின்றன. மூத்த குடிமக்கள் அதாவது 60 முதல் 80 வயது வரை, ரூ .3 லட்சம் வரை வருமான வரி தள்ளுபடி செய்யப்படுகிறது. சூப்பர் மூத்த குடிமக்களுக்கு அதாவது, 80 வயதுக்கு மேற்பட்டவர்களுக்கு ரூ .5 லட்சம் வரை வரி தள்ளுபடி செய்யப்படுகிறது. ஓய்வூதியம் மற்றும் முதலீட்டைத் தவிர பலருக்கு வேறு வருமானத்துக்கு வழி இல்லாததால், இந்த இடைவெளி மூடப்பட வேண்டும் என்று ஓய்வு பெற்றவர்கள் விரும்புகிறார்கள். அனைவருக்கும் ரூ .5 லட்சம் விலக்கு வரம்பை நிர்ணயிக்க வேண்டும் என்றும், இதனால் அனைத்து மூத்த குடிமக்களுக்கும் வரிச்சுமையை குறைக்க முடியும் என்று அவர்கள் நம்புகிறார்.
2. வரி முறையில் மாற்றம் செய்யப்படுமா?
தற்போதைய வரிச்சட்டத்தின் படி, மூத்த குடிமக்கள் வெவ்வேறு கட்டணத்தில் வரி செலுத்த வேண்டும். மூத்த குடிமக்களின் கைகளில் அதிக பணம் எஞ்சியிருக்கும் வகையில் அரசாங்கம் மீண்டும் இந்த வரி முறையை மாற்றி செயல்படுத்த வேண்டும். தற்போது, 4 சதவீதம் தனி சுகாதார மற்றும் கல்வி செஸ் வரி விதிக்கப்படுகிறது. மூத்த குடிமக்களுக்கான இந்த செஸ் மற்றும் பிற கூடுதல் கட்டணங்களை குறைப்பது அல்லது நீக்குவது குறித்து அரசாங்கம் சிந்திக்க வேண்டும். இதனால் அவர்கள் உடல்நலம் மற்றும் பிற தேவைகளுக்கு அதிக பணத்தை மிச்சப்படுத்த முடியும்.
3. முதலீட்டு விருப்பங்கள் பணவீக்கத்தை வெல்லுமா?
அதிகபட்ச பணவீக்கத்தை முறியடிக்க மூத்த குடிமக்களுக்கு சேமிப்பு மற்றும் முதலீட்டு விருப்பங்களை வழங்க அரசாங்கம் நினைக்கலாம். தற்போது, மூத்த குடிமக்கள் சேமிப்பு திட்டத்தில் ரூ .15 லட்சம் வரை முதலீடு செய்யலாம். இதன் மூலம் ஆண்டுக்கு 8.6% என்ற விகிதத்தில் வருமானம் கிடைக்கும். இந்த வரம்பை உயர்த்துவது, அதிக வருவாய் ஈட்டுதல் மற்றும் வட்டி அதிக அளவில் கிடைக்கும். இதை சரிசெய்வது குறித்து அரசாங்கம் பரிசீலிக்கலாம். இதனால் மூத்த குடிமக்களின் வாங்கும் சக்தியை அதிகரிக்கும், மேலும் அவர்கள் ஓய்வுபெறும் நேரத்தில் சிறந்த பணப்புழக்கத்தைப் பெறுவார்கள்.
4. வரி விலக்கு இரட்டிப்பாகலாம்?
பல்வேறு சேமிப்பு மற்றும் வைப்புத் திட்டங்களின் வட்டி மூத்த குடிமக்களுக்கு ஒரு முக்கிய வருமான ஆதாரமாகும். வருமான வரிச் சட்டத்தின் பிரிவு 80TTB இன் கீழ், மூத்த குடிமக்கள் வெவ்வேறு மூலங்களிலிருந்து வட்டி வருமானத்தில் ரூ .50,000 வரை வரி விலக்கு பெறலாம். இந்த வரம்பை ரூ .1 லட்சமாக இரட்டிப்பாக்க அரசாங்கம் பரிசீலிக்கலாம்.
5. சுகாதார காப்பீட்டுத் தொகை விதியில் மாற்றம்?
வருமான வரியின் பிரிவு 80 டி இன் கீழ், மூத்த குடிமக்கள் சுகாதார காப்பீட்டு பிரீமியம் மற்றும் மருத்துவ செலவினங்களுக்கு ரூ .50,000 வரி விலக்கு பெறலாம். மருத்துவத் துறையில் அதிகரித்து வரும் பணவீக்கம் காரணமாக, ஒவ்வொரு ஆண்டும் இந்த விலக்கு வரம்பை அதிகரிப்பதை அரசாங்கம் தீவிரமாக பரிசீலிக்கலாம். ஆனால் விதிகளின்படி, ஒரு மூத்த குடிமகனுக்கு சுகாதார காப்பீட்டுத் தொகை இருந்தால், அவருக்கு மருத்துவ செலவினங்களுக்கு தனி விலக்கு கிடைக்கும். ஆனால் உரிமை கோர முடியாது. இந்த விதியை மாற்ற வேண்டும். சுகாதார காப்பீட்டின் கீழ் இல்லாத பல வகையான சுகாதார தொடர்பான செலவுகள் உள்ளன.
உங்களுக்கு சுவாரஸ்யமான சிறப்பு செய்தி, முக்கிய செய்திகள், அரசியல் குறித்து விவரங்களை தெரிந்துக்கொள்ள நமது ZEE HINDUSTAN TV ஐ பாருங்கள். தற்போது ஹிந்தி, தமிழ் மற்றும் தெலுங்கு மொழிகளில் ஒளிப்பரப்பாகிறது.
