குக் வித் கோமாளியின் நான்காவது சீசன் பல்வேறு டாஸ்குகள், பலவிதமான போட்டிகள் இடையிடையே எலிமினேஷன் என விறுவிறுப்பாக ஒளிபரப்பாகி வருகிறது. இந்த நிகழ்ச்சியில் எதிர்பாராத சுவாரஸ்யமான நிகழ்வுகளும் நடைப்பெற்று வருகின்றன.
குக் வித் கோமாளி சீசன் 4:
தனியார் தொலைக்காட்சியின் பிரபலமான நிகழ்ச்சியாக விளங்குவது குக் வித் கோமாளி. விஜய் தொலைக்காட்சி மூலம் பிரபலமான சிவாங்கி, புகழ், பாலா, மணிமேகலை, தங்கதுரை உள்ளிட்ட சிலரை கோமாளியாகவும் திரைப்பிரபலங்கள் சிலரை குக் ஆகவும் வைத்து 2019ஆம் ஆண்டு ஆரம்பிக்கப்பட்ட நிகழ்ச்சி இது. சமைக்க தெரிந்த குக்-களும் சமையலை பற்றி ஒன்றுமே தெரியாத கோமாளிகளும் சேர்ந்து சமையல் செய்கையில் ஏற்படும் ரகளைதான் இந்த ஷோ ஹிட் அடிக்க காரணமாக இருந்தது. தற்போது நான்காவது சீசனில் அடியெடுத்து வைத்திருக்கும் இந்த நிகழ்ச்சி விரைவில் இறுதிக்கட்டத்தை நெருங்க உள்ளது.
குடும்ப உறுப்பினர்கள் எபிசோட்:
சீசன் 4-ன் நேற்றைய எபிசோடில், நிகழ்ச்சியின் பங்கேற்பாளர்கள் அவரவர் குடும்பத்தினர் மற்றும் நண்பர்களை அழைத்து வந்தனர். சிவாங்கி தனது அம்மாவுடன் வந்தார், அவரைப்பார்த்த ஸ்ருஷ்டி டாங்கே தனது அம்மாவையும் அழைத்து வந்திருக்கலாம் என ஆதங்கப்பட்டார். ஒரு சிலர் குடும்ப உறுப்பினர்களை அழைத்து வர, இன்னும் சிலர் தங்களது நெருங்கிய நண்பர்களை அழைத்து வந்திருந்தனர். நடுவரான செஃப் தாமுவும் தனது மனைவியை இந்த நிகழ்ச்சிக்கு அழைத்து வந்திருந்தார். குக் வித் கோமாளி நிகழ்ச்சியில் எந்த அளவிற்கு சிரிப்பு மூட்டக்கூடிய விஷயங்கள் பல நடந்தாலும் சில நேரங்களில் அனைவரையும் கலங்க வைக்கும் நிகழ்வுகளும் நடைபெறும். இந்த நிகழ்ச்சியின் சீசன் 2 பிற சீசன்களை விட பயங்கர ஹிட் அடித்தது. அந்த சீசன் முடியும் போது குக்கள், கோமாளிகள், நடுவர்கள் என பலரும் கண் கலங்கி நின்றனர். இதைப்பார்த்த ரசிகர்களில் சிலர் கூட அழுதார்கள். இதே போல ஒரு சம்பவம்தான் நேற்றும் நடந்துள்ளது.
மேலும் படிக்க | விரைவில் ஜான்விக் 5 பணிகள் தொடக்கம்..? வெளியானது எக்ஸ்க்ளூசிவ் தகவல்..!
கண்கலங்கிய தாமு?
நடுவர் தாமுவின் மனைவி, அவர் சில வேடிக்கையான நிகழ்வுகள் பற்றி நிகழ்ச்சியில் பகிர்ந்து கொண்டார். நடிகை நமிதாவை பார்த்துக்கொண்டே ஒருமுறை காரை சுவற்றில் இடித்துவிட்டதாக அவரது மனைவி நிகழ்ச்சியில் கூறினார். இதைக்கேட்டுக்கொண்டிருந்த அனைவரும் விழுந்து விழுந்து சிரித்தனர். உடனே தாமு கர்சிஃப்பை வைத்து கண்ணை கசக்குவது போல ஆக்ஷன் செய்தார். இதனால் நேற்றைய நிகழ்ச்சி கலகலப்பாக நடந்து முடிந்தது.
ஆர்யா எண்ட்ரி..
குக் வித் கோமாளியில் அடிக்கடி பல முன்னணி திரைப்பிரபலங்களும் தலைக்காட்டி வருகின்றனர். டாடா படம் வெளியானபோது நடிகர் கவின், லவ் ஷாதி ட்ராமா டாக்குமெண்டரி வெளியாகும் போது ஹன்சிகா, சொப்பன சுந்தரி படம் வெளியாகும் போது ஐஸ்வர்யா ராஜேஷ், சில வாரங்களுக்கு முன்பு நடிகர் சித்தார்த் என பலர் இந்த நிகழ்ச்சியில் சிறப்பு விருந்தினர்களாக கலந்து கொண்டுள்ளனர். அதே போல நடிகர் ஆர்யாவும் இந்த வாரம் குக் வித் கோமாளி நிகழ்ச்சியில் கலந்து கொண்டுள்ளார். இவர் நடித்துள்ள காதர் பாட்ஷா என்ற முத்துராமலிங்கம் எனும் படத்தில் நடித்துள்ளார். இதன் ப்ரமோஷனிற்காக அவர் இந்த நிகழ்ச்சியில் கலந்து கொண்டிருப்பார் என தெரிகிறது. இந்த எபிசோட் இன்று மாலை 6:30 மணியளவில் ஒளிபரப்பாக உள்ளது.
மேலும் படிக்க | ‘இதெல்லாம் உண்மை கதையா?’ கேரளா ஸ்டோரி படம் குறித்து நடிகர் கமல்ஹாசன் காட்டம்..!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
