பிரசாந்த் நீல் இயக்கத்தில் கடந்த 2018ஆம் ஆண்டு வெளியான படம் கேஜிஎஃப். யாஷ் நடித்திருந்த இந்தப் படம் ரசிகர்களிடம் மிகப்பெரிய வரவேற்பைப் பெற்றது. இதனைத் தொடர்ந்து அவர் இந்திய சினிமாவில் பிரபலமடைந்தார். அவருக்கென்று தனி ரசிகர் பட்டாளமும் உருவானது.
இந்தச் சூழலில் கேஜிஎஃப் படத்தின் இரண்டாம் பாகம் கடந்த 14ஆம் தேதி வெளியானது. படத்த பார்ப்பதற்கு ரசிகர் படை அனைத்து தியேட்டர்களிலும் கூடியது.
படத்தை பார்த்த ரசிகர்கள் அனைவரும் தங்களது முழு ஆதரவை படத்துக்கு கொடுத்து வெற்றி பெற செய்திருக்கின்றனர். இதுவரை 500 கோடி ரூபாய்க்கும் மேல் படம் வசூல் செய்திருக்கிறது.
யாஷை எந்த அளவுக்கு ரசிகர்கள் புகழ்கிறார்களோ அதே அளவு இயக்குநர் பிரசாந்த் நீலின் காட்சியமைப்பையும், திரைக்கதையையும் புகழ்ந்துவருகின்றனர். மேலும் பிரசாந்த் நீல் கன்னட மொழியை தவிர்த்து மற்ற மொழிகளிலும் படங்களை இயக்க வேண்டும் என்றும் ரசிகர்கள் கோரிக்கை வைக்க ஆரம்பித்திருக்கின்றனர்.
இந்நிலையில், எப்படி கதை எழுதுகிறீர்கள் என அவரிடம் கேட்கப்பட்ட ஒரு கேள்விக்கு, “நான் குடித்துவிட்டுதான் கதையை எழுதுவேன். மறுநாள் காலையில் நிதானமாக இருக்கும்போது அதனைப் படித்து பார்ப்பேன். அது சிறப்பாக இருந்தால் திரைக்கதை எழுதுவேன்” என பதிலளித்தார்.
குடித்தால்தான் படைக்க முடியும் என்ற பிம்பம் ஏற்கனவே இருக்கிறது. அதுமட்டுமின்றி சினிமாவில் இருக்கும் அனைவருமே மது பழக்கம் கொண்டிருப்பார்கள் என்ற பார்வையும் பரவலாக உள்ளது. தற்போது பிரசாந்த் நீல் இப்படி கூறியிருப்பது மேலும் அந்தக் கருத்துக்கு வலு சேர்க்கும் விதமாகவே இருக்கும்.
மேலும் படிக்க | இளையராஜாவுக்கு எதிராக மகன் யுவன்சங்கர்ராஜா சர்ச்சை பதிவு
அதுமட்டுமின்றி வளரும் படைப்பாளிகள் இதுபோன்ற பதில்களை கேட்கும்போது குடித்தால்தான் சினிமாவில் கதையை படைக்க முடியும் என்ற தவறான பாதையில் செல்ல வாய்ப்புகள் அதிகம் இருப்பதாக பலர் தங்களது கண்டனத்தையும், வருத்தத்தையும் தெரிவித்துவருகின்றனர்.
மேலும் படிக்க | தொடங்கிவிட்டது கேஜிஎஃப் 3 - தயாரிப்பாளர் அறிவிப்பு
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
