Budhan Peyarchi Palangal: பிப்ரவரி 11 ஆம் தேதி கும்ப ராசியில் புதன் பெயர்ச்சி நடக்கவுள்ளது. இதனால் அதிக நன்மைகள் யாருக்கு? புதன் பெயர்ச்சி ராசிபலனை இங்கே காணலாம்.
Budhan Peyarchi Palangal: புத்திசாலித்தனம், பேச்சாற்றல், தர்க்க ஞானம், நுண்ணறிவு, அறிவாற்றல் ஆகியவற்றின் காரணி கிரகமாக புதன் உள்ளார். இவர் கிரகங்களின் இளவரசர் என அழைக்கப்படுகிறார். பிப்ரவரி 11 ஆம் தேதி சனியின் ராசியான கும்பத்தில் நடக்கவுள்ள புதன் பெயர்ச்சியால் அனுகூலமான பலன்களை அடையவுள்ள ராசிகளை பற்றி இந்த பதிவில் காணலாம்.
அனைத்து கிரகங்களும் ஒரு குறிப்பிட்ட காலத்தில் தங்கள் ராசிகளை மாற்றுகின்றன. இவை கிரக பெயர்ச்சிகள் என அழைக்கப்படுகின்றன. இவற்றின் தாக்கம் அனைத்து ராசிகளிலும் காணப்படும். பேச்சாற்றல், தர்க்கம், நுண்ணறிவு, தகவல் தொடர்பு, கணிதம், புத்திசாலித்தனம் மற்றும் நட்பு ஆகியவற்றிற்கு காரணி கிரகமாக புதன் இருக்கிறார். புதன் கிரகங்களின் இளவரசன் என்றும் அழைக்கப்படுகிறார்.
கிரகங்களின் இளவரசான புதன் பிப்ரவரி 11 அன்று கும்ப ராசியில் பெயர்ச்சி ஆவார். பிப்ரவரி 11 ஆம் தேதி மதியம் 12:58 மணிக்கு புதன் கும்ப ராசிக்குச் செல்கிறார். பிப்ரவரி 27 ஆம் தேதி இரவு 11:46 மணி வரை புதன் கும்ப ராசியில் இருப்பார், அதன் பிறகு மீன ராசிக்கு பெயர்ச்சி ஆவார்.
புதன் பெயர்ச்சியின் தாக்கம் அனைத்து ராசிகளிலும் இருக்கும். எனினும் சில ராசிகளுக்கு இதனால் அதிர்ஷ்டத்தின் ஆதரவு அதிகமாக இருக்கும். இவர்கள் வாழ்வில் பெரிய உச்சங்களை தொடுவரகள். அந்த அதிர்ஷ்ட ராசிகளை பற்றி இந்த பதிவில் காணலாம்.
மிதுனம்: மிதுன ராசிக்காரர்களுக்கு கும்ப ராசியில் புதன் பெயர்ச்சியால் நன்மை ஏற்படும். பண வரவு அதிகமாகும். உங்கள் பொருளாதார நிலை நன்றாக இருக்கும். ஆன்மீக வழிபாடு அல்லது மங்களகரமான செயல்களில் ஆர்வம் காட்டுவீர்கள். பிப்ரவரி 11 முதல் 27 வரை, மிதுன ராசிக்காரர்களுக்கு அதிர்ஷ்டம் பெருகும். அனைத்து பணிகளிலும் வெற்றி கிடைக்கும்.
சிம்மம்: சிம்ம ராசிக்காரர்களுக்கு புதனின் ராசி மாற்றம் சுபமாக இருக்கும். திருமண வாழ்க்கை மகிழ்சியாக இருக்கும். வாழ்க்கைத் துணையின் உதவியுடன் எதிர்பார்த்த லாபம் கிடைக்கும். உங்கள் எதிரிகள் மீது ஆதிக்கம் செலுத்துவீர்கள். அவர்களுக்கு எதிரான உங்கள் நடவடிக்கைகள் வெற்றி பெறும் என்று எதிர்பார்க்கப்படுகிறது. நீதிமன்ற வழக்குகளில் தீர்ப்பு உங்களுக்கு சாதகமாக வரக்கூடும்.
விருச்சிகம்: கும்ப ராசியில் புதன் சஞ்சரிப்பது விருச்சிக ராசிக்காரர்களுக்கு நல்ல அதிர்ஷ்டத்தைத் தரும். முன்னேற்றத்திற்கான பாதை உங்களுக்கு எளிதாக இருக்கும். செல்வம் பெருகும். அரசாங்கத்திடமிருந்து உதவி கிடைக்க வாய்ப்புள்ளது. உங்கள் தாய் தந்தையரின் ஆசீர்வாதம் உங்களுடன் இருக்கும். வீடு, வாகனம் வாங்கும் யோகம் உண்டாகும்.
மகரம்: புதனின் சுப செல்வாக்கு காரணமாக, மகர ராசிக்காரர்களின் பேச்சுத்திறமை வலுப்பெறும். அறிவுத்திறன் மற்றும் பகுத்தறிவு சக்தி அதிகரிக்கும். வணிகத்துடன் தொடர்புடையவர்களுக்கு லாபத்திற்கான புதிய வாய்ப்புகள் கிடைக்கும். முன்பை விட அதிக லாபம் ஈட்ட முடியும். மக்கள் உங்கள் வார்த்தைகளை மதிப்பார்கள். அனைத்து வேலைகளிலும் வெற்றி கிடைக்கும். எழுத்துத் துறையுடன் தொடர்புடையவர்கள் செல்வாக்கு மிக்கவர்களாக இருப்பார்கள். எவ்வளவு கடினமாக உழைக்கிறீர்களோ, அவ்வளவு நிதி ஆதாயத்தை நீங்கள் அடைய முடியும்.
கும்பம்: கும்பத்தில்தான் புதன் பெயர்ச்சி நடக்கவுள்ளது. இது இவர்களுக்கு ஒரு வரமாக அமையும். ராஜவாழ்க்கை வாழ்வீர்கள். பொருளாதார வசதிகள் அதிகரிக்கும். குழந்தைகள் மூலம் நல்ல செய்திகள் கிடைக்கும். இந்த காலம் மங்களகரமானதாகவும் பயனுள்ளதாகவும் இருக்கும்.
மீனம்: புதனின் ராசி மாற்றம் மீன ராசிக்காரர்களுக்கு நல்ல பலன்களை அளிக்கும். இவர்களது பணமும் புகழும் அதிகரிக்கும். குடும்ப வாழ்க்கை மகிழ்ச்சியாகவும் அமைதியாகவும் இருக்கும். திடீர் நிதி ஆதாயம் கிடைக்கும். நிண்ட நாட்களாக நடக்காமல் இருந்த பணிகள் வெற்றிகரமாக நடந்துமுடியும் தேவையற்ற செலவுகளைக் கட்டுப்படுத்துங்கள், இது உங்கள் நிதி நிலையை வலுவாக வைத்திருக்கும்.
பொறுப்பு துறப்பு: இங்கே கொடுக்கப்பட்டுள்ள தகவல்கள் பொதுவான நம்பிக்கைகள் மற்றும் தகவல்களின் அடிப்படையில் அமைந்துள்ளன. ஜீ மீடியா இந்த தகவல்களை உறுதிப்படுத்தவில்லை.
