Lokesh Kanagaraj Next Movie Hero : பிரபல தமிழ் திரைப்பட இயக்குநர் லோகேஷ் கனகராஜ் இயக்கும் புதிய படத்தின் ஹீரோ யார் என்பது குறித்த அப்டேட் தற்போது வெளியாகி இருக்கிறது.
Lokesh Kanagaraj Next Movie Hero : வெகு சில படங்களையே இயக்கியிருந்தாலும், விரைவில் புகழின் உச்சிக்கு சென்ற இயக்குநர்களுள் ஒருவர் லோகேஷ் கனகராஜ். இவர், தற்போது ரஜினியை வைத்து கூலி படத்தை இயக்கி வருகிறார். இந்த படத்திற்கு பிறகு அவர் இயக்க இருக்கும் படத்தில் ஹீரோவாக நடிக்க இருப்பவர் குறித்த விவரம் தற்போது வெளியாகியுள்ளது.
ரஜினி ஹீரோவாக நடித்து வரும் கூலி படத்தை இயக்கி வருகிறார், லோகேஷ் கனகராஜ். 10 படத்தை இயக்கி முடித்தவுடன் திரையுலகை விட்டு விலகிவிடுவேன் என அறிவித்திருக்கும் அவர், அடுத்து கைதி 2, விக்ரம் 2 உள்ளிட்ட படங்களை இயக்க இருக்கிறார். இந்த நிலையில், கைதி 2-வை அடுத்து அவர் இயக்க இருக்கும் படம் குறித்த அப்டேட் தற்போது வெளியாகியுள்ளது.
லோகேஷ், ஏற்கனவே விஜய்யுடன் மாஸ்டர் மற்றும் லியோ ஆகிய படங்களில் கைக்கோர்த்திருக்கிறார். விஜய், அரசியல் அறிவிப்பை வெளியிடவில்லை என்றால் லோகி, தொடர்ந்து அவருடன் சேர்ந்து பணியாற்றியிருப்பார். ஆனால், விஜய் திரையுலகை விட்டு விலகுவதால் இனி அதற்கு வாய்ப்பில்லை.
லோகேஷ் கனகராஜ், கைதி 2 படத்திற்கு பிறகு ஒரு ரொமாண்டிக் படத்தை இயக்க இருக்கிறாராம். அதில் ஹீரோவாக நடிக்க தமிழில் இருக்கும் ஒரு 41 வயது மாஸ் நடிகரை தேர்ந்தெடுத்து இருப்பதாக கூறப்படுகிறது. அந்த ஹீரோ யார்?
அந்த ஹீரோ வேற யாருமில்லைங்க, நம்ப தனுஷ்தான்! தொடர்ந்து கார்த்தி, விஜய், ரஜினி போன்ற ஹீரோக்களுடன் கைக்கோர்த்திருக்கும் லோகிக்கு, தனுஷுடன் கைக்கோர்ப்பது வித்தியாசமான அனுபவமாக இருக்கும் எனக்கூறப்படுகிறது.
தமிழ் ரசிகர்களை பொறுத்தவரை, தனுஷ் ‘நடிப்பு அரக்கன்’ என அறியப்படுகிறார். எனவே, லோகி கொடுக்கப்போகும் கதாப்பாத்திரத்தையும் சிறப்பாக செய்து முடிப்பார் என எதிர்பார்க்கப்படுகிறது.
தனுஷ் லோகேஷ் கனகராஜ் கூட்டணி குறித்து இன்னும் எந்த அதிகாரப்பூர்வ அறிவிப்புகளும் வெளியாகவில்லை. இதற்கிடையில் இந்த படம், LCU-வில் இணையும் படமாக இருக்குமா? அல்லது, தனிக்கதை கொண்ட படமாக (Stand alone film) இருக்குமா என்பது தெரிய வரும்.
முதலில் Ex மாமனாரை (ரஜினிகாந்த்) வைத்து கூலி படத்தை இயக்கிய லோகி, அடுத்து Ex மருமகனான தனுஷை வைத்து படம் இயக்க இருப்பது குறித்து ரசிகர்கள் இணையத்தில் பேசி வருகின்றனர்.
