Lifestyle Mistakes For Cholesterol: உங்கள் கொலஸ்ட்ரால் அளவை உடனடியாக அதிகரிக்கக்கூடிய 7 வாழ்க்கை முறை பழக்கவழக்கங்கள் இவை...
இந்த பழக்கங்களை மாற்றிக் கொண்டால் ஆரோக்கியம் மேம்படுவதுடன், தரமான வாழ்க்கையை வாழலாம்
உயர் கொலஸ்ட்ரால் என்பது ஒரு தீவிரமான சுகாதார நிலையாகும், இரத்தத்தில் கொலஸ்ட்ரால் அதிகமாக இருப்பது ஆரோக்கியத்தை பாதிக்கும். உடலுக்கு ஏன் கொலஸ்ட்ரால் தேவைப்படுகிறது, கெட்ட கொலஸ்ட்ராலை அதிகரிப்பதற்கான வாழ்க்கை முறை பழக்கவழக்கங்கள் என்ன என்பதை தெரிந்துக் கொண்டு அவற்றைத் தவிர்ப்போம்.
உடலுக்கு ஏன் கொலஸ்ட்ரால் தேவை? புதிய செல்களை உருவாக்கவும் அத்தியாவசிய ஹார்மோன்களை உற்பத்தி செய்யவும் உடல் கொலஸ்ட்ராலைப் பயன்படுத்துகிறது. இருப்பினும், உங்களுக்கு அதிகப்படியான கொலஸ்ட்ரால் இருந்தால், அது உங்கள் தமனிகளில் அடைப்பை ஏற்படுத்தி உடல்நலப் பிரச்சினைகளை ஏற்படுத்தும். அதிக கொலஸ்ட்ரால் இதய நோய், பக்கவாதம் மற்றும் பிற உடல்நலப் பிரச்சனைகளின் அபாயத்தை அதிகரிக்கும்.
ஆரோக்கியமற்ற உணவுமுறை: நீங்கள் என்ன சாப்பிடுகிறீர்கள் என்பது, உங்கள் உடல் எவ்வாறு செயல்படுகிறது என்பதில் மிக முக்கிய பங்கு வகிக்கிறது. உணவுடன் இரத்தத்தில் எல்டிஎல் அளவை நிர்வகிக்கும் போது, நிறைவுற்ற மற்றும் டிரான்ஸ் கொழுப்புகள் அதிகம் உள்ள உணவை உண்பது உங்கள் கொழுப்பின் அளவை அதிகரிக்கும் என்பதை அறிந்திருக்க வேண்டும். எனவே, உடலின் கொலஸ்ட்ரால் அளவை அபாயகரமாக அதிகரிக்கும் உணவுகளை தவிர்க்க வேண்டும்.
வாழ்க்கை முறை: தொடர்ந்து வேலை செய்யாமல் இருப்பது கெட்ட கொலஸ்ட்ரால் அளவு அதிகரிப்பது உட்பட பல வழிகளில் உங்கள் உடலுக்கு தீங்கு விளைவிக்கும். எச்.டி.எல் ("நல்ல") கொழுப்பின் உற்பத்தியை அதிகரித்து, எல்.டி.எல் ("கெட்ட") கொழுப்பின் உற்பத்தியைக் குறைப்பதன் மூலம் கொழுப்பின் அளவைக் குறைக்க உடற்பயிற்சி உதவுகிறது.
அதிக கொலஸ்ட்ராலுக்கு உடல் பருமன் மற்றொரு முக்கிய காரணமாகும். திக எடை அல்லது பருமனாக இருப்பது உங்கள் உடல் கொலஸ்ட்ரால் மற்றும் ட்ரைகிளிசரைடுகளை உள்ளடக்கிய லிப்போபுரோட்டீன்களை உருவாக்கும் மற்றும் நிர்வகிக்கும் விதத்தை பாதிக்கும்.
அதிகப்படியான ஆல்கஹால் உடலில் கொலஸ்ட்ரால் அளவை அதிகரிப்பதற்கு மற்றொரு காரணம் ஆகும். அதிகப்படியான மது அருந்துதல் இரத்தத்தில் ட்ரைகிளிசரைடுகள் மற்றும் கொலஸ்ட்ரால் அளவை அதிகரிக்கும். உங்கள் ட்ரைகிளிசரைடு அளவு அதிகமாக இருந்தால், ட்ரைகிளிசரைடுகள் கல்லீரலில் குவிந்து கொழுப்பு கல்லீரல் நோயை ஏற்படுத்தும்.
அளவுக்கு அதிகமாக புகைபிடித்தல்: அதிகப்படியான கொலஸ்ட்ரால் உங்கள் உடலுக்கு தீங்கு பிரச்சனைக்கு காரணம் அளவுக்கு அதிகமாக புகைபிடித்தல் ஆகும். புகைபிடித்தல் எல்.டி.எல் கொலஸ்ட்ராலைஅதிகரிக்கிறது, இது உங்கள் தமனிகளின் சுவர்களில் ஒட்டிக்கொண்டு அவற்றைத் தேக்குகிறது. புகைபிடித்தல் உங்கள் HDL கொழுப்பின் அளவைக் குறைக்கிறது
செயலற்ற தைராய்டு சுரப்பி: தைராய்டு என்பது உங்கள் கழுத்தில் பட்டாம்பூச்சி வடிவிலான சுரப்பி. இது உங்கள் உடலின் வளர்சிதை மாற்றத்தைக் கட்டுப்படுத்த உதவும் ஹார்மோன்களை உருவாக்குகிறது. உங்களுக்கு ஹைப்போ தைராய்டிசம் இருக்கும்போது உங்கள் உடல் போதுமான தைராய்டு ஹார்மோன்களை உற்பத்தி செய்யாது. இதன் விளைவாக உங்கள் கொலஸ்ட்ரால் அளவு அதிகரிக்கலாம். உண்மையில், தைராய்டு ஹார்மோன் அளவுகள் சிறிது குறைக்கப்பட்டாலும், கொலஸ்ட்ரால் அதிகரிக்கலாம் என்று ஆய்வுகள் தெரிவிக்கின்றன.
சிறுநீரக ஆரோக்கியத்தில் கவனம்: அதிக கொலஸ்ட்ராலை ஏற்படுத்தும் மற்றொரு தீவிரமான மற்றும் தீங்கு விளைவிக்கும் பழக்கம் உங்கள் சிறுநீரகங்களை சரியாக பராமரிக்காமல் இருப்பது ஆகும். அதிக கொலஸ்ட்ரால் உள்ளவர்கள் காலப்போக்கில் நாள்பட்ட சிறுநீரக நோயைப் பெறுவதற்கு இருமடங்கு அதிக வாய்ப்புள்ளது. சிறுநீரகக் கோளாறு உள்ளவர்களுக்கு இதயக் கோளாறுகள் அதிகம் ஏற்படும் என்று நிபுணர்கள் கூறுகின்றனர். உங்கள் சிறுநீரகங்கள் சரியாக செயல்படாதபோது உங்கள் உடல், கொலஸ்ட்ரால் மற்றும் பிற கொழுப்புகளை கையாளும் விதம் மாறுகிறது.
