சமூக ஊடகங்களில் பல வித வினோத வீடியோக்கள் அவ்வப்போது வைரல் ஆகின்றன. இவற்றைக் கண்டு நெட்டிசன்கள் தங்கள் மன அழுத்தங்களை மறந்து ரசித்து சிரிக்கின்றனர். இதுபோன்ற ஒரு வீடியோ தற்போது சமூக ஊடகங்களில் வைரல் ஆகி வருகின்றது.
நாம் அனைவரும் குழந்தைகளாக இருந்தபோது தூங்காமல் அடம்பிடித்திருப்போம். குழந்தைப்பருவத்தில் தூங்காமல் கொட்ட கொட்ட விழித்திருப்பது அனைவருக்கும் பிடிக்கும். அதுவும் நேரத்திற்கு தூங்கப்போகச் சொன்னால், குழந்தைகளுக்கு இந்த காலத்திலும் பிடிப்பதில்லை.
அப்படி அடம்பிடிப்பவர்கள் கண்டிப்பாக இந்த வீடியோவுடன் (Viral Video) தங்களை தொடர்பு படுத்திப் பார்க்க முடியும். ஆனால், இதில் அடம் பிடிப்பது மனித குழந்தை அல்ல, ஒரு குட்டி யானை!!
இந்த சூப்பர் கியூட் வீடியோவில், கின்யி என்ற ஒரு குட்டி யானை, தனது அனைத்து நடவடிக்கைகளையும் முடித்த பின்னரும் உறங்க மறுக்கிறது. வீடியோவில் யானை ஜன்னல் வழியாக ஏற முயற்சிப்பதையும் ஒரு நபர் அதை தடுத்து அமர வைக்க முயல்வதையும் காண முடிகிறது.
ALSO READ:Viral Video: ரயில்வே பிளாட்பாரத்தில் சினிமா பாடலுக்கு குத்தாட்டம் போட்ட பெண்
ஷெல்ட்ரிக் வனவிலங்கு அறக்கட்டளை இன்ஸ்டாகிராமில் இந்த அழகான கியூட் வீடியோவைப் பகிர்ந்தது. இதற்கு விரிவான ஒரு தலைப்பை அளித்ததுள்ளது. "கின்யே தூங்குவதாக இல்லை. இரவு குடிக்கும் பாலை குட்டி யானை (Baby Elephant) குடித்துவிட்டது. அதன் நண்பர்கள் அருகில் உள்ள அறையில் தூங்கி விட்டார்கள். இந்த இடமே அமைதியாக இருக்கிறது.
ஆனால், இந்த குட்டி யானை தூங்க அடம்பிடிக்கத் துவங்கியது. அது ஜன்னல் வழியாக ஏறத் துவங்கியது. கின்யே மூன்று வருடங்களுக்கு முன்பு இங்கே வந்தது. சிங்கங்களின் கூட்டத்திற்கு அருகில் ஒரு குட்டி யானை அலைந்து கொண்டிருப்பதை ஒரு குழு கவனித்தது. அன்று எளிதாக அந்த குட்டி யானை சிங்கங்களுக்கு இரையாகியிருக்கக் கூடாது. அதிர்ஷ்டவசமாக, விதி தலையிட்டது. குட்டி யானை காப்பாற்றப்பட்டு இன்று மகிழ்ச்சியாக இருக்கிறது” என்று அறக்கட்டளை எழுதியுள்ளது.
இந்த அற்புதமான வீடியோ வைரலாகி, 71,000 க்கும் அதிகமான வியூஸ்களைப் பெற்றுள்ளது. நெட்டிசன்கள் (Netizens) யானையின் குறும்புகளை நேசிக்கிறார்கள். ஈமோஜிகள் மற்றும் கமெண்டுகளின் வடிவத்தில் அன்பைப் பொழிகிறார்கள்.
ஒரு பயனர் “ஓஎம்ஜி !! இது ஒரு அற்புதம்!!! என்ன ஒரு அன்பான குட்டி யானை!!" என்று கமெண்ட் செய்துள்ளார். மற்றொரு பயனர், “மனித குழந்தைகளைப் போலவே இந்த குட்டி யானை விளையாட்டுத்தனமாக இருப்பதை பார்க்க அழகாக உள்ளது.” என்று எழுதினார்.
மற்றொரு பயனர், “எனக்கு அங்கு சென்று அந்த யானையுடன் விளையாட வேண்டும் என ஆசையாக உள்ளது” என்று எழுதினார்.
ALSO READ: Viral Attack: கடலில் நீந்திய இளைஞனின் ஆண்குறியை கடித்துக் குதறிய சுறா
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
