இந்திய வேகப்பந்து வீச்சாளர் ஜஸ்பிரித் பும்ரா காயத்தில் இருந்து மீண்டு வருவதற்கு இன்னும் சிறிது நேரம் ஆகலாம் என்பதால், இந்தியன் பிரீமியர் லீக்கின் வரவிருக்கும் சீசன் மற்றும் உலக டெஸ்ட் சாம்பியன்ஷிப்பின் இறுதிப் போட்டியை அவர் இழக்க நேரிடும் என்று எதிர்பார்க்கப்படுகிறது. செப்டம்பர் 2022 முதல் கிரிக்கெட்டிலிருந்து விலகிய பும்ரா, கடந்த ஆண்டு ஆசிய கோப்பை மற்றும் டி20 உலகக் கோப்பை போன்ற முக்கிய போட்டிகளைத் தவறவிட்டார். உலக டெஸ்ட் சாம்பியன்ஷிப் இறுதிப் போட்டியில் இந்தியா இடம் பெறுவதற்கு முக்கியமானதாக இருக்கும் பார்டர்-கவாஸ்கர் டிராபியிலும் அவர் இடம் பெறவில்லை. இதனால் இந்த ஆண்டு நடைபெறும் ஐபிஎல் 2023 சீசனில் மும்பை இந்தியன்ஸ் அணிக்காக அவர் விளையாடுவதற்கான வாய்ப்புகள் மிகக் குறைவு.
தற்போது வெளியாகி உள்ள அறிக்கையின்படி, பும்ராவின் காயம் மிகவும் தீவிரமானது. அவர் வரவிருக்கும் மாதங்களில் ஒரு பெரிய அளவிலான கிரிக்கெட்டை இழக்க நேரிடும் என்று பிசிசிஐ வட்டாரங்கள் கூறியது. அக்டோபர்-நவம்பரில் நடைபெறும் ODI உலகக் கோப்பையில் வேகப்பந்து வீச்சாளர் பும்ரா பங்கேற்க வேண்டும் என்று பிசிசிஐ விரும்புகிறது என்றும் அவர் இன்னும் முழுவதும் குணமாகாமல் இருப்பதால் காயம் குறித்து எந்த ஆபத்தையும் எடுக்க விரும்பவில்லை என்றும் அறிக்கை மேலும் கூறியது. பும்ரா கடைசியாக இந்திய அணிக்காக ஆஸ்திரேலியாவுக்கு எதிரான T20 போட்டியில் 25 செப்டம்பர் 2022 அன்று தனது சொந்த மண்ணில் விளையாடினார். அதன் பின்னர், அவர் பெங்களூருவில் உள்ள தேசிய கிரிக்கெட் அகாடமியில் (NCA) மறுவாழ்வு பெற்று வருகிறார்.
முன்னதாக, பும்ரா கடந்த மாதம் இலங்கை ஒருநாள் போட்டிகளுடன் போட்டி கிரிக்கெட்டுக்கு திரும்புவதற்கு தயாராக இருந்தார், ஆனால் சரியான நேரத்தில் குணமடையத் தவறியதால் பின்னர் வெளியேற்றப்பட்டார். இதற்கிடையில், கடந்த சீசனில் 14 போட்டிகளில் வெறும் 4 வெற்றிகளுடன் புள்ளிகள் பட்டியலில் கடைசி இடத்தைப் பிடித்த மும்பை இந்தியன்ஸ் ஐபிஎல் 2023ல் மீண்டும் எழுச்சி பெறும் எதிர்பார்த்த நிலையில் மும்பை அணிக்கு பேர் இழப்பாக அமைந்துள்ளது பும்ராவின் காயம். ஜூன் 7-11 ஆம் தேதிகளில் ஓவல் மைதானத்தில் நடைபெறும் உலக டெஸ்ட் சாம்பியன்ஷிப்பில் இந்தியா தனது இடத்தை கிட்டத்தட்ட உறுதிப்படுத்தியுள்ளது. இந்திய அணி கடைசியாக இங்கிலாந்து அணியுடன் விளையாடிய ஒரு டெஸ்ட் போட்டியில் பும்ரா அணிக்கு தலைமை தாங்கினார்.
மேலும் படிக்க | WPL 2023: அனைவரின் எதிர்பார்ப்பையும் பூர்த்தி செய்த வந்தது மகளிர் ஐபிஎல்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
