Music Director In Jason Sanjay Debut Film : தமிழ் திரையுலகிற்கு புதிய இயக்குநராக அறிமுகமாக இருப்பவர், ஜேசன் சஞ்சய். இவர், ஒரு படத்தை இயக்க இருப்பதாக கடந்த ஆண்டு அறிவிப்பு வெளியானது. இதையடுத்து, இவர் இயக்க இருக்கும் படத்தின் அடுத்த அப்டேட் குறித்த தகவல் வெளியாகி இருக்கிறது.
ஜேசன் சஞ்சய்:
கோலிவுட்டில், இளம் இயக்குநர்கள் பலர் தங்கள் முதல் படங்களை கொடுக்க லைன் கட்டி நிற்கின்றனர். அவர்களில் ஒருவராக இருக்கிறார், ஜேசன் சஞ்சய். விஜய்யின் மகனான இவர், சென்னையில் பள்ளிப்படிப்பை முடித்தார். இதன் பிறகு கெனடா சென்ற இவர், அங்குள்ள பிரபல திரைப்பட கல்லூரியில் பட்டப்படிப்பை முடித்து, கடந்த ஆண்டு சென்னை திரும்பினார்.
ஜேசன் சஞ்சையை, விஜய்யுடன் சில படங்களில் பார்த்திருப்போம். போக்கிரி படத்தில் இடம் பெற்றிருந்த ‘வசந்த முல்லை’ பாடலிலும், வேட்டைக்காரன் படத்தில், ‘நான் அடிச்சா தாங்க மாட்ட’ பாடாலிலும் குட்டி பையனாக க்யூட்டாக நடனமாடி இருந்தார். இப்போது, இவர் 24 வயது நிரம்பிய வாலிபனாக மாறிய நிலையில், இவரது சமீபத்திய புகைப்படங்களை பார்த்த சிலர், “அந்த பையனா இது?” என்று கேள்வி கேட்டு வருகின்றனர். இவர், தற்போது லைகா நிறுவனத்தின் தயாரிப்பில் ஒரு படத்தை இயக்க இருக்கிறார்.
முதல் படம்:
திரை பிரபலங்களின் வாரிசுகள், சினிமாவிற்கு வருவது, கோலிவுட்டிற்கு புதிதல்ல. அந்த வகையில், நடிகர் விஜய்யின் மகனும் திரையுலகிற்கு வந்திருக்கிறார். இவர் இயக்கும் படத்தை லைகா நிறுவனம் ஒப்புக்கொண்டது. இதையடுத்து, கடந்த ஆண்டு இவர் தன் முதல் படத்தை சைன் செய்தார். ஜேசன் இயக்கும் முதல் படத்தின் அறிவிப்பு வந்ததை அடுத்து, அப்படம் குறித்த கதையோ, ஹீரோ யார்? படப்பிடிப்பு எப்போது? போன்ற எந்த அறிவிப்புகளும் வெளியாகவில்லை. ஜேசனின் முதல் படமே இப்படி தாமதமாகிறதே என ஒரு பக்கம் பலர் பேசிக்கொண்டாலும், இன்னொரு பக்கம் தன் கதையை மெருகேற்றும் வேலையில் அவர் பிசியாக இருந்ததாக கூறப்படுகிறது.
இசையமைப்பாளர்..
ஜேசன், தன் படத்திற்காக தேர்ந்தெடுத்துள்ள இசையமைப்பாளர் குறித்த விவரம் தற்போது வைரலாகி வருகிறது. இவர் முதல் போய் கேட்டது, அனிருத்திடம் தானாம். ஆனால், சில காரணங்களுக்காக அனிருத்-ஜேசன் கூட்டணி நடைபெறாமல் போனது. இதையடுத்து, அவர் இன்னொரு இசையமைப்பாளரை அனுகியிருக்கிறார். அவர்தான், தமன். விஜய்யின் வாரிசு படத்திற்கு இசையமைத்த இவர், அவரது அரசியல் கட்சி பாடல்களுக்கும் இசையமைத்திருந்தார். தமன், விஜய்க்கு ஃபேவரட்டான இசையமைப்பாளர் என்பதும் குறிப்பிடத்தக்கது. அதனால்தான், தொடர்ந்து அவருடன் சேர்ந்து வேலை செய்து வருகிறார், விஜய்.
மேலும் படிக்க | விஜய் மகன் ஜேசன் சஞ்சய் படத்தில் 37 வயது பிரபல ஹீரோ!! யார் தெரியுமா?
படப்பிடிப்பு-ரிலீஸ் எப்போது?
ஜேசன் சஞ்சய் தன் முதல் படத்திற்காக தயாரித்த கதை, தற்போது முடிக்கப்பட்டு விட்டதாக கூறப்படுகிறது. இதையடுத்து, வரும் டிசம்பர் மாதத்தில் படத்தின் பூஜை நடைபெற இருப்பதாகவும், அடுத்த வருடம் ஜனவரி மாதம் முதல் படத்தின் படப்பிடிப்பு முழு வீச்சில் நடைபெறும் என்றும் திரை வட்டாரங்களில் பேசப்பட்டு வருகிறது.
ஹீரோ யார்?
ஜேசன் சஞ்சய் இயக்கும் படத்தில் ஹீரோவாக நடிக்க, 3 இளம் தமிழ் நடிகர்களிடம் பேச்சு வார்த்தை நடைப்பெற்றது. விக்ரமின் மகன் துருவ், அதர்வா, சந்தீப் கிஷன் ஆகியோர்தான் அந்த 3 பேர். இதில், சந்தீப் கிஷனும்-துருவ்-ம் நடிக்க தேர்வாகியிருப்பதாக தகவல்கள் வெளியாகி இருக்கிறது.
மேலும் படிக்க | இது விஜய்யா? அவரது மகனா? வித்தியாசமே தெரியல! ஜேசன் சஞ்சயின் ரீசண்ட் போட்டோஸ்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
