2 நிமிடங்களில் கன்ஃபர்ம் ரயில் டிக்கெட்டை முன்பதிவு செய்வது எப்படி: இது கோடை விடுமுறை காலம். இந்த விடுமுறை காலத்தில் பலர் குடும்பத்தோடு வெளியூர் பயணங்களை திட்டமிடுகிறார்கள். ஆனால் நாம் முன்பே திட்டமிடாமல், அவசரமாக முடிவு செய்து, அதற்கான ரயில் டிக்கெட்டுகளை முன்பதிவு செய்யும் போது, நமக்கு உறுதியான கன்ஃபர்ம் டிக்கெட்டுகள் கிடைப்பதில்லை. நமக்கு பல சமயம் வெய்டிங் லிஸ்ட் டிக்கெட், அதாவது காத்திருப்பு பட்டியல் டிக்கெட் தான் கிடைக்கிறது. முன்னரே திட்டமிட்டு டிக்கெட் புக்கிங் துவங்கும் நாளிலேயே நாம் புக் செய்ய நினைத்தாலும், பல சமயம் இப்படிப்பட்ட விடுமுறை காலங்களில், புக்கிங் துவங்கிய சில நிமிடங்களிலேயே அனைத்து டிக்கெட்டுகளும் புக் ஆகி விடுகின்றன.
இப்படி புக்கிங் செய்யமுடியாமல் தவிப்பவர்களுக்கு இந்த பதிவு உதவியாக இருக்கும். சில செயல்முறைகளை பின்பற்றி கன்ஃபர்ம் ரயில் டிக்கெட்டுகளை எளிதாகப் பெறலாம். இந்த முறையைத் தெரிந்துகொண்ட பிறகு, உங்கள் வேலையும் எளிதாகிவிடும், உடனடியாக டிக்கெட் புக் செய்ய முடியும். அதைப் பற்றி இந்த பதிவில் காணலாம்.
தத்கால் முன்பதிவு தளம் (புக்கிங் விண்டோ) திறக்கும் நேரம்
ஏசி 3-டயர், ஏசி 2-டயர் மற்றும் முதல் வகுப்பு:
இந்த வகுப்புகளுக்கான முன்பதிவு விண்டோ காலை 10 மணிக்கு திறக்கப்படும். நீங்கள் இந்த விண்டோவில் உங்கள் பயணம் மற்றும் பயணிகள் விவரங்களை உள்ளிட வேண்டும். ஒவ்வொரு வகுப்பிலும் தத்கால் முன்பதிவுக்கு சில இருக்கைகள் ஒதுக்கப்பட்டுள்ளன. ஆகையால் சீக்கிரமாக முன்கூட்டியே முன்பதிவு செய்யுங்கள்.
ஸ்லீப்பர் வகுப்பு:
ஸ்லீப்பர் வகுப்பிற்கான தத்கால் முன்பதிவு விண்டோ காலை 11 மணிக்கு திறக்கப்படுகிறது. நீங்கள் அந்த விண்டோவுக்குச் சென்று உங்கள் பயணம் மற்றும் பயணிகள் விவரங்களைக் உள்ளிட வேண்டும். இந்த வகுப்பிலும் தத்கால் முன்பதிவுக்கு சில இருக்கைகள் உள்ளன. ஆகையால், சீக்கிரமாக முன்கூட்டியே முன்பதிவு செய்ய முயற்சிக்கவும்.
மேலும் படிக்க | இந்திய ரயில்வே: ரயில் என்ஜின்கள் எவ்வளவு மைலேஜ் கொடுக்கிறது எனத் தெரியுமா..!!
தத்கால் டிக்கெட்டுகளை முன்பதிவு செய்ய கீழே கொடுக்கப்பட்டுள்ள எளிய வழிமுறைகளைப் பின்பற்றினால், உங்கள் பயணத் தேதியில் மிக எளிமையாக டிக்கெட்டுகளை முன்பதிவு செய்யலாம்:
1. முதலில், நீங்கள் அதிகாரப்பூர்வ IRCTC இணையதளத்திற்கு செல்ல வேண்டும்.
2. இணையதளத்தில், மேல் வலது மூலையில் உள்ள மெனு ஐகானைக் காண்பீர்கள், அதைக் கிளிக் செய்யவும்.
3. இப்போது நீங்கள் "லாக் இன்” விருப்பத்தை தேர்ந்தெடுக்க வேண்டும்.
4. லாக் இன் செய்த பிறகு, நீங்கள் "புக் டிக்கெட்" விருப்பத்தை கிளிக் செய்ய வேண்டும்.
5. இங்கே, உங்கள் பயணத்தின் தொடக்க நிலையத்தை 'From' பெட்டியிலும், உங்கள் பயணத்தின் முடிவு நிலையத்தை 'To' பெட்டியிலும் உள்ளிட வேண்டும்.
6. இப்போது, நீங்கள் கீழ்தோன்றும் மெனுவிலிருந்து "தத்கால்" விருப்பத்தைத் தேர்ந்தெடுக்க வேண்டும். இது இயல்பாக 'ஜெனரல்’ என அமைக்கப்பட்டுள்ளது.
7. பயணத் தேதியை உள்ளிடும்போது, 'சர்ச்' என்பதைக் கிளிக் செய்ய வேண்டும்.
8. இதற்குப் பிறகு, அந்த வழித்தடத்தில் உள்ள அனைத்து ரயில்களின் பட்டியலையும் பெறுவீர்கள்.
9. இப்போது, நீங்கள் தத்கால் டிக்கெட்டை முன்பதிவு செய்ய விரும்பும் ரயில் மற்றும் வகுப்பைத் தேர்ந்தெடுக்க வேண்டும். தேர்ந்தெடுக்கப்பட்ட ரயிலில் கிளிக் செய்து, "புக் நவ்" என்பதைக் கிளிக் செய்யவும்.
10. இதற்குப் பிறகு, உங்கள் பயணிகள் விவரங்களை உள்ளிட வேண்டும். தத்கால் டிக்கெட்டில் மிக முக்கியமான விஷயம் வேகமாக வேலை செய்வது. ஏற்கனவே உருவாக்கப்பட்ட "மாஸ்டர் லிஸ்ட்" ஐப் பயன்படுத்தினால், விவரங்களை உள்ளிடுவதில் அதிக சிரமம் இருக்காது. ஒரே கிளிக்கில் பயணம் செய்யவுள்ள நபர்களின் பெயர்களைச் சேர்க்கலாம்.
11. இப்போது, மீதமுள்ள விவரங்களை நிரப்பவும், கேப்ட்சாவை உள்ளிடவும், மொபைல் எண்ணை உள்ளிடவும்.
12. இறுதியாக, பணம் செலுத்தும்படி கேட்கப்படுவீர்கள். டிகெட்டுக்கான தொகையை செலுத்தவும். அதன் பிறகு, உங்கள் டிக்கெட் முன்பதிவு செய்யப்படும்.
மேலும் படிக்க | ரயிலில் பயணிக்க போறீங்களா? கட்டாயம் இந்த செய்தியை உடனே படியுங்கள்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
