எடப்பாடி பழனிசாமி News

இலங்கை சிறையில் இருந்து விடுதலை செய்யப்பட்ட 77 தமிழக மீனவர்கள் இன்று தாயகம் திரும்புகிறார்கள். இலங்கை சிறையில் அடைக்கப்பட்டிருந்த 77 தமிழக மீனவர்களை நேற்று இலங்கை அரசு விடுதலை செய்தது. விடுதலை செய்யப்பட்ட தமிழக மீனவர்கள் இன்று தாயகம் திரும்புவார்கள் என எதிர் பார்க்கப்படுகிறது.

இன்று மாலை திருப்பூர் மாவட்டம் பல்லடம் கரையாம்புதூரில் எம்.ஜி.ஆர். நூற்றாண்டு விழா நடக்க உள்ளது. இதில் முதல் அமைச்சர் எடப்பாடி பழனிசாமி கலந்து கொள்வதற்காக விமானம் மூலம் கோவைக்கு வந்தார். பின்னர் நிருபர்களுக்கு பேட்டி அளித்த அவர்:- தமிழகம் முழுவதும் மாவட்ட தலைநகரங்களில் எம்.ஜி.ஆர். நூற்றாண்டு விழாவை சிறப்பாக கொண்டாடப்படும் என்று ஜெயலலிதா அறிவித்திருந்தார். அவரது எண்ணத்தின் படி நடைபெறும் இந்த அரசு அனைத்து மாவட்டங்களிலும் எம்.ஜி. ஆர். நூற்றாண்டு விழாவை கொண்டாடி அவரது புகழுக்கு பெருமை சேர்த்து வருகிறோம்.

சென்னை கலங்கரை விளக்கம் முதல் பூந்தமல்லி வரை மெட்ரோ ரயில் சேவை வழித்தடம் அமைக்கப்படும் என்று தமிழக முதல் அமைச்சர் எடப்பாடி பழனிசாமி அறிவித்துள்ளார். இன்று சட்டப்பேரவையில் பேசிய முதல்வர்:- சென்னை கலங்கரை விளக்கம் முதல் பூந்தமல்லி வரை மெட்ரோ ரயிலின் 4-வது வழித்தடம் அமைக்கப்படும். இதற்கான திட்ட அறிக்கையை தயார் செய்து அளிக்கும்படி மெட்ரோ நிறுவனத்திடம் கோரப்பட்டிருப்பதாகவும் கூறினார். மேலும் கோவையில் மெட்ரோ ரயில் திட்டம் செயல்படுத்திட சாத்திய கூறுகள் உள்ளனவா என்பது குறித்து ஆய்வு செய்யப்படும் என்றும் முதல்வர் பழனிசாமி தெரிவித்தார்.

திருவாரூரில் எம்ஜிஆர் நூற்றாண்டு விழா மற்றும் அதிமுக புரட்சிதலைவி அம்மா அணியின் மாவட்ட செயல்வீரர்கள் கூட்டம் நடைபெற்றது.  இதில் கலந்து கொண்டு பேசிய ஓ.பன்னீர்செல்வம்:- திமுக செயல்தலைவர் மு.க.ஸ்டாலினுடன் முதல் அமைச்சர் எடப்பாடி பழனிசாமி ரகசிய கூட்டணி அமைத்துள்ளார். அனைத்துத் தொண்டர்கள் மற்றும் மக்களின் ஆதரவு எங்களுக்குதான் உள்ளது. நான் எவ்வளவோ முதல்வர்களை பார்த்துள்ளேன்.  ஆனால் எடப்பாடி பழனிசாமி போல யாரையும் பார்த்ததில்லை.

மதுவிலக்கு எதிரான பெண்களின் தன்னெழுச்சிப் போராட்டங்களை கொச்சைப்படுத்துவதா? என எடப்பாடி பழனிசாமிக்கு பாமக நிறுவனர் டாக்டர் ராமதாஸ் கண்டனம் தெரிவித்துள்ளார். இதைக்குறித்து அவர் வெளியிட்டுள்ள அறிக்கை கூறியதாவது:- தமிழக சட்டப்பேரவையில் காவல்துறை மானியக் கோரிக்கை மீதான விவாதத்தின் போது குறுக்கிட்டுப் பேசிய முதலமைச்சர் எடப்பாடி பழனிச்சாமி, மதுக்கடைகளுக்கு எதிரான போராட்டங்கள் தேவையற்றவை; இத்தகைய போராட்டங்களை பெண்கள் மற்றும் குழந்தைகளை வைத்து நடத்துவது ஃபேஷனாகி விட்டது என்று குற்றஞ்சாற்றியுள்ளார். மகளிர் போராட்டத்தை கொச்சைப்படுத்துவது கண்டிக்கத்தக்கது.

வரும் 17-ம் தேதி நடைபெறும் குடியரசுத் தலைவர் தேர்தலில் பாஜக சார்பில் போட்டியிடும் ராம்நாத் கோவிந்தும், எதிர்கட்சிகள் சார்பில் போட்டியிடும் மீரா குமாரும் இன்று சென்னை வருகின்றனர்.  இருவரும் நாடு முழுவதும் சுற்றுப் பயணம் செய்து தங்களுக்கு ஆதரவு தெரிவித்துள்ள கட்சிகளின் எம்.பி., எம்எல்ஏக்களை நேரில் சந்தித்து ஆதரவு திரட்டி வருகின்றனர். அதன் ஒரு பகுதியாக ராம்நாத் கோவிந்த், மீராகுமார் இருவரும் இன்று ஒரே நாளில் சென்னை வருகின்றனர். ராம்நாத் கோவிந்த்:

தமிழக முதல் - அமைச்சர் எடப்பாடி பழனிசாமி இன்று தலைமைச் செயலகத்தில், தமிழ்நாடு மணல் இணைய சேவை இணையதளத்தையும், செல்லிடப்பேசி செயலியையும் தொடங்கி வைத்தார். இது தொடர்பாக அரசு வெளியிட்ட அறிக்கையில் கூறியதாவது:- 

வருமான வரித்துறை, சிபிஐ, அமலாக்கத்துறை ஆகியவற்றுக்கு அஞ்சி, மத்திய அரசின் காலில் விழுந்து லாலி பாடும் நிலையில் தமிழக அரசு செயல் படுகிறது என திமுக செயல் தலைவர் மு.க ஸ்டாலின் கூறியுள்ளார். அவர் கூறியதாவது:- மத்திய அரசு கொண்டு வந்துள்ள மாட்டிறைச்சி தடைச் சட்டத்தை ரத்து செய்ய வேண்டும், அதற்கு தமிழக சட்டமன்றத்தில் தனித்தீர்மானம் ஒன்றை நிறைவேற்ற வேண்டும் என்று சட்டசபை தொடங்கிய நாளன்றே, நான் சபாநாயகர் அவர்களின் கடிதம் கொடுத்திருந்தேன். 

சென்னை வர்த்தக மையத்தில் தமிழக முதல் அமைச்சர் எடப்பாடி பழனிசாமி தலைமையில் வரும் ஜூன் 21-ம் தேதி இப்தார் நோன்பு திறப்பு நிகழ்ச்சி நடைபெறும் என அறிவிக்கப்பட்டுள்ளது. இதுகுறித்து அதிமுக. (அம்மா) அணி எம்.பி. அன்வர் ராஜா நிருபர்களிடம் கூறியது:-

சட்டசபையில் இன்று கல்வி மானியக் கோரிக்கை மீதான விவாதத்தில் திமுக உறுப்பினர் பொன்முடி பேசினார். அப்போது கல்வித்துறைக்கு மத்திய அரசிடம் இருந்து வரவேண்டிய நிதி ரூ.4,503 கோடி பெற நடவடிக்கை எடுக்க வேண்டும் என்று குறிப்பிட்டார். இதற்கு பதில் அளித்த அமைச்சர் ஜெயக்குமார் பலவேறு துறைகளின் சார்பில் மத்திய அரசு ரூ.17 ஆயிரம் கோடி தரவேண்டி உள்ளது. அதை நாங்கள் வற்புறுத்தி உள்ளோம். விரைவில் கிடைக்கும். என்றார்.

தஞ்சையில் எய்ம்ஸ் மருத்துவமனை அமைக்க மத்திய அரசு மறுத்து விட்டதாக சட்டப்சபையில் இன்று தமிழக முதல்வர் எடப்பாடி பழனிசாமி கூறியுள்ளார். இரண்டாவது நாளான இன்று சட்டப்பேரவை கூட்டத் தொடரில் எய்ம்ஸ் மருத்துவமனை அமைப்பது குறித்து அமைச்சர்களுக்குள் ஒற்றுமை இல்லையா? என்று திமுக சட்டப்பேரவை உறுப்பினர்கள் கேள்வி எழுப்பினார். அதற்குப் பதிலளித்துப் பேசிய தமிழக முதல்வர் எடப்பாடி பழனிசாமி கூறுகையில், தஞ்சையில் எய்ம்ஸ் மருத்துவமனை அமைக்க தேர்வு செய்த இடத்தை மத்திய அரசு மறுத்துவிட்டது.

சட்டப்பேரவை கூட்டத் தொடர் முடிந்ததும் இன்று மாலை தினகரன் ஆதரவு எம்எல்ஏக்கள் தமிழக முதல் அமைச்சர் எடப்பாடி பழனிசாமியை சந்திக்கத் திட்டமிட்டுள்ளனர். அதிமுகவின் பல்வேறு நிர்வாகிகள், எம்எல்ஏக்கள் தினகரனை சந்தித்து தங்கள் ஆதரவை தெரிவித்து வருகின்றனர். முன்னாள் அமைச்சர்கள் செந்தில் பாலாஜி, பழனியப்பன், தோப்பு வெங்கடாச்சலம் உள்ளிட்ட 34 எம்எல்ஏக்கள் தினகரனை சந்தித்து ஆதரவு தெரிவித்தனர். தென்காசி தொகுதி எம்.பி., வசந்தி முருகேசனும் நேற்று காலை தினகரனை சந்தித்து ஆதரவு தெரிவித்தார். 

நடிகை வரலட்சுமி சரத்குமார் முதல்வர் எடப்பாடி பழனிசாமியை இன்று சந்தித்தார். அப்போது பெண்கள் பாதுகாப்பை அதிகரிக்க வேண்டும். அதற்கான ஏற்பாடுகளை செய்ய வேண்டும் என்று கோரிக்கை விடுத்தார். அது பற்றிய விவரங்களை, முதல்வர் எடப்பாடி பழனிசாமி கேட்டு அறிந்தார். உரிய நடவடிக்கை எடுக்கப்படும் என்றும் உறுதி அளித்தார்.  

அதிமுக துணை பொதுச்செயலாளர் டி.டி.வி.தினகரனுக்கு 22 எம்.எல்.ஏ.க்கள் ஆதரவு தெரிவித்துள்ளனர்.  தற்போது தமிழகத்தில் ஆட்சி செய்து வரும் எடப்பாடி பழனிசாமி தலைமையிலான அரசுக்கு 122 எம்.எல்.ஏ.க்கள் ஆதரவு அளித்து வருகிறார்கள். இதில் 22 பேர் டி.டி.வி. தினகரனுக்கு தங்களது ஆதரவை வெளிப்படையாக தெரிவித்துள்ளனர். இவர்களுடன் தினகரன் எதிர்கால அரசியல் பற்றி ஆலோசித்ததாக தகவல்கள் தெரிவிக்கின்றன.  இதனால் அதிமுகவுக்குள் குழப்பம் நிலவுவதாக கூறப்படுகிறது. மேலும் கட்சியிலும், ஆட்சியிலும் மீண்டும் நெருக்கடி உருவாகியுள்ளது என தெரிகிறது.

இந்திய தொழிலகக் கூட்டமைப்பின் 3-வது தென் மண்டல மாநாட்டை சென்னையில் நேற்று தொடக்கி வைத்த முதல்வர் எடப்பாடி பழனிசாமி உள்ளிட்டோர்.            அடுத்த ஆண்டு உலக முதலீட்டாளர் மாநாடு நடத்தப்படும் என்று முதல்வர் எடப்பாடி பழனிசாமி அறிவித்தார். இந்திய தொழிலகக் கூட்டமைப்பின் சார்பில் மூன்றாவது தென் மண்டல மாநாட்டை சென்னையில் சனிக்கிழமை தொடக்கி வைத்து அவர் ஆற்றிய உரை. கடந்த 2015-ம் ஆண்டு உலகமே பாராட்டும் வகையில், உலக முதலீட்டாளர் மாநாடு மிகச் சிறப்பாக நடத்தப்பட்டது. இந்த மாநாட்டினை செம்மையான முறையில் நடத்திட சிஐஐ சிறப்பான பணிகளை ஆற்றியது. 

மாற்றுத்திறனாளிகளுக்கான அரசு பணியிடங்களின் இடஒதுக்கீட்டை 3 சதவீதத்திலிருந்து 4 சதவீதமாக உயர்த்தி தமிழக முதல்வர் எடப்பாடி பழனிசாமி உத்தரவிட்டுள்ளார். இதைக்குறித்து தமிழக அரசு சார்பில் வெளியிட்டுள்ள அறிவிப்பில் கூறி இருப்பதாவது:- மாற்றுத் திறனாளிகளை அரசு பணியிடங்களில் பணி அமர்த்துவதில் இந்தியாவிலேயே தமிழ்நாடு முன்னோடி மாநிலமாக திகழ்ந்து வருகிறது.

தமிழக அமைச்சரவையில் எந்த மாற்றமும் இல்லை என தமிழக முதல் அமைச்சர் எடப்பாடி பழனிசாமி தெரிவித்தார். ஏற்காடு கோடை விழாவை தொடக்கிவைத்த பிறகு செய்தியாளர்களிடம் பேசிய முதல்வர் :- மாட்டிறைச்சி விற்பனைக்கு மத்திய அரசு தடை விதித்திருப்பது குறித்து அரசாணை வந்தபிறகுதான் சரியான பதில் சொல்ல முடியும். மக்களிடத்தில் செல்வாக்கு மிக்க, மக்களுக்கு உழைத்து மறைந்த முன்னாள் முதல் அமைச்சர் ஜெயலலிதாவின் திருவுருவப் படம் சட்டப் பேரவையில் திறக்கப்படும். இதில் எந்தவித தவறும் இல்லை. மேலும் கட்சியின் வளர்ச்சிப் பணியைப் பற்றி பேச மாவட்டச் செயலர்கள் கூட்டத்தை சென்னையில் திங்கள்கிழமை கூட்டுகிறோம்.

சர்வதேச மற்றும் தேசிய விளையாட்டுப் போட்டிகளில் பதக்கங்கள் வென்ற தமிழகத்தைச் சேர்ந்த வீரர் வீராங்கணைகள் மற்றும் பயிற்சியாளர்களுக்கு ரூ.4 கோடி அளவிலான ஊக்கத் தொகையை தமிழக முதல்வர் பழனிசாமி வழங்கி கவுரவித்தார். இது தொடர்பாக தமிழக அரசு இன்று வெளியிட்டுள்ள செய்தி குறிப்பில் கூறியதாவது:- அகில இந்திய அளவிலும், பன்னாட்டு அளவிலும் நடைபெறும் பல்வேறு விளையாட்டுப் போட்டிகளில் வெற்றி வாகை சூடும் தமிழகத்தைச் சேர்ந்த விளையாட்டு வீரர்கள் மற்றும் வீராங்கனைகளைக் ஊக்குவிக்கும் வகையில், முன்னாள் முதல்வர் ஜெயலலிதா பல்வேறு சிறப்பான திட்டங்களை செயல்படுத்தினார்.

தமிழகத்தில் புதிதாக 3 சட்டக் கல்லூரிகள் தொடகப்பட வேண்டும் என்று முதல்வர் எடப்பாடி பழனிசாமி கூறியுள்ளார். மேலும் இந்த கல்லூரி நிகழ் கல்வி ஆண்டே தொடங்கப்படும் என்றும் தெரிவித்துள்ளார். இதுகுறித்து நேற்று அவர் வெளியிட்ட அறிவிப்பு:- தமிழ்நாடு டாக்டர் அம்பேத்கர் சட்டப் பல்கலைக்கழகத்தின் கீழ் தற்போது ஏழு சட்டக் கல்லூரிகளும், ஒரு தனியார் சட்டக் கல்லூரியும் இயங்கி வருகின்றன. மேலும், திருச்சி மாவட்டம் ஸ்ரீரங்கத்தில் தேசிய சட்டப் பள்ளியும் செயல்பட்டு வருகிறது.

இன்று பிரதமர் நரேந்திர மோடியை சந்தித்த தமிழக முதல்வர் எடப்பாடி பழனிசாமி அவர்கள் பிரதமர் மோடியிடம் முக்கிய கோரிக்கை மனுவை கொடுத்தார்.  அந்த கோரிக்கை மனுவில் கூறப்பட்டதாவது:-  * தமிழ்நாட்டின் பாதிக்கப்பட்ட விவசாயிகளுக்கு இழப்பீட்டு தொகையும் மற்றும் பயிர் காப்பீட்டுத் தொகையும் முழுமையாக வழங்குவதற்கு விரைவில் நடவடிக்கை எடுக்க           வேண்டும்