Shaakuntalam Trailer దుష్యంతుడు, శకుంతల ప్రేమ కథ, భరతుడు జననం గురించి మన ఇతిహాసాలు, మహాభారత గాధలు చదివిన వారికి తెలిసే ఉంటుంది. శకుంతల ప్రేమ కథను తెరపై గుణ శేఖర్ ఆవిష్కరించే ప్రయత్నం చేశాడు. ఇందులో భాగంగా సమంతతో శాకుంతలం అనే సినిమాను తీసిన సంగతి తెలిసిందే. మొత్తానికి ఈ సినిమా నుంచి ట్రైలర్ వచ్చింది. ఈ ట్రైలర్‌లో విజువల్స్ అద్భుతంగా ఉన్నాయి. మణిశర్మ సంగీతం అందరినీ కట్టిపడేసేలా ఉన్నాయి. యాక్షన్ సీక్వెన్స్, విజువల్స్ అన్నీ కూడా అదిరపోయాయి. ఇక చివర్లో అల్లు అర్హ ఎంట్రీ మాత్రం విజిల్స్ వేసేలా ఉన్నాయి. సింహం మీద అలా అల్లు అర్హ ఎంట్రీ చూస్తే ఎవ్వరైనా ఆశ్చర్యపోవాల్సిందే.
ఈ భూమ్మిద అమ్మానాన్నలకు అక్కర్లేని తొలి బిడ్డ.. మేనకా విశ్వామిత్రుల ప్రేమకు గుర్తుగా ఈ బిడ్డ పుట్టింది అనే డైలాగ్స్‌తో ట్రైలర్ ప్రారంభం అవుతుంది. శకుంతల ఒక కారణ జన్మురాలు.. నవ నాగరికతకు నాంది పలకబోతోంది అంటూ సినిమాలోని అసలు కారెక్టర్‌లను రివీల్ చేస్తూ పోయారు. దుష్యంతుడిగా దేవ్ మోహన్, దుర్వాస మహర్షిగా మోహన్ బాబు కనిపించబోతోన్నాడు. అయితే ఇందులో విజువల్స్ గ్రాఫిక్స్ ఓ మోస్తరుగా మెప్పించేలా ఉన్నాయి.
కానీ అది గ్రాఫిక్స్ అని ఇట్టే కనిపెట్టేలా ఉంది. చివర్లో అల్లు అర్హ ఎంట్రీ సీన్ అదిరిపోయినా.. దాని కోసం చేసిన సీజీ వర్క్ తేలిపోయినట్టుంది. మొత్తానికి మణిశర్మ మాత్రం తనకు ఇచ్చిన బడ్జెట్‌లో తాను అనుకున్నది తీసినట్టు కనిపిస్తోంది. రెండు మూడు సెట్లు వేసి అందులోనే అంతా కానిచ్చేశాడు. ఇక ఇందులో సమంత చెప్పిన డైలాగ్స్‌, చెప్పుకున్న డబ్బింగ్ అంత ఎఫెక్టివ్‌గా ఏమీ అనిపించలేదు. కానీ సమంత లుక్స్ మాత్రం కొత్తగా అనిపించాయి.
Also Read: Sreemukhi Brother : శ్రీముఖి తమ్ముడి బర్త్ డే పిక్స్.. ముద్దులు పెట్టేసిన రాములమ్మ
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
