Bigg Boss Shiva Jyothi : బిగ్ బాస్ షోతో శివ జ్యోతి క్రేజ్ విపరీతంగా పెరిగింది. అంతకు ముందు ఇస్మార్ట్ వార్తలతో సావిత్రి అంటూ తెలంగాణ ప్రజలను పలకరిస్తుండేది. బిగ్ బాస్ షోతో ఒక్కసారిగా ఆమె ఇమేజ్ మారిపోయింది.
ప్రస్తుతం శివ జ్యోతి బాగానే సంపాదించేస్తున్నట్టుగా ఉంది. దసరా రోజు బీఎండబ్ల్యూ కారును కొనేసింది. అందరినీ ఆశ్చర్యానికి గురి చేసింది.
శివ జ్యోతి తన భర్త గంగూలితో కలిసి అనేక షోల్లో సందడి చేసింది. ఓంకార్ ఇస్మార్ట్ జోడి వంటి షో ద్వారా శివ జ్యోతి భర్త గంగూలి సైతం ఫేమస్ అయ్యాడు.
బిగ్ బాస్ తరువాత శివ జ్యోతి తన క్రేజ్‌ను బాగానే వాడుకుంది. సోషల్ మీడియాలో ఎప్పుడూ బిజీగా ఉంటూ.. తన ఫాలోవర్లకు ఏదో ఒక అప్డేట్ ఇస్తూ యాక్టివ్‌గా ఉంటుంది.
బిగ్ బాస్ ఇంట్లో ఆమెకు పాతాళ గంగ అని పేరు వచ్చింది. ప్రతీ చిన్న దానికి కుళాయి ఓపెన్ చేసింది. ఎవరో చచ్చిపోయినట్టుగానే ఏడుస్తుండేది. ఆ ఏడుపు మొహాన్ని చూడలేకే జనాలు ఎలిమినేట్ చేసేశారు.
బిగ్ బాస్ మూడో సీజన్లో శివ జ్యోతి ఎంట్రీ ఇచ్చింది. స్క్రీన్ నేమ్ సావిత్రి అని.. కానీ తనకు శివజ్యోతిగా గుర్తింపు రావాలని, అందుకే బిగ్ బాస్ ఇంట్లోకి వచ్చానని అప్పుడు చెప్పింది శివజ్యోతి.
