IT Raids: టాలీవుడ్ లో ఐటీ దాడుల వెనుక భారీ ట్విస్ట్.. బాలీవుడ్ మాఫియా హస్తం..!

1 /5

బాలీవుడ్ మాఫియా సౌత్ లో కంటే నార్త్ లో చాలా మందికి తెలుసు. దాని గురించి పుకార్లు చాలా కాలంగా ఉన్నాయి. అక్కడి మాఫియా ఏ నటులను ప్రోత్సహించాలి, ఎక్కడ పెట్టుబడులు పెట్టాలి, ఎవరిని అణగదోక్కాలి వంటి నిర్ణయాలు తీసుకుంటుంది అని అంటూ ఉంటారు. ఎవరైనా బాలీవుడ్‌లోకి ప్రవేశించాలి అన్నా వీళ్ళను దాటకుండా చాలా కష్టం అని కూడా చెప్పుకుంటూ ఉంటారు.

2 /5

ఇప్పుడు వాళ్ళ గురించిన గాసిప్స్ టాలీవుడ్‌లోనూ వినిపిస్తున్నాయి. తాజాగా మైత్రి మూవీ మేకర్స్, దిల్ రాజు ప్రొడక్షన్స్, అభిషేక్ అగర్వాల్ ఆర్ట్స్ వంటి పెద్ద నిర్మాణ సంస్థలపై ఐటీ దాడులు జరిగిన సంగతి తెలిసిందే. ఈ నిర్మాణ సంస్థలు పాన్-ఇండియా ప్రాజెక్టులు ఎక్కువగా నిర్మిస్తూ ఉంటాయి. పుష్ప 2, కాశ్మీర్ ఫైల్స్, కార్తికేయ 2 వంటి చిత్రాలతో హిందీ ఆడియన్స్‌ను కూడా బాగానే ప్రభావితం చేశాయి.

3 /5

మైత్రి మూవీ మేకర్స్ పుష్ప 2 బ్లాక్ బస్టర్ విజయానికి తర్వాత గోపీచంద్ మలినేనితో జాట్ అనే సినిమాను నిర్మిస్తోంది. దీనికోసం పలు బాలీవుడ్ స్టార్‌లకు కూడా అడ్వాన్స్ ఇచ్చినట్లు సమాచారం. దిల్ రాజు ప్రొడక్షన్స్ అమీర్ ఖాన్‌తో కలిసి పాన్-ఇండియా ప్రాజెక్ట్ చేయడానికి సన్నాహాలు చేస్తోంది. వంశీ పైడిపల్లి ఈ ప్రాజెక్ట్‌ను డైరెక్ట్ చేయనున్నారు.  

4 /5

అభిషేక్ అగర్వాల్ ఆర్ట్స్ గూఢచారి, కార్తికేయ 3 వంటి చిత్రాలకు సహనిర్మాతగా పనిచేస్తూ వ్యాక్సిన్ వార్ అనే మరో ప్రతిష్ఠాత్మక పాన్-ఇండియా చిత్రాన్ని నిర్మిస్తోంది. దీంతో ఈ సమయంలో ఐటీ దాడులు జరగడం వల్ల ఇది బాలీవుడ్ మాఫియా పని అని పలు పుకార్లు చక్కర్లు కొడుతున్నాయి. బాలీవుడ్ వరుస ఫ్లాపులతో ఇబ్బందులు ఎదుర్కుంటుండగా, టాలీవుడ్ పాన్-ఇండియా విజయాలు సాధిస్తూ బాలీవుడ్‌ను వెనక్కి నెడుతుందనే అభిప్రాయాలు వ్యక్తమవుతున్నాయి. అందుకే మాఫియా ప్రమేయం చేసుకుని, ఇలా టాలీవుడ్‌కు వార్నింగ్‌ ఇచ్చింది అని కొందరు అంటున్నారు.

5 /5

అయితే, ఈ దాడులు కేవలం సాధారణ ఐటీ చర్యలు కూడా కావచ్చు. మాఫియా జోక్యం ఉన్నట్లు ఎలాంటి రుజువు కూడా లేదు. కానీ ఈ సంఘటనలు ఈ పుకార్లకు ఆజ్యం పోశాయి.