Lavanya Tripathi Sathi Leelavathi Movie Latest Updates: పెళ్లి చేసుకున్న తర్వాత తన తొలి సినిమాను వరుణ్‌ తేజ్‌ భార్య లావణ్య త్రిపాఠి సినిమ చేస్తోంది. తన సినిమా పూర్తి చేసేందుకు తీవ్రంగా శ్రమిస్తోంది. హీరోయిన్‌ ఓరియెంటెండ్‌ సినిమాలో తొలిసారి నటిస్తున్న లావణ్య ఈ చిత్రంపై భారీ ఆశలు పెట్టుకుంది. మరి ఆ సినిమా వివరాలు తెలుసుకుందాం.
గతేడాది మెగా నటుడు కొణిదెల వరుణ్‌ తేజ్‌ను హీరోయిన్‌ లావణ్య త్రిపాఠి వివాహం చేసుకున్న విషయం తెలిసిందే. వివాహం తర్వాత కొన్నాళ్లు సినిమాలకు దూరమైన లావణ్య ఇప్పుడు మళ్లీ కెరీర్‌పై దృష్టి సారించింది.
పెళ్లి తర్వాత హీరోయిన్‌ ఓరియెంటెండ్‌ సినిమాలో నటిస్తోంది. తాతినేని స‌త్య దర్శకత్వంలో తెరకెక్కుతున్న ఈ సినిమా పేరు ‘సతీ లీలావతి’. వైవిధ్య‌మైన పాత్రల‌తో క‌థానాయిక‌గా త‌న‌కంటూ ఓ ప్ర‌త్యేక‌మైన గుర్తింపు సంపాదించుకున్న లావణ్య త్రిపాఠి తొలిసారి భిన్నమైన కథాంశంతో ఈ చిత్రంలో నటిస్తోంది.
లావణ్యకు జోడీగా మ‌ల‌యాళ నటుడు దేవ్ మోహన్‌ నటిస్తుండగా.. ఆనంది ఆర్ట్స్ సమర్పణలో దుర్గాదేవి పిక్చ‌ర్స్‌, ట్రియో స్టూడియోస్ ప‌తాకాల సంయుక్త నిర్మాణం ఈ సినిమా నిర్మాణమవుతోంది.
భీమిలీ కబడ్డీ జట్టు, ఎస్‌ఎంఎస్‌ (శివ మ‌న‌సులో శృతి) సినిమాలు తీసిన తాతినేని స‌త్య దర్శకత్వం వహిస్తుండగా.. ఈ సినిమాను ఎం నాగమోహ‌న్ బాబు, టీ రాజేష్‌ నిర్మిస్తున్నారు. ప్రస్తుతం ఈ సినిమా చకచకా షూటింగ్ పూర్తి చేసుకుంటోంది.
శరవేగంగా చిత్రీకరణ పూర్తి చేసుకుంటున్న సతీ లీలావతి ఫస్ట్ షెడ్యూల్‌ను విజయవంతంగా పూర్తి చేసుకుంది. హైదరాబాద్‌లోనే జరిగిన ఈ షెడ్యూల్‌లో హీరో హీరోయిన్ల మీద కీలక సన్నివేశాలను చిత్రీకరించారు.
వెంటవెంటనే షూటింగ్ పూర్తి చేసి వేసవి కానుకగా ఈ సినిమాను విడుదల చేయాలని చిత్రబృందం భావిస్తోంది. ఫీల్ గుడ్ మూవీగా అందరినీ ఆకట్టుకునేలా.. అన్ని వర్గాల ప్రేక్షకుల్ని మెప్పించేలా ఈ చిత్రం తెరకెక్కిస్తున్నారు. ఈ సినిమాకు మిక్కీ జే మేయర్ సంగీతం అందిస్తుండగా.. కెమెరామెన్‌గా బినేంద్ర మీనన్, ఎడిటర్‌గా సతీష్ సూర్య వ్యవహరిస్తున్నారు.
