Sri Simha Wedding: మత్తు వదలరా -2 సినిమాతో భారీ విజయాన్ని తన ఖాతాలో వేసుకున్న శ్రీ సింహ.. తాజాగా సీనియర్ నటులు మురళీమోహన్ మనవరాలు రాగ మాగంటితో ఏడడుగులు వెయ్యబోతున్నారు. ఈ క్రమంలోనే ప్రీ వెడ్డింగ్ కార్యక్రమాలు ఘనంగా జరిగాయి. ఈ వేడుకలలో మహేష్ బాబు అందరిని ఆకట్టుకున్నారు.
ఈ మధ్యకాలంలో సెలబ్రిటీలు ఒకరి తరువాత ఒకరు వివాహం చేసుకుంటూ బ్యాచిలర్ లైఫ్ వీడుతున్నారు. ఈ క్రమంలోనే ఆస్కార్ అవార్డు గ్రహీత ప్రముఖ మ్యూజిక్ డైరెక్టర్ ఎంఎం కీరవాణి తనయుడు యంగ్ హీరో శ్రీ సింహ బ్యాచిలర్ లైఫ్ ను వీడే సమయం వచ్చింది.
గతంలో మురళీమోహన్ మనవరాలిని వివాహం చేసుకోబోతున్నట్లు వార్తలు రాగా.. ఇప్పుడు ఆ వార్తలు కాస్త నిజమయ్యాయి. తాజాగా మురళీమోహన్ మనవరాలు రాగ మాగంటి తో శ్రీ సింహ ఏడడుగులు వేయబోతున్నారు ఇక అందుకు సంబంధించి ప్రీ వెడ్డింగ్ కార్యక్రమాన్ని గోల్కొండ ఫోర్ట్ లో ఘనంగా నిర్వహించారు.
ఈ కార్యక్రమానికి పలువురు సెలబ్రిటీలతో పాటు గ్లోబల్ స్టార్ డైరెక్టర్ రాజమౌళి , సూపర్ స్టార్ మహేష్ బాబు కూడా విచ్చేశారు. ఇకపోతే ఇక్కడ సూపర్ స్టార్ మహేష్ బాబు లుక్ అందరినీ ఆకట్టుకుంది. పొడవాటి జుట్టుతో మరొకసారి తన అందంతో మెస్మరైజ్ చేశారు మహేష్ బాబు.
తాజాగా రఘురామ కృష్ణంరాజుతో కలిసి మహేష్ బాబు ఫోటోలకు ఫోజులిచ్చారు. ఈ ఫోటోలు సోషల్ మీడియాలో వైరల్ అవుతున్నాయి. ఇక మహేష్ బాబు విషయానికి వస్తే గత కొద్ది రోజులుగా రాజమౌళి సినిమా కోసం తెగ కష్టపడుతున్నారు దాదాపు రెండు మూడు సంవత్సరాలు ఈ సినిమాకి తన డేట్స్ కేటాయించినట్లు సమాచారం.
ఎస్ ఎస్ ఎం బి 29 అనే వర్కింగ్ టైటిల్ తో తరగతి పోతున్న ఈ చిత్రాన్ని ఆఫ్రికన్ అడవులలో అడ్వెంచర్ మూవీగా తెరకెక్కిస్తున్నట్లు సమాచారం. ఇక మరొకవైపు రాజమౌళి ఈ సినిమా లొకేషన్స్ కోసం కెనడాలో తిరుగుతున్న విషయం తెలిసిందే.
