PM Modi-Jupally Rameshwar Rao Meeting: ప్రధాని మోదీని మై హోమ్ గ్రూప్ అధినేత డాక్టర్ జూపల్లి రామేశ్వర్ రావు కలిశారు. తన కుమారుడు, సంస్థ ఎగ్జిక్యూటివ్ వైస్ ఛైర్మన్ జూపల్లి రామురావుతో కలిసి మర్యాదపూర్వకంగా కలుసుకున్నారు. ఈ సందర్భంగా ప్రధాని మోదీకి శాలువా కప్పి సత్కరించారు. తిరుమల శ్రీ వేంకటేశ్వర స్వామి విగ్రహాన్ని ప్రధాని మోదీకి బహుమతిగా అందజేశారు.
దేశరాజధాని ఢిల్లీలోని ప్రధాని నివాసంలో రామేశ్వరావు, రామురావు ప్రధానితో భేటీ అయ్యారు. రాము రావును నరేంద్ర మోదీ అప్యాయంగా హత్తుకుని పలకరించడం విశేషం.
అనంతరం దాదాపు గంటపాటు వీరు సమావేశం అయ్యారు. ఈ భేటీపై రాజకీయ వర్గాల్లో చర్చ మొదలైంది.
అయితే ఆధ్యాత్మిక, సాంస్కృతిక, సామాజిక అంశాలపై ప్రధానితో చర్చించినట్లు తెలుస్తోంది.
ప్రధాని మోదీకి ప్రపంచవ్యాప్తంగా ఆధ్యాత్మిక నేతగా గుర్తింపు ఉంది. ఆయన ఎక్కడికి వెళ్లినా.. అక్కడి ఆలయాలను దర్శించుకుంటారు.
ప్రధానిగా దేశంలో సమానత్వం నెలకొల్పేందుకు నరేంద్ర మోదీ చేస్తున్న కృషి గురించి ప్రత్యేకంగా చెప్పక్కర్లేదు. 2022లో హైదరాబాద్ మహానగరంలో ‘స్టాట్యూ ఆఫ్ ఈక్వాలిటీ’ని ప్రధాని ప్రారంభించిన విషయం తెలిసిందే.
